ਨਵੀਂ ਦਿੱਲੀ, 16 ਜਨਵਰੀ (ਪੋਸਟ ਬਿਊਰੋ)- ਲੇਖਿਕਾ ਮਾਧੁਰੀ ਵਿਜੈ ਨੇ ਕਮਸ਼ੀਰ ਬਾਰੇ ਲਿਖੇ ਆਪਣੇ ਪਹਿਲੇ ਨਾਵਲ ਦੇ ਲਈ ਵੱਕਾਰ ਵਾਲਾ‘ਕ੍ਰਾਸਵਰਡ ਬੁੱਕ ਐਵਾਰਡ' ਜਿੱਤਿਆ ਹੈ ਅਤੇ ਇਸ ਦੇ ਨਾਲ ਇਸ ਐਵਾਰਡ ਨੂੰ ਲੈਣ ਵਾਲੇ ਵੱਡੇ ਭਾਰਤੀ ਲੇਖਕਾਂ ਸਲਮਾਨ ਰਸ਼ਦੀ, ਵਿਕਰਮ ਸੇਠ ਅਤੇ ਕਿਰਨ ਦੇਸਾਈ ਦੀ ਗਰੁੱਪ ਵਿੱਚ ਸ਼ਾਮਲ ਹੋ ਗਈ ਹੈ।
ਜੱਜ ਮੰਡਲ ਸ਼੍ਰੇਣੀ ਵਿੱਚ ਇਹ ਸਤਿਕਾਰਤ ਐਵਾਰਡ ਅਜਿਹਾ ਤੀਸਰਾ ਪ੍ਰਮੁਖ ਸਾਹਿਤਕ ਐਵਾਰਡ ਹੈ ਜਿਸ ਨੂੰ ਬੈਂਗਲੁੂਰੂ ਵਿੱਚ ਜਨਮੀ ਅਮਰੀਕਾ ਵਿੱਚ ਰਹਿੰਦੀ ਲੇਖਿਕਾ ਨੇ ਪਿਛਲੇ ਸਾਲ ਆਈ ਆਪਣੀ ਕਿਤਾਬ ‘ਦ ਫਾਰ ਫੀਲਡ' ਦੇ ਲਈ ਜਿੱਤਿਆ ਹੈ। ਪਿਛਲੇ ਸਾਲ ਨਵੰਬਰ ਵਿੱਚ 32 ਸਾਲਾ ਲੇਖਿਕਾ ਨੇ ਭਾਰਤ ਦਾ ਇੱਕਸਤਿਕਾਰਤ ਐਵਾਰਡ ‘ਜੇ ਸੀ ਬੀ ਪ੍ਰਾਈਜ ਫਾਰ ਲਿਟਰੇਚਰ' ਜਿੱਤਿਆ ਸੀ। ਇਨਾਮ ਵਜੋਂ ਉਨ੍ਹਾਂ ਨੂੰ 25 ਲੱਖ ਰੁਪਏ ਨਕਦ ਮਿਲੇ ਸਨ। ਇਸ ਦੇ ਇਲਾਵਾ ਉੁਨ੍ਹਾਂ ਨੂੰ ‘ਟਾਟਾ ਲਿਟਰੇਚਰ ਲਾਈਵ ਫਸਟ ਬੁੱਕ' ਐਵਾਰਡ ਨਾਲ ਵੀ ਨਵਾਜਿਆ ਗਿਆ ਸੀ।