ਕ੍ਰਿਕਟ ਵਰਲਡ ਕੱਪ ਜਿੱਤਣ ਦੀ ਕਹਾਣੀ 'ਤੇ ਆਧਾਰਤ ਫਿਲਮ ‘83’ ਦੀ ਸ਼ੂਟਿੰਗ ਪੂਰੀ ਹੋਣ 'ਤੇ ਪੂਰੀ ਟੀਮ ਨੇ ਮੁੰਬਈ 'ਚ ਪਾਰਟੀ ਕੀਤੀ। ਰਣਵੀਰ ਸਿੰਘ ਤੇ ਦੀਪਿਕਾ ਪਾਦੁਕੋਣ ਮਸਤੀ ਦੇ ਮੂਡ ਵਿੱਚ ਨਜ਼ਰ ਆਏ। ਉਨ੍ਹਾਂ ਦੀ ਇਸ ਮਸਤੀ ਵਿੱਚ ਅਭਿਨੇਤਾ ਤਾਹਿਰ ਰਾਜ ਭਸੀਨ ਵੀ ਸ਼ਾਮਲ ਹੋਏ। ਇਸ ਦੌਰਾਨ ਦੀਪਿਕਾ ਨੇ ਰਣਵੀਰ ਨੂੰ ਗੇਂਦਬਾਜ਼ੀ ਕੀਤੀ ਤੇ ਤਾਹਿਰ ਫੀਲਡਰ ਬਣੇ। ਰਣਵੀਰ ਫਿਲਮ ਵਿੱਚ ਕਪਿਲ ਦੇਵ ਅਤੇ ਦੀਪਿਕਾ ਉਸ ਦੀ ਪਤਨੀ ਦੀ ਭੂਮਿਕਾ ਵਿੱਚ ਹੈ।
ਫਿਲਮ ਦੇ ਨਿਰਦੇਸ਼ਕ ਕਬੀਰ ਖਾਨ ਦੀ ਪਤਨੀ ਮਿੰਨੀ ਮਾਥੁਰ ਅਤੇੇ ਨਿਰਮਾਤਾ ਸਾਜਿਦ ਨਾਡਿਆਡਵਾਲਾ ਪਤਨੀ ਵਰਧਾ ਨਾਲ ਪਹੁੰਚੇ। ਹੋਰ ਕਲਾਕਾਰਾਂ ਵਿੱਚ ਐਮੀ ਵਿਰਕ, ਚਿਰਾਗ ਪਾਟਿਲ, ਸਾਹਿਲ ਥਾਪਰ, ਧੈਰਯਾ ਕਰਵਾ, ਸਾਕਿਬ ਸਲੀਮ, ਆਦਿਨਾਥ ਕੋਠਾਰੇ ਤੇ ਹੋਰ ਟੀਮ ਮੈਂਬਰਾਂ ਨੇ ਖੂਬ ਮਸਤੀ ਕੀਤੀ। ਐਮੀ ਵਿਰਕ ਸਾਬਕਾ ਕ੍ਰਿਕਟਰ ਬਿਸ਼ਨ ਸਿੰਘ ਬੇਦੀ, ਚਿਰਾਗ ਪਾਟਿਲ ਆਪਣੇ ਪਿਤਾ ਤੇ ਸਾਬਕਾ ਕ੍ਰਿਕਟਰ ਸੰਦੀਪ ਪਾਟਿਲ, ਸਾਹਿਲ ਥਾਪਰ ਸਾਬਕਾ ਕ੍ਰਿਕਟਰ ਸੱਯਦ ਕਿਰਪਾਨੀ, ਧੈਰਯਾ ਕਰਵਾ ਸਾਬਕਾ ਕ੍ਰਿਕਟਰ ਰਵੀ ਸ਼ਾਸਤਰੀ, ਸਾਕਿਬ ਸਲੀਮ ਕ੍ਰਿਕਟਰ ਮੋਹਿੰਦਰ ਅਮਰਨਾਥ ਅਤੇ ਆਦਿਨਾਥ ਕੋਠਾਰੇ ਸਾਬਕਾ ਕ੍ਰਿਕਟਰ ਦਲੀਪ ਵੈਂਗਸਰਕਰ ਦੀ ਭੂਮਿਕਾ ਨਿਭਾ ਰਹੇ ਹਨ।