ਕੋਲਕਾਤਾ, 17 ਅਕਤੂਬਰ, (ਪੋਸਟ ਬਿਊਰੋ)- ਬੰਗਾਲ ਦੇ ਮੁਰਸ਼ਿਦਾਬਾਦ ਜ਼ਿਲ੍ਹੇ ਵਿੱਚ ਭਾਰਤ-ਬੰਗਲਾਦੇਸ਼ ਸਰਹੱਦੀ ਖੇਤਰ ਵਿੱਚਅੱਜ ਵੀਰਵਾਰ ਫਲੈਗ ਮੀਟਿੰਗ ਦੌਰਾਨ ਬੰਗਲਾਦੇਸ਼ ਬਾਰਡਰ ਗਾਰਡ (ਬੀ ਜੀ ਬੀ) ਵੱਲੋਂ ਗੋਲੀ ਚਲਾਉਣ ਦੇ ਕਾਰਨ ਬੀ ਐੱਸ ਐੱਫ ਦੇ ਹਵਾਲਦਾਰ ਵਿਜੈ ਭਾਨ ਸਿੰਘ ਦੀ ਮੌਤ ਹੋ ਗਈ। ਗੋਲ਼ੀ ਉਸ ਦੇ ਸਿਰ ਵਿਚ ਲੱਗੀ ਸੀ। ਇਕ ਹੋਰ ਜਵਾਨ ਜ਼ਖ਼ਮੀ ਹੋਇਆ ਹੈ। ਇਹ ਗੋਲ਼ੀਬੀ ਐੱਸ ਐੱਫ ਦੀ ਪੈਟਰੋਲ ਪਾਰਟੀ ਉੱਤੇਚਲਾਈ ਗਈ ਹੈ।
ਬੀ ਐੱਸ ਐੱਫ ਦੇ ਦੱਖਣ ਬੰਗਾਲ ਫਰੰਟੀਅਰ ਦੇ ਅਫਸਰਾਂ ਮੁਤਾਬਕ ਮੁਰਸ਼ਿਦਾਬਾਦ ਦੀ ਕਕਮਾਰੀਚਰ ਚੌਕੀ ਦੇ ਇਲਾਕੇ ਵਿਚਇਹ ਘਟਨਾ ਵੀਰਵਾਰ ਸਵੇਰੇ 9 ਵਜੇ ਵਾਪਰੀ। ਹਸਪਤਾਲ ਲਿਜਾਣ ਉੱਤੇ ਹੈੱਡ ਕਾਂਸਟੇਬਲ ਵਿਜੈ ਦੀ ਮੌਤ ਹੋ ਗਈ। ਬੀ ਐੱਸ ਐੱਫ ਸੂਤਰਾਂ ਮੁਤਾਬਕਬੀ ਜੀ ਬੀ ਦੇ ਜਵਾਨਾਂ ਨੇ ਜਾਣ-ਬੁਝ ਕੇ ਗੋਲ਼ੀ ਚਲਾਈ ਤੇ ਉਨ੍ਹਾਂ ਦੇ ਜਵਾਨਾਂ ਨੂੰ ਨਿਸ਼ਾਨਾ ਬਣਾਇਆ ਹੈ। ਵਰਨਣ ਯੋਗ ਹੈ ਕਿ ਬੀ ਐੱਸ ਐੱਫਅਤੇ ਬੀ ਜੀ ਬੀ ਵਿਚਾਲੇ ਕਈ ਦਹਾਕਿਆਂ ਤੋਂਚੰਗੇ ਸਬੰਧ ਹਨ ਤੇ ਅਚਾਨਕ ਇਹ ਘਟਨਾ ਵਾਪਰ ਗਈ ਹੈ। ਇਸ ਤੋਂ ਪਹਿਲਾਂ ਸਰਹੱਦ ਦੀ ਰਾਖੀ ਵਾਲੀਆਂ ਦੋਵਾਂ ਫੋਰਸਾਂ ਵਿਚ ਗੋਲ਼ੀਬਾਰੀ ਦੀ ਕੋਈ ਘਟਨਾ ਨਹੀਂ ਵਾਪਰੀ। ਇਸ ਤੋਂ ਬਾਅਦ ਸਰਹੱਦ ਉੱਤੇ ਸੁਰੱਖਿਆ ਵਧਾ ਦਿੱਤੀ ਗਈ ਹੈ।
