ਇਸਲਾਮਾਬਾਦ, 13 ਜੂਨ, (ਪੋਸਟ ਬਿਊਰੋ)- ਕੋਰੋਨਾ ਵਾਇਰਸ ਦੀ ਮਾਰ ਤੇ ਆਰਥਿਕ ਤੰਗੀ ਵਿੱਚ ਫਸੇ ਪਾਕਿਸਤਾਨ ਨੇ ਦੁਨੀਆ ਭਰ ਦੇ ਦੇਸ਼ਾਂ ਤੋਂ ਮਦਦ ਲੈਣ ਲਈ ਨਵੀਂ ਡਿਪਲੋਮੇਸੀ ਵਜੋਂ ਪ੍ਰਮੁੱਖ ਦੇਸ਼ਾਂ ਨੂੰ ਤੋਹਫੇ ਵਜੋਂ ਅੰਬ ਦੀਆਂ ਵੱਖ-ਵੱਖ ਕਿਸਮਾਂ ਦੇ ਤੋਹਫੇ ਭੇਜੇ ਸਨ, ਪਰ ਪਾਕਿਸਤਾਨ ਦੇ ਦੋਸਤ ਚੀਨ ਅਤੇ ਅਮਰੀਕਾ ਨੂੰ ਉਸ ਦੀ ‘ਮੈਂਗੋ ਡਿਪਲਮੇਸੀ’ ਪਸੰਦ ਨਹੀਂ ਆਈ ਅਤੇ ਇਨ੍ਹਾਂ ਦੇਸ਼ਾਂ ਨੇ ਪਾਕਿਸਤਾਨ ਵੱਲੋਂ ਭੇਜੇ ਗਏ ਅੰਬ ਵਾਪਸ ਭੇਜ ਦਿੱਤੇ ਹਨ।
ਵਰਨਣ ਯੋਗ ਹੈ ਕਿ ਪਾਕਿਸਤਾਨ ਨੇ ‘ਮੈਂਗੋਡਿਪਲੋਮੇਸੀ’ ਵਜੋਂ ਦੁਨੀਆ ਦੇ 32 ਤੋਂ ਵੱਧ ਦੇਸ਼ਾਂ ਦੇ ਪ੍ਰਮੁੱਖ ਲੀਡਰਾਂ ਨੂੰ ਤੋਹਫੇ ਵਿਚ ਅੰਬ ਭੇਜੇ ਸਨ, ਪਰ ਅਮਰੀਕਾ ਤੇ ਚੀਨ ਸਮੇਤ ਕਈ ਦੇਸ਼ਾਂ ਨੇ ਇਹ ਤੋਹਫਾ ਨਹੀਂ ਲਿਆ। ਮੀਡੀਆ ਦੀ ਰਿਪੋਰਟ ਮੁਤਾਬਕ ਪਾਕਿਸਤਾਨ ਵਿਦੇਸ਼ ਮੰਤਰਾਲੇ ਨੇ ਬੀਤੇ ਬੁੱਧਵਾਰ ਫਲਾਂ ਦੇ ਬਕਸੇ ਭੇਜੇ ਸਨ, ਪਰ ਅਮਰੀਕਾ ਤੇ ਚੀਨ ਵਰਗੇ ਦੇਸ਼ਾਂ ਨੇ ਕੋਰੋਨਾ ਵਾਇਰਸ ਦੇ ਕੁਆਰੰਟੀਨ ਨਿਯਮਾਂ ਦਾ ਹਵਾਲਾ ਦੇ ਕੇ ਇਨ੍ਹਾਂ ਨੂੰ ਲੈਣ ਤੋਂ ਸਿਰ ਫੇਰਦਿੱਤਾ ਹੈ।
ਪਤਾ ਲੱਗਾ ਹੈਕਿ ਪਾਕਿਸਤਾਨ ਦੇ ਰਾਸ਼ਟਰਪਤੀ ਡਾਕਟਰ ਆਰਿਫ ਅਲਵੀ ਨੇ 32 ਦੇਸ਼ਾਂ ਦੇ ਰਾਸ਼ਟਰਪਤੀਆਂਅਤੇ ਸਰਕਾਰ ਦੇ ਮੁਖੀਆਂ ਪ੍ਰਧਾਨ ਮੰਤਰੀਆਂ ਨੂੰ ‘ਚੌਸਾ’ ਅੰਬ ਭੇਜੇ ਸਨ। ਅੰਬਾਂ ਦੀ ਏਦਾਂ ਦੀ ਇੱਕ-ਇੱਕ ਪੇਟੀ ਈਰਾਨ, ਖਾੜੀ ਦੇਸ਼ਾਂ, ਤੁਰਕੀ, ਅਮਰੀਕਾ, ਅਫਗਾਨਿਸਤਾਨ, ਬੰਗਲਾ ਦੇਸ਼ ਅਤੇ ਰੂਸ ਭੇਜੀ ਗਈ। ਸੂਤਰਾਂ ਮੁਤਾਬਕਪਾਕਿਸਤਾਨ ਵਿਦੇਸ਼ ਮੰਤਰਾਲੇ ਦੀ ਇਸ ਸੂਚੀ ਵਿਚ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਂ ਦਾ ਨਾਮ ਵੀ ਸੀ, ਪਰ ਉਸ ਨੇ ਪਾਕਿਸਤਾਨ ਦੀ ਸ਼ੁਭ ਭਾਵਨਾ ਉੱਤੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਅਤੇ ਚੀਨ ਅਤੇ ਅਮਰੀਕਾ ