ਚੰਡੀਗੜ੍ਹ, 9 ਅਕਤੂਬਰ (ਪੋਸਟ ਬਿਊਰੋ)- ਹਰਿਆਣਾ ਦੀ ਆਦਮਪੁਰ ਸੀਟ ਤੋਂ ਭਾਜਪਾ ਉਮੀਦਵਾਰ ਅਤੇ ‘ਟਿਕ-ਟੋਕ' ਸਨਸਨੀ ਕਹੀ ਜਾਂਦੀ ਸੋਨਾਲੀ ਫੋਗਾਟ ਨੇ ਕੱਲ੍ਹ ਇੱਕ ਚੋਣ ਰੈਲੀ ਵਿੱਚ ‘ਭਾਰਤ ਮਾਤਾ ਦੀ ਜੈ' ਦੇ ਨਾਅਰੇ ਨਾ ਲਾਉਣ ਵਾਲੇ ਲੋਕਾਂ ਤੋਂ ਪੁੱਛਿਆ ਕਿ ‘ਕੀ ਉਹ ਪਾਕਿਸਤਾਨੀ ਹਨ?'
ਹਿਸਾਰ ਜਿਲ੍ਹੇ ਦੇ ਆਦਮਪੁਰ ਵਿੱਚ ਬਾਲਸਮੰਦ ਪਿੰਡ ਵਿੱਚ ਇੱਕ ਰੈਲੀ ਵਿੱਚ ਫੋਗਾਟ ਨੇ ਲੋਕਾਂ ਤੋਂ ਭਾਰਤ ਮਾਤਾ ਦੀ ਜੈ ਦੇ ਨਾਅਰੇ ਲਵਾਏ। ਉਨ੍ਹਾਂ ਨੇ ਜਦੋ ਨਾਅਰੇ ਲਾਉਣ ਲਈ ਕਿਹਾ ਤਾਂ ਭੀੜ ਵਿੱਚ ਕੁਝ ਲੋਕਾਂ ਨੂੰ ਸ਼ਾਂਤ ਰਹਿਣ ਕਾਰਨ ਉਸ ਨੇ ਪੁੱਛਿਆ, ‘ਕੀ ਤੁਸੀਂ ਪਾਕਿਸਤਾਨ ਤੋ ਆਏ ਹੋ? ਤੁਸੀਂ ਪਾਕਿਸਤਾਨੀ ਹੋ? ਜੇ ਹਿੰਦੁਸਤਾਨ ਦੇੇ ਹੋ ਤਾਂ ਭਾਰਤ ਮਾਤਾ ਦੀ ਜੈ ਬੋਲੋ।’ ਫੋਗਾਟ ਨੇ ਇਸ ਤੋਂ ਬਾਅਦ ਭੀੜ ਵਿੱਚ ਨਾਰਾ ਨਾ ਲਾਉਣ ਵਾਲੇ ਲੋਕਾਂ ਵੱਲ ਦੇਖ ਕੇ ਕਿਹਾ, ‘ਮੈਨੂੰ ਸ਼ਰਮ ਆਉਂਦੀ ਹੈ ਕਿ ਤੁਹਾਡੇ ਵਰਗੇ ਲੋਕ ਵੀ ਭਾਰਤੀ ਹਨ, ਜੋ ਕੁਝ ਰਾਜਨੀਤੀ ਲਈ ‘ਭਾਰਤ ਮਾਤਾ ਦੀ ਜੈ' ਦੇ ਨਾਅਰੇ ਨਹੀਂ ਲਾਉਂਦੇ।'' ਸੋਨਾਲੀ ਫੋਗਾਟ ਦੇ ਗੁੱਸੇ ਦਾ ਵੀਡੀਓ ਸੋਸ਼ਲ ਮੀਡੀਆ ਵਿੱਚ ਵਇਰਲ ਹੋਇਆ ਹੈ ਜਿਸ ਵਿੱਚ ਉਹ ਕਹਿ ਰਹੀ ਹੈ ਕਿ ਜੋ ਲੋਕ ‘ਭਾਰਤ ਮਾਤਾ ਦੀ ਜੈ' ਨਹੀਂ ਬੋਲ ਸਕਦੇ, ਉਨ੍ਹਾਂ ਦੀਆਂ ਵੋਟਾਂ ਦਾ ਕੋਈ ਮੁੱਲ ਨਹੀਂ। ਬਾਅਦ ਵਿੱੱਚ ਭਾਸ਼ਣ ਵਿੱਚ ਲੋਕਾਂ ਨਾਲ ਇਲਾਕੇ ਵਿੱਚ ਕਾਲਜ ਬਣਾਉਣ ਦਾ ਵਾਅਦਾ ਕਰਦੀ ਹੈ ਅਤੇ ਜ਼ੋਰ-ਜ਼ੋਰ ਨਾਲ ‘ਭਾਰਤ ਮਾਤਾ ਦੀ ਜੈ' ਦੇ ਨਾਰੇ ਲਾਉਦੇ ਹਨ। ਸੋਨਾਲੀ ਨੇ ਸਫਾਈ ਵਿੱਚ ਕਿਹਾ ਕਿ ਉਨ੍ਹਾਂ ਨੇ ਭੀੜ ਵਿੱਚ ਬੈਠੇ ਲੋਕਾਂ ਨੂੰ ਪਾਕਿਸਤਾਨੀ ਨਹੀਂ ਕਿਹਾ।