ਡੁਬਈ, 10 ਜਨਵਰੀ (ਪੋਸਟ ਬਿਊਰੋ)- ਕਦੇ-ਕਦੇ ਚੋਰੀ ਦੀਆਂ ਇਹ ਖਬਰਾਂ ਆਉਂਦੀਆਂ ਹਨ ਕਿ ਲੋਕ ਹੈਰਾਨ ਰਹਿ ਜਾਂਦੇ ਹਨ। ਅਜਿਹਾ ਹੀ ਇਕ ਕੇਸ ਸਾਹਮਣੇ ਆਇਆ ਹੈ ਜਿਸ ਵਿਚ ਅਫਰੀਕੀ ਵਿਅਕਤੀ ਅਪਣੇ ਪੇਟ ਵਿਚ 297 ਗ੍ਰਾਮ ਦਾ ਹੀਰਾ ਲੈ ਕੇ ਜਾ ਰਿਹਾ ਸੀ। ਪੁਲਿਸ ਨੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
ਇਹ ਘਟਨਾ ਸੰਯੁਕਤ ਅਰਬ ਅਮੀਰਾਤ (ਯੂ ਏ ਈ) ਦੀ ਹੈ। ਮੀਡੀਆ ਰਿਪੋਰਟ ਮੁਤਾਬਕ ਫੈਡਰਲ ਕਸਟਮਸ ਅਥਾਰਿਟੀ ਨੇ ਦੱਸਿਆ ਹੈ ਕਿ ਕੁੱਝ ਦਿਨ ਪਹਿਲਾਂ ਸੂਚਨਾ ਮਿਲੀ ਕਿ ਇਕ ਅਫਰੀਕੀ ਆਦਮੀ ਕੁੱਝ ਕੱਚੇ ਹੀਰੇ ਲੈ ਕੇ ਆ ਸਕਦਾ ਹੈ। ਜਦੋਂ ਉਹ ਵਿਅਕਤੀ ਸ਼ਾਰਜਾਹ ਏਅਰਪੋਰਟ ਉੱਤੇ ਪੁੱਜਾ ਤਾਂ ਉਸ ਦਾ ਪਾਸਪੋਰਟ ਜ਼ਬਤ ਕਰ ਲਿਆ ਗਿਆ ਤੇ ਉਸ ਦੇ ਬੈਗ ਦੀ ਤਲਾਸ਼ੀ ਲਈ ਤੇ ਫਿਰ ਐਕਸ-ਰੇ ਹੋਇਆ। ਇਸ ਤੋਂ ਪਿੱਛੋਂ ਜੋ ਹੋਇਆ, ਉਸ ਦੇਖ ਕੇ ਅਧਿਕਾਰੀਆਂ ਦੇ ਹੋਸ਼ ਉੱਡ ਗਏ। ਐਕਸ-ਰੇ ਕਰਨ ਤੋਂ ਬਾਅਦ ਅਧਿਕਾਰੀਆਂ ਨੂੰ ਪਤਾ ਲੱਗਾ ਕਿ ਇਸ ਯਾਤਰੀ ਨੇ 297 ਗ੍ਰਾਮ ਕੱਚੇ ਹੀਰੇ ਖਾ ਲਏ ਸਨ, ਜਿਨ੍ਹਾਂ ਦੀ ਕੀਮਤ ਲਗਭਗ 90,000 ਡਾਲਰ ਸੀ। ਰਿਪੋਰਟ ਮੁਤਾਬਕ ਉਸ ਵਿਅਕਤੀ ਨੇ ਹੀਰੇ ਲਈ ਯੂ ਏ ਈ ਵਿਚ ਖਰੀਦਦਾਰਾਂ ਦੀ ਤਲਾਸ਼ ਵੀ ਕਰ ਲਈ ਸੀ। ਫਿਲਹਾਲ ਉਸ ਤੋਂ ਪੁੱਛਗਿਛ ਕੀਤੀ ਜਾ ਰਹੀ ਹੈ।