ਫਿਲਮ ਨਗਰੀ ਵਿੱਚ 25 ਸਾਲ ਪੂਰੇ ਕਰ ਚੁੱਕੀ ਐਸ਼ਵਰਿਆ ਰਾਏ ਬੱਚਨ ਦਾ ਕਹਿਣਾ ਹੈ ਕਿ ਉਹ ਆਪਣੇ ਪੈਸ਼ਨ ਦੇ ਕਦੇ ਘੱਟ ਨਾ ਹੋਣ ਵਾਲੇ ਪਿਆਰ ਲਈ ਧੰਨਵਾਦੀ ਹੈ। ਇਸ ਪਿਆਰ ਦੀ ਵਜ੍ਹਾ ਨਾਲ ਅੱਜ ਤੱਕ ਉਹ ਫਿਲਮ ਨਗਰੀ ਵਿੱਚ ਸਰਗਰਮ ਹੈ। ਉਹ ਐਕਟ੍ਰੈੱਸ ਅਤੇ ਫੈਸ਼ਨ ਆਈਕਾਨ 1995 ਤੋਂ ਇੰਟਰਟੇਨਮੈਂਟ ਫਿਲਮ ਨਗਰੀ ਦਾ ਹਿੱਸਾ ਹੈ ਜਦੋਂ ਉਸ ਨੇ ਮਿਸ ਵਰਲਡ ਖਿਤਾਬ ਆਪਣੇ ਨਾਂਅ ਕੀਤਾ ਸੀ। ਉਸ ਦੇ ਤਿੰਨ ਸਾਲ ਬਾਅਦ ਉਸ ਨੇ ਮਨੀਰਤਨਮ ਦੀ ਤਮਿਲ ਫਿਲਮ ‘ਇਰੁਵਰ' ਨਾਲ ਅਭਿਨੈ ਜਗਤ ਵਿੱਚ ਕਦਮ ਰੱਖਿਆ ਸੀ। ਉਸੇ ਸਾਲ ਫਿਲਮ ‘ਔਰ ਪਿਆਰ ਹੋ ਗਿਆ' ਨਾਲ ਉਸ ਨੇ ਹਿੰਦੀ ਫਿਲਮਾਂ ਵਿੱਚ ਵੀ ਡੈਬਿਊ ਕਰ ਲਿਆ। ਉਹ ਕਹਿੰਦੀ ਹੈ ਕਿ ਪਹਿਲਾਂ ਲੋਕ ਸੂਬਿਆਂ ਦੀਆਂ ਭਾਸ਼ਾਵਾਂ ਦੀਆਂ ਫਿਲਮਾਂ ਵਿੱਚ ਕੰਮ ਕਰਨ ਜਾਂ ਕਿਸੇ ਵਿਸ਼ੇਸ਼ ਨਿਰਦੇਸ਼ਕ ਨਾਲ ਕੰਮ ਕਰਨ ਪਿੱਛੇ ਉਸ ਦੀ ਪ੍ਰੇਰਨਾ ਨੂੰ ਨਹੀਂ ਸਮਝਦੇ ਸਨ, ਪਰ ਇਸ ਦੀ ਵਜ੍ਹਾ ਇਹ ਸੀ ਕਿ ਉਸ ਨੂੰ ਹਮੇਸ਼ਾ ਤੋਂ ਆਪਣੇ ਕਰੀਅਰ 'ਚ ਨਵਾਂ ਕੰਮ ਕਰਨ ਦੀ ਇੱਛਾ ਰਹੀ ਹੈ।
ਐਸ਼ਵਰਿਆ ਰਾਏ ਕਹਿੰਦੀ ਹੈ, ਮੈਂ ਇਸ ਵਾਰ ਫਿਰ ਮਨੀਰਤਨਮ ਨਾਲ ਕੰਮ ਕਰ ਰਹੀ ਹਾਂ, ਕਿਉਂਕਿ ਮੈਂ ਉਨ੍ਹਾਂ ਨਾਲ ਕੰਮ ਕਰਨਾ ਪਸੰਦ ਕਰਦੀ ਹਾਂ। ਕਿਸੇ ਵੀ ਫਿਲਮ ਨੂੰ ਕਰਨ ਲਈ ਮੇਰੀ ਇਹ ਸੱਚੀ ਵਜ੍ਹਾ ਹੁੰਦੀ ਹੈ। ਇੰਨੇ ਸਾਲਾਂ ਤੋਂ ਮੈਂ ਇਸ ਤਰ੍ਹਾਂ ਕੰਮ ਕੀਤਾ ਹੈ। ਉਹ ਬਾਲੀਵੁੱਡ 'ਚ ਕੰਮ ਕਰਦੀਆਂ ਕੁਝ ਸ਼ੁਰੂਆਤੀ ਹਿੰਦੀ ਫਿਲਮ ਅਭਿਨੇਤਰੀਆਂ ਵਿੱਚੋਂ ਹੈ। ਉਸ ਨੇ ‘ਬ੍ਰਾਈਡ ਐਂਡ ਪ੍ਰਿਜਯੂਡਾਇਸ’ ਅਤੇ ‘ਦਿ ਪਿੰਕ ਪੈਂਥਰ 2’ ਵਰਗੀਆਂ ਅੰਗਰੇਜ਼ੀ ਫਿਲਮਾਂ 'ਚ ਕੰਮ ਕੀਤਾ ਹੈ। ਪਿੱਛੇ ਜਿਹੇ ਉਸ ਨੇ ਹਾਲੀਵੁੱਡ ਫਿਲਮ ‘ਮੈਲੇਫਿਸੇਂਟ-ਮਿਸਟ੍ਰੈਸ ਆਫ ਇਵਿਲ’ ਦੇ ਹਿੰਦੀ ਵਰਜਨ ਵਿੱਚ ਐਂਜੇਲੀਨਾ ਜੌਲੀ ਦੇ ਕਿਰਦਾਰ ਨੂੰ ਆਪਣੀ ਆਵਾਜ਼ ਦਿੱਤੀ ਜੋ ਕਿ ਇੱਕ ਨੈਗੇਟਿਵ ਕਿਰਦਾਰ ਹੈ।
ਵਰਨਣ ਯੋਗ ਹੈ ਕਿ ਇਸ ਤੋਂ ਪਹਿਲਾਂ ਐਸ਼ਵਰਿਆ ਨੇ ਫਿਲਮ ‘ਖਾਕੀ’ ਵਿੱਚ ਵੀ ਨੈਗੇਟਿਵ ਰੋਲ ਕੀਤਾ ਸੀ। ਉਸ ਅਨੁਸਾਰ ਪਹਿਲਾਂ ਉਸ ਨੂੰ ਪਤਾ ਨਹੀਂ ਸੀ ਕਿ ਇਸ ਵਿੱਚ ਉਸ ਦਾ ਰੋਲ ਨੈਗੇਟਿਵ ਹੈ। ਨਿਰਦੇਸ਼ਕ ਰਾਜ ਕੁਮਾਰ ਸੰਤੋਸ਼ੀ ਨੇ ਅੱਧੀ ਫਿਲਮ ਬਣ ਜਾਣ ਦੇ ਬਾਅਦ ਹੀ ਉਸ ਬਾਰੇ ਉਸ ਨੂੰ ਦੱਸਿਆ ਸੀ।