‘ਮਸਾਨ’, ‘ਹਰਾਮਖੋਰ’ ਵਰਗੀਆਂ ਫਿਲਮਾਂ ਬਾਰੇ ਪਿਛਲੇ ਸਾਲ ਵੈਬ ਸੀਰੀਜ਼ ‘ਮਿਰਜ਼ਾਪੁਰ’ ਵਿੱਚ ਆਪਣੇ ਕਾਫੀ ਦਮਦਾਰ ਅਭਿਨੈ ਨਾਲ ਆਪਣੀ ਵੱਖਰੀ ਪਛਾਣ ਬਣਾਉਣ ਵਾਲੀ ਸ਼ਵੇਤਾ ਤਿ੍ਰਪਾਠੀ ਨੇ ਪਿੱਛੇ ਜਿਹੇ ਮੁੰਬਈ ਦੇ ਪੰਜ ਸਿਤਾਰਾ ਹੋਟਲ ਵਿੱਚ ਸਮਲਿੰਗੀ ਭਾਈਚਾਰੇ ਨਾਲ ਸੰਬੰਧਤ ਸਿਨੇਮਾ ਵਿਦਿਆਰਥੀਆਂ ਇੱਕ ਐਕਟਿੰਗ ਵਰਕਸ਼ਾਪ ਚਲਾਈ ਹੈ। ਸਾਰੇ ਵਰਗਾਂ ਦੇ ਲੋਕਾਂ ਨੂੰ ਮੁੱਖ ਧਾਰਾ ਵਿੱਚ ਸ਼ਾਮਲ ਕਰਨ ਦੇ ਉਦੇਸ਼ ਨਾਲ ਆਯੋਜਤ ਕੀਤੀ ਇਸ ਆਜ਼ਾਦ ਵਰਕਸ਼ਾਪ ਲਈ ਐਲ ਜੀ ਬੀ ਟੀ ਕਿਊ ਸਮੂਹਾਂ ਅਤੇ ਅਜਿਹੇ ਭਾਈਚਾਰਿਆਂ ਤੱਕ ਟੀਮ ਨੇ ਸੰਪਰਕ ਸਥਾਪਤ ਕੀਤਾ ਸੀ।
ਇਸ ਵਰਕਸ਼ਾਪ ਵਿੱਚ ਸ਼ਵੇਤਾ ਨੇ ਐਕਟਰਸ ਦੇ ਕੰਮ ਕਰਨ ਅਤੇ ਭੂਮਿਕਾਵਾਂ ਨੂੰ ਅਦਾ ਕਰਨ ਦੇ ਤਰੀਕਿਆਂ ਬਾਰੇ ਚਰਚਾ ਕੀਤੀ। ਬੇਸ਼ੱਕ ਇਹ ਭਾਈਚਾਰਾ ਖੁਦ ਨਾਲ ਜੁੜੀਆਂ ਧਾਰਨਾਵਾਂ ਤੋਂ ਖੁਦ ਨੂੰ ਵੱਖ ਕਰਨ ਲਈ ਸੰਘਰਸ਼ਸ਼ੀਲ ਹੈ, ਪਰ ਸ਼ਵੇਤਾ ਨੇ ਉਸ ਨੂੰ ਅਜਿਹੇ ਕਿਰਦਾਰ ਲੱਭਣ ਦੀ ਸਲਾਹ ਦਿੱਤੀ, ਜੋ ਉਨ੍ਹਾਂ ਦੀਆਂ ਭਾਵਨਾਵਾਂ ਚਿੱਤਰਿਤ ਕਰਨ ਵਿੱਚ ਮਦਦ ਕਰਨ। ਸ਼ਵੇਤਾ ਨੂੰ ਲੱਗਦਾ ਹੈ ਕਿ ਫਿਲਮ ਨਗਰੀ ਨੇ ਸਮਲਿੰਗੀ ਭਾਈਚਾਰੇ ਨੂੰ ਢੁਕਵੀਂ ਪ੍ਰਤੀਨਿਧਤਾ ਨਹੀਂ ਦਿੱਤੀ। ਉਸ ਨੇ ਕਿਹਾ, ਮੈਂ ਅਭਿਨੈ ਤੇ ਭਾਵਨਾਵਾਂ ਨੂੰ ਸਮਝਣ ਬਾਰੇ ਉਨ੍ਹਾਂ ਨੂੰ ਸਮਝਾਇਆ। ਉਥੇ ਮੈਂ ਪ੍ਰਤਿਭਾਸ਼ਾਲੀ ਨੌਜਵਾਨਾਂ ਨੂੰ ਮਿਲੀ, ਜੋ ਅਭਿਨੇਤਾ ਅਤੇ ਲੇਖਕ ਬਣਨਾ ਚਾਹੁੰਦੇ ਹਨ। ਉਨ੍ਹਾਂ 'ਚੋਂ ਬਹੁਤੇ ਜ਼ਿੰਦਾਦਿਲੀ ਅਤੇ ਸਮਰੱਥਾ ਨਾਲ ਭਰਪੂਰ ਹਨ।