ਬਾਲੀਵੁੱਡ ਅਭਿਨੇਤਾ ਕਾਰਤਿਕ ਆਰੀਅਨ ਆਪਣੀ ਆਉਣ ਵਾਲੀ ਫਿਲਮ ‘ਆਜ ਕੱਲ੍ਹ’ ਦਾ ਲਾਸਟ ਸੀਨ ਸ਼ੂਟ ਕਰਨ ਦੌਰਾਨ ਭਾਵੁਕ ਹੋ ਗਿਆ। ਉਸ ਦੀ ਅਗਲੀ ਰਿਲੀਜ਼ ਹੋ ਰਹੀ ਫਿਲਮ ਇਮਤਿਆਜ਼ ਅਲੀ ਦੀ ‘ਆਜ ਕੱਲ੍ਹ’ ਹੋਵੇਗੀ। ਇਸ ਫਿਲਮ ਵਿੱਚ ਕਾਰਤਿਕ ਪਹਿਲੀ ਵਾਰ ਸਾਰਾ ਅਲੀ ਖਾਨ ਨਾਲ ਦਿਖਾਈ ਦੇਵੇਗੀ। ਇਹ ਫਿਲਮ ਸੈਫ ਅਲੀ ਖਾਨ ਅਤੇ ਦੀਪਿਕਾ ਪਾਦੁਕੋਣ ਦੀ ਫਿਲਮ ‘ਲਵ ਆਜ ਕੱਲ੍ਹ’ ਦਾ ਸੀਕਵਲ ਦੱਸੀ ਜਾ ਰਹੀ ਹੈ।
ਕਾਰਤਿਕ ਨੇ ਕਿਹਾ, ‘ਜਦੋਂ ਮੈਂ ਇਸ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕੀਤੀ, ਓਦੋਂ ਬਾਅਦ ਮੇਰੇ ਅੰਦਰ ਕਾਫੀ ਤਬਦੀਲੀ ਆ ਚੁੱਕੀ ਹੈ। ਮੇਰੇ ਐਕਟਿੰਗ ਕਰਨ ਦੇ ਤਰੀਕੇ ਅਤੇ ਮੇਰੀ ਨਿੱਜੀ ਸੋਚ ਦੋਵੇਂ ਇਮਤਿਆਜ਼ ਅਲੀ ਨਾਲ ਕੰਮ ਕਰਦਿਆਂ ਬਦਲ ਗਏ। ਇਥੋਂ ਤੱਕ ਉਸ ਨਾਲ ਲਾਸਟ ਸੀਨ ਕਰਦਿਆਂ ਮੈਂ ਇਮੋਸ਼ਨਲ ਹੋ ਗਿਆ ਸੀ ਕਿਉਂਕਿ ਇਹ ਸਫਰ ਬਹੁਤ ਸ਼ਾਨਦਾਰ ਸੀ। ਮੈਨੂੰ ਇਸ ਫਿਲਮ 'ਤੇ ਪੂਰਾ ਭਰੋਸਾ ਹੈ।”