ਪਟਨਾ, 20 ਜਨਵਰੀ (ਪੋਸਟ ਬਿਊਰੋ)- ਜਲ-ਜੀਵਨ-ਹਰਿਆਲੀ ਅਤੇ ਸ਼ਰਾਬਬੰਦੀ ਦੇ ਪੱਖ 'ਚ ਅਤੇ ਦਹੇਜ ਪ੍ਰਥਾ ਅਤੇ ਬਾਲ ਵਿਆਹ ਦੇ ਖ਼ਿਲਾਫ਼ ਕੱਲ੍ਹ ਬਿਹਾਰ ਵਿੱਚ ਪੰਜ ਕਰੋੜ ਲੋਕਾਂ ਨੇ 18000 ਕਿਲੋਮੀਟਰ ਲੰਬੀ ਮਨੁੱਖੀ ਕੜੀ ਬਣਾਈ ਸੀ। ਇਸ ਦਾ ਮੁੱਖ ਪ੍ਰੋਗਰਾਮ ਪਟਨਾ ਦੇ ਗਾਂਧੀ ਮੈਦਾਨ 'ਚ ਹੋਇਆ, ਜਿਸ ਵਿੱਚ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਵੀ ਸ਼ਾਮਲ ਹੋਏ ਸਨ। ਇਸ ਮਨੁੱਖੀ ਲੜੀ ਨੇ ਨਿਤੀਸ਼ ਸਰਕਾਰ ਦੀਆਂ ਕੋਸ਼ਿਸ਼ਾਂ ਦਾ ਸਮਰਥਨ ਕਰਨ ਦਾ ਸੱਦਾ ਦਿੱਤਾ। ਇਸ ਮਨੁੱਖੀ ਲੜੀ ਨੇ 2017 ਦੇ ਪਿਛਲੇ ਰਿਕਾਰਡਾਂ ਨੂੰ ਬਿਹਤਰ ਬਣਾਇਆ ਜਦੋਂ ਲੋਕ ਸ਼ਰਾਬ ਦੀ ਵਿਕਰੀ ਅਤੇ ਖਪਤ 'ਤੇ ਮੁਕੰਮਲ ਪਾਬੰਦੀ ਲਾਉਣ ਦੇ ਨਿਤੀਸ਼ ਕੁਮਾਰ ਦੇ ਕਦਮ ਦੇ ਸਮਰਥਨ ਵਿੱਚ ਖੜ੍ਹੇ ਹੋਏ ਸਨ ਅਤੇ ਜਦੋਂ 2018 ਵਿੱਚ ਦਾਜ ਅਤੇ ਬਾਲ ਵਿਆਹ ਦੇ ਵਿਰੁੱਧ ਮੁਹਿੰਮਾਂ ਨੂੰ ਦੁਹਰਾਇਆ ਗਿਆ ਸੀ।
ਕੱਲ੍ਹ ਇਸ ਮੌਕੇ ਚੀਫ ਸੈਕਟਰੀ ਦੀਪਕ ਕੁਮਾਰ ਨੇ ਕਿਹਾ ਕਿ ਕੁੱਲ ਮਿਲਾ ਕੇ 5.17 ਕਰੋੜ ਲੋਕਾਂ ਨੇ ਮਨੁੱਖੀ ਲੜੀ ਵਿੱਚ ਹਿੱਸਾ ਲਿਆ, ਜੋ 18,034 ਕਿਲੋਮੀਟਰ ਲੰਬੀ ਸੀ। ਸਾਲ 2018 ਵਿੱਚ ਇਸ ਮਨੁੱਖੀ ਕੜੀ ਦੀ ਲੰਬਾਈ 14000 ਕਿਲੋਮੀਟਰ ਸੀ। ਉਨ੍ਹਾਂ ਕਿਹਾ ਕਿ ਇਸ ਸਮਾਗਮ ਦੇ ਹਵਾਈ ਚਿੱਤਰਾਂ ਨੂੰ ਹਾਸਲ ਕਰਨ ਲਈ ਕੁੱਲ ਸੱਤ ਹੈਲੀਕਾਪਟਰਾਂ ਦਾ ਯੋਗਦਾਨ ਸੀ, ਜੋ ਇਤਿਹਾਸ ਦਾ ਇੱਕ ਰਿਕਾਰਡ ਹੈ। ਇਸ ਤੋਂ ਇਲਾਵਾ 100 ਤੋਂ ਵੱਧ ਡਰੋਨ ਕੈਮਰਿਆਂ ਨੇ ਫੋਟੋ ਕਲਿੱਕ ਕੀਤੀਆਂ ਜੋ ਰਾਜ ਦੇ ਲੋਕਾਂ ਦਾ ਉਤਸ਼ਾਹ ਦਰਸਾਉਂਦੀਆਂ ਹਨ, ਜਿਸ ਅਸੀਂ ਧੰਨਵਾਦੀ ਹਾਂ।
ਅਧਿਕਾਰੀਆਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਬਿਹਾਰ ਵਿੱਚ ਇੱਕ 55 ਸਾਲਾ ਸਰਕਾਰੀ ਅਧਿਆਪਕ ਅਤੇ ਇੱਕ ਔਰਤ ਦੀ ਨਿਤੀਸ਼ ਕੁਮਾਰ ਸਰਕਾਰ ਦੇ ਮਨੁੱਖੀ ਲੜੀ ਪ੍ਰੋਗਰਾਮ ਦੌਰਾਨ ਮੌਤ ਹੋ ਗਈ। ਮ੍ਰਿਤਕਾਂ ਵਿੱਚ ਮੁਹੰਮਦ ਦਾਊਦ ਦੀ ਮੌਤ ਦਰਭੰਗਾ ਜ਼ਿਲ੍ਹੇ ਅਤੇ ਇੱਕ ਔਰਤ ਦੀ ਮੌਤ ਸਮਸਤੀਪੁਰ ਜ਼ਿਲ੍ਹੇ ਵਿੱਚ ਹੋਈ ਹੈ।