ਨੁਸਰਤ ਭਰੂਚਾ ਨੂੰ ਮਿਲ ਰਹੀਆਂ ਫਿਲਮਾਂ ਪਸੰਦ ਆ ਰਹੀਆਂ ਹਨ, ਪਰ ਉਸ ਦੀ ਇੱਛਾ ਹੈ ਕਿ ਉਹ ਸ੍ਰੀਰਾਮ ਰਾਘਵਨ ਵਰਗੀਆਂ ਫਿਲਮਾਂ ਦਾ ਹਿੱਸਾ ਬਣੇ। ਫਿਲਮ ਨਗਰੀ ਵਿੱਚ 13 ਸਾਲ ਲੰਬੇ ਆਪਣੇ ਕਰੀਅਰ ਬਾਰੇ ਉਸ ਨੇ ਕਿਹਾ, ‘‘ਸ਼ੁਰੂ 'ਚ ਮੈਂ ਹਮੇਸ਼ਾ ਮਹਿਸੂਸ ਕਰਦੀ ਸੀ ਕਿ ਅਭਿਨੇਤਰੀਆਂ ਦਾ ਕਰੀਅਰ ਇੱਕ ਸੀਮਿਤ ਸਮੇਂ ਲਈ ਹੁੰਦਾ ਹੈ, ਸ਼ੁਕਰ ਹੈ ਕਿ ਮੈਂ ਅਜਿਹੇ ਸਮੇਂ ਵਿੱਚ ਕੰਮ ਕਰ ਰਹੀ ਹਾਂ, ਜਿੱਥੇ ਸਥਿਤੀ ਬਦਲ ਚੁੱਕੀ ਹੈ। ਇਥੋਂ ਤੱਕ ਕਿ ਫਿਲਮਾਂ ਦੇ ਕੰਟੈਂਟ ਵੀ ਬਦਲ ਗਏ ਹਨ। ਅੱਜ ਅਜਿਹੀਆਂ ਕਹਾਣੀਆਂ 'ਤੇ ਫਿਲਮਾਂ ਬਣ ਰਹੀਆਂ ਹਨ, ਜਿਨ੍ਹਾਂ ਵਿੱਚ 60 ਸਾਲ 'ਚ ਵੀ ਤੁਹਾਨੂੰ ਸਰਵ ਸ਼੍ਰੇਸ਼ਟ ਅਭਿਨੇਤਰੀ ਦਾ ਇਨਾਮ ਮਿਲ ਸਕਦਾ ਹੈ। ਨੀਨਾ ਗੁਪਤਾ ਅਤੇ ਸੁਰੇਖਾ ਸੀਕਰੀ ਨੂੰ ਦੇਖੋ। ਤੱਬੂ ਇਸ ਦੀ ਮਿਸਾਲ ਹੈ, ਜੋ ਬਿਹਤਰੀਨ ਫਿਲਮਾਂ ਕਰਦੀ ਹੈ। ਅੱਜ ਹਾਲਾਤ ਬਦਲ ਗਏ ਹਨ ਤੇ ਮੈਂ ਕਿਸਮਤਵਾਲੀ ਹਾਂ ਕਿ ਮੈਨੂੰ ਇਸ ਨਵੇਂ ਯੁੱਗ ਦੇ ਸਿਨੇਮਾ ਵਿੱਚ ਕੰਮ ਕਰਨ ਦਾ ਮੌਕਾ ਮਿਲਿਆ ਹੈ ਜਿੱਥੇ ਚੰਗੀਆਂ ਕਹਾਣੀਆਂ 'ਤੇ ਕੰਮ ਹੋ ਰਿਹਾ ਹੈ।”
ਨੁਸਰਤ ਅੱਜ ਤੱਕ ਦੇ ਕਰੀਅਰ 'ਚ ਕਈ ਮਜ਼ੇਦਾਰ ਫਿਲਮਾਂ ਕਰ ਚੁੱਕੀ ਹੈ, ਪਰ ਅੱਗੇ ਕਿਸ ਤਰ੍ਹਾਂ ਦੀਆਂ ਫਿਲਮਾਂ 'ਚ ਕੰਮ ਕਰਨ ਦੀ ਉਸ ਦੀ ਇੱਛਾ ਹੈ, ਉਸ ਨੇ ਕਿਹਾ, ‘‘ਮੈਨੂੰ ‘ਅੰਧਾਧੁੰਨ’, ‘ਇਸ਼ਕੀਆ’ ਵਰਗੀਆਂ ਫਿਲਮਾਂ ਬਹੁਤ ਪਸੰਦ ਹਨ। ਮੈਨੂੰ ਅਜਿਹੀਆਂ ਕਹਾਣੀਆਂ ਪਸੰਦ ਹਨ, ਜੋ ਸਮਾਰਟ ਤਰੀਕੇ ਨਾਲ ਦਿਖਾਈਆਂ ਹੋਣ। ‘ਅੰਧਾਧੁਨ’ ਅਜਿਹੀ ਹੀ ਫਿਲਮ ਹੈ। ਮੈਂ ਇਸ ਦੇ ਲਈ ਆਡੀਸ਼ਨ ਦਿੱਤਾ ਸੀ। ਅਸਲ 'ਚ ‘ਇਸ਼ਕੀਆ’ ਤੋਂ ਬਾਅਦ ਮੈਂ ਅਭਿਸ਼ੇਕ ਚੌਬੇ ਨੂੰ ਮਿਲੀ ਅਤੇ ਉਨ੍ਹਾਂ ਨੂੰ ਕਿਹਾ ਕਿ ਮੈਂ ਉਨ੍ਹਾਂ ਨਾਲ ਕੰਮ ਕਰਨਾ ਚਾਹੁੰਦੀ ਹਾਂ, ਪਰ ਬਦਕਿਸਮਤੀ ਨਾਲ ਉਨ੍ਹਾਂ ਨੇ ਮੈਨੂੰ ਕਾਸਟ ਨਹੀਂ ਕੀਤਾ।” ਉਸ ਦੇ ਅਨੁਸਾਰ ਤੁਹਾਨੂੰ ਇਸ ਤਰ੍ਹਾਂ ਦੇ ਰਿਜੈਕਸ਼ਨ ਦੇ ਸਮੇਂ ਖੁਦ ਨੂੰ ਸੰਭਾਲਣਾ ਵੀ ਸਿੱਖਣਾ ਪੈਂਦਾ ਹੈ। ਉਸ ਨੇ ਕਿਹਾ, ‘‘ਕਦੇ ਕਦੇ ਤੁਸੀਂ ਚੰਗਾ ਮਹਿਸੂਸ ਕਰਦੇ ਹੋ ਅਤੇ ਕਈ ਵਾਰ ਤੁਹਾਨੂੰ ਬਹੁਤ ਬੁਰਾ ਲੱਗਦਾ ਹੈ। ਮੈਂ ‘ਸਲੱਮਡਾਗ ਮਿਲੇਨੀਅਰ’ ਲਈ ਵੀ ਆਡੀਸ਼ਨ ਦਿੱਤਾ, ਪਰ ਦੇਖੋ ਕੀ ਹੋਇਆ, ਇਨਸਾਨ ਦਾ ਨਸੀਬ ਹੁੰਦਾ ਹੈ, ਕਿਸਮਤ ਤੋਂ ਪਹਿਲਾਂ ਅਤੇ ਜ਼ਿਆਦਾ ਕਿਸੇ ਨੂੰ ਕੁਝ ਨਹੀਂ ਮਿਲਦਾ।”