ਪਤਾ ਲੱਗਾ ਹੈ ਕਿ ਭਾਰਤੀ ਮਛੇਰਿਆਂ ਨੂੰ ਬੰਦੀ ਬਣਾਉਣ ਨਾਲ ਘਟਨਾ ਦੀ ਸ਼ੁਰੂਆਤ ਹੋਈ। ਮੁਰਸ਼ਿਦਾਬਾਦ ਵਿੱਚ ਕੌਮਾਂਤਰੀ ਸਰਹੱਦ ਨਾਲ ਦੇ ਜਲੰਗੀ ਇਲਾਕੇ ਵਿਚ ਪਦਮਾ ਨਦੀ ਵਿੱਚ ਵੀਰਵਾਰ ਸਵੇਰੇ ਮੱਛੀ ਫੜਨ ਗਏ ਤਿੰਨ ਭਾਰਤੀ ਮਛੇਰਿਆਂ ਨੂੰ ਬੀ ਜੀ ਬੀ ਜਵਾਨਾਂ ਨੇ ਫੜ ਲਿਆ ਸੀ। ਬਾਅਦ ਵਿੱਚ ਦੋ ਮਛੇਰਿਆਂ ਨੂੰ ਛੱਡ ਦਿੱਤਾ ਅਤੇ ਉਨ੍ਹਾਂ ਨੇ ਬੀ ਐੱਸ ਐੱਫ ਨੂੰ ਇਸ ਬਾਰੇ ਦੱਸਿਆ। ਬੀ ਜੀ ਬੀ ਨੇ ਮਛੇਰਿਆਂ ਦੇ ਰਾਹੀਂ ਬੀ ਐੱਸ ਐੱਫ ਨੂੰ ਫਲੈਗ ਮੀਟਿੰਗ ਕਰਨ ਲਈਕਿਹਾ ਸੀ। ਇਸ ਤੋਂ ਬਾਅਦ ਜਦੋਂ ਮਛੇਰਿਆਂ ਦੀ ਭਾਲ ਵਿੱਚਬੀ ਐੱਸ ਐੱਫ ਜਵਾਨ ਕਿਸ਼ਤੀ ਉੱਤੇ ਜਾ ਰਹੇ ਸਨ ਤਾਂ ਬੀ ਜੀ ਬੀ ਦੇ ਜਵਾਨਾਂ ਨੇ ਅਚਾਨਕ ਏਕੇ-47 ਰਾਈਫਲਾਂ ਨਾਲ ਉਨ੍ਹਾਂ ਉੱਤੇ ਗੋਲ਼ੀਆਂ ਵਰ੍ਹਾ ਦਿੱਤੀਆਂ।
ਇਸ ਘਟਨਾ ਨਾਲ ਭਾਰਤ-ਬੰਗਲਾਦੇਸ਼ ਸਰਹੱਦ ਉੱਤੇ ਤਣਾਅ ਵਧ ਗਿਆ ਹੈ। ਬੀ ਐੱਸ ਐੱਫ ਵਿੱਚ ਇਸ ਬਾਰੇ ਰੋਸ ਹੈ ਅਤੇ ਉਸ ਨੇ ਇਸ ਉੱਤੇ ਸਖ਼ਤ ਵਿਰੋਧ ਦਰਜ ਕਰਵਾਇਆ ਹੈ। ਬੀ ਐੱਸ ਐੱਫ ਦੇ ਡਾਇਰੈਕਟਰ ਜਨਰਲ ਵੀ ਕੇ ਜੌਹਰੀ ਨੇ ਨਾਰਾਜ਼ਗੀ ਪ੍ਰਗਟ ਕਰਦਿਆਂ ਬੀ ਜੀ ਬੀ ਦੇ ਡਾਇਰੈਕਟਰ ਜਨਰਲ ਮੇਜਰ ਜਨਰਲ ਸ਼ਫੀਨੁੱਲ ਇਸਲਾਮ ਨਾਲ ਹਾਟਲਾਈਨ ਉੱਤੇ ਗੱਲ ਕਰ ਕੇ ਇਹ ਮੁੱਦਾ ਉਠਾਇਆ। ਇਸ ਤੋਂ ਬਾਅਦ ਬੀ ਜੀ ਬੀ ਦੇ ਡਾਇਰੈਕਟਰ ਜਨਰਲ ਨੇ ਇਸ ਘਟਨਾ ਦੀ ਡਾਂਚ ਦਾ ਭਰੋਸਾ ਦੇਂਦੇ ਹੋਏ ਦੋਸ਼ੀਆਂ ਵਿਰੁੱਧ ਸਖ਼ਤ ਕਾਰਵਾਈ ਦਾ ਵਿਸ਼ਵਾਸ ਦਿਵਾਇਆ ਹੈ।