ਅਭਿਨੇਤਾ ਸੋਨੂੰ ਸੂਦ ਭਾਰਤ ਦੇ ਸਭ ਤੋਂ ਫਿੱਟ ਕਲਾਕਾਰਾਂ ਵਿੱਚੋਂ ਇੱਕ ਹਨ ਤੇ ਸਪੋਰਟਸ ਬਾਰੇ ਉੁਨ੍ਹਾਂ ਦੀ ਰੁਚੀ ਦੇ ਬਾਰੇ ਸਾਰਿਆਂ ਨੂੰ ਪਤਾ ਹੈ। ਬੈਡਮਿੰਟਨ ਦੇ ਲਈ ਆਪਣਾ ਪਿਆਰ ਦਿਖਾਉਂਦੇ ਹੋਏ ਸੋਨੂੰ ਸੂਦ ਸਾਲਾਨਾ ਸਪੈਸ਼ਲ ਓਲੰਪਿਕਸ ਏਸ਼ੀਆ ਪੈਸੀਫਿਕ ਵਿੱਚ ਇੰਡੀਅਨ ਬੈਡਮਿੰਟਨ ਟੀਮ ਦੀ ਮਦਦ ਕਰਨ ਲਈ ਅੱਗੇ ਆਏ ਹਨ। ਸੋਨੂੰ ਸੂਦ ਨੇ ਨਾ ਸਿਰਫ ਉਨ੍ਹਾਂ ਨੂੰ ਖੁਦ ਮੋਟੀਵੇਟ ਕੀਤਾ ਹੈ, ਬਲਕਿ ਬੈਂਕਾਕ ਵਿੱਚ ਹੋ ਰਹੇ ਸਪੈਸ਼ਲ ਓਲੰਪਿਕਸ ਦੇ ਲਈ ਉਨ੍ਹਾਂ ਦੇ ਟਰੈਵਲ ਅਤੇ ਰਹਿਣ ਦਾ ਖਰਚ ਵੀ ਉਠਾ ਰਹੇ ਹਨ। ਉਹ ਉਨ੍ਹਾਂ ਦੀ ਟਰੇਨਿੰਗ ਵਿੱਚ ਵੀ ਡੂੰਘੀ ਦਿਲਚਸਪੀ ਲੈ ਰਹੇ ਹਨ ਅਤੇ ਕੋਚ ਦੇ ਨਾਲ ਮਿਲ ਕੇ ਉਹ ਵੀ ਦੇਖ ਰਹੇ ਹਨ ਕਿ ਟੀਮ ਨੂੰ ਚੈਂਪੀਅਨਸ਼ਿਪ ਲਈ ਕਿਨ੍ਹਾਂ ਚੀਜ਼ਾਂ ਦੀ ਜ਼ਰੂਰਤ ਹੈ।
ਇੱਕ ਸੂਤਰ ਨੇ ਦੱਸਿਆ ਕਿ ਸੋਨੂੰ ਨੇ ਹਮੇਸ਼ਾ ਖੇਡਾਂ ਨੂੰ ਸਭ ਤੋਂ ਵੱਡਾ ਸਨਮਾਨ ਮੰਨਿਆ ਹੈ। ਜਦ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਸਾਡੀ ਭਾਰਤੀ ਬੈਡਮਿੰਟਨ ਟੀਮ ਇੰਨੀ ਵੱਡੀ ਪ੍ਰਤੀਯੋਗਤਾ ਲਈ ਜਾ ਰਹੀ ਹੈ ਤਾਂ ਉਨ੍ਹਾਂ ਨੇ ਮਦਦ ਦੀ ਪੇਸ਼ਕਸ਼ ਕਰਨ ਤੋਂ ਪਹਿਲਾਂ ਇੱਕ ਵਾਰ ਵੀ ਨਹੀਂ ਸੋਚਿਆ। ਇਹ ਛੇ ਖਿਡਾਰੀ ਇਸ ਖੇਡ ਵਿੱਚ ਕਿੱਦਾਂ ਦਾ ਪ੍ਰਦਰਸ਼ਨ ਕਰਦੇ ਹਨ ਅਤੇ ਭਾਰਤ ਦਾ ਕਿੰਨਾ ਮਾਣ ਸਨਮਾਨ ਵਧਾਉਂਦੇ ਹਨ, ਇਹ ਦੇਖਣ ਲਈ ਉਹ ਬੇਹੱਦ ਉਤਸ਼ਾਹਤ ਹਨ।