ਸਭ ਦਾ ਲੱਗਾ ਧਿਆਨ ਪਿਆ ਚੋਣ ਵੰਨੀਂ,
ਆਪਣਾ ਚੱਕਰ ਬਈ ਚੋਰ ਚਲਾਈ ਜਾਂਦੇ।
ਜਿੱਥੇ ਕਿਤੇ ਕੁਝਜ਼ਰਾ ਕੁ ਢਿੱਲ ਮਿਲਦੀ,
ਵਕਤ ਵਿਚਾਰ ਕੇ ਸੰਨ੍ਹ ਆ ਲਾਈ ਜਾਂਦੇ।
ਲੱਗਿਆ ਜ਼ਾਬਤਾ ਚੋਣ ਦਾ ਸਖਤ ਕਹਿੰਦੇ,
ਇਸ ਤੋਂ ਕੰਨੀ ਹਨ ਚੋਰ ਕਤਰਾਈ ਜਾਂਦੇ।
ਲੀਡਰ ਰਾਜਸੀ ਜਿਹੜਾ ਵੀ ਪਿੱਠ ਉੱਪਰ,
ਚੋਣਾਂ ਵਿੱਚ ਰੁੱਝੇ ਨੂੰ ਮਾਲ ਪੁਚਾਈ ਜਾਂਦੇ।
ਚੋਖੀ ਫੋਰਸ ਮੰਗਵਾਈ ਪਈ ਬਾਹਰ ਵਾਲੀ,
ਨਾਕਿਆਂ ਉੱਪਰ ਜਵਾਨ ਕਈ ਖੜੇ ਮੀਆਂ।
ਮਾੜੇ ਅਨਸਰ ਦਾ ਉਨ੍ਹਾਂ ਨੂੰ ਪਤਾ ਕੋਈ ਨਾ,
ਅਪਰਾਧੀ ਜਾਣਗੇ ਕਿੱਦਾਂ ਫਿਰ ਫੜੇ ਮੀਆਂ।
-ਤੀਸ ਮਾਰ ਖਾਂ