ਫਿਲਮ ‘ਸਟੂਡੈਂਟ ਆਫ ਈਅਰ 2’ ਨਾਲ ਆਪਣੇ ਫਿਲਮੀ ਕਰੀਅਰ ਦਾ ਆਗਾਜ ਕਰਨ ਵਾਲੀ ਤਾਰਾ ਸੁਤਾਰੀਆ ਹੁਣ ‘ਮਰਜਾਵਾਂ’ ਵਿੱਚ ਨਜ਼ਰ ਆਏਗੀ। ਇਸ ਦੇ ਇਲਾਵਾ ਉਹ ਮਿਲਨ ਲੁਥਰੀਆ ਦੇ ਨਿਰਦੇਸ਼ਨ ਵਾਲੀ ਫਿਲਮ ਵਿੱਚ ਵੀ ਕੰਮ ਕਰ ਰਹੀ ਹੈ ਅਤੇ ਉਸ ਵਿੱਚ ਸੁਨੀਲ ਸ਼ੈੱਟੀ ਦੇ ਬੇਟੇ ਅਹਾਨ ਸ਼ੈੱਟੀ ਦੇ ਆਪੋਜ਼ਿਟ ਹੋੇਗੀ। ਅਹਾਨ ਦੀ ਇਹ ਡੈਬਿਊ ਫਿਲਮ ਹੋਵੇਗੀ। ਇਹ ਸੁਪਰਹਿੱਟ ਤੇਲਗੂ ਫਿਲਮ ‘ਆਰ ਐਕਸ 100' ਦਾ ਰੀਮੇਕ ਹੋਵੇਗੀ।
ਤਾਰਾ ਐਕਟਿੰਗ ਦੇ ਨਾਲ ਗਾਉਣ ਵਿੱਚ ਵੀ ਮਾਹਰ ਹੈ। ਉਸ ਨੇ ਵੈਸਟਰਨ, ਸੈਮੀ ਕਲਾਸੀਕਲ ਅਤੇ ਜੈਜ ਗਾਣੇ ਦੀ ਟਰੇਨਿੰੇਗ ਲਈ ਹੈ। ਉਹ ਐਕਟਿੰਗ ਦੇ ਨਾਲ ਗਾਇਕੀ ਨੂੰੁ ਵੀ ਅੱਗੇ ਲਿਜਾਣਾ ਚਾਹੁੰਦੀ ਹੈ। ਉਸ ਨੂੰ ਲੱਗਦਾ ਹੈ ਕਿ ਉਹ ਐਕਟਿੰਗ ਦੇ ਨਾਲ ਗਾਇਣ 'ਤੇ ਵੀ ਫੋਕਸ ਕਰ ਸਕੇਗੀ। ਤਾਰਾ ਮੁਤਾਬਕ ਉਹ ਸੰਗੀਤ ਨਾਲ ਬੇਹੱਦ ਲਗਾਅ ਰੱਖਦੀ ਹੈ। ਉਸ ਨੇ ਅਗਲੇ ਸਾਲ ਫਿਲਮ ਵਿੱਚ ਗਾਣਾ ਗਾਉਣਾ ਹੈ ਜਾਂ ਆਪਣਾ ਸਿੰਗਲ ਕੱਢਣ ਦੀ ਕੋਸ਼ਿਸ਼ ਕਰੇਗੀ। ਉਸ ਨੂੰ ਵੈਸਟਰਨ ਕਲਾਸੀਕਲ ਸੰਗੀਤ ਬਹੁਤ ਪਸੰਦ ਹੈ। ਉਹ ਕਹਿੰਦੀ ਹੈ, ‘‘ਮੈਂ ਬਚਪਨ ਤੋਂ ਉਸ ਨੂੰ ਪ੍ਰਫਾਰਮ ਕਰ ਰਹੀ ਹਾਂ। ਲਿਹਾਜਾ ਭਵਿੱਖ ਵਿੱਚ ਜ਼ਰੂਰ ਵੈਸਟਰਨ ਕਲਾਸੀਕਲ ਵਿੱਚ ਕੁਝ ਕਰਨਾ ਚਾਹਾਂਗੀ।”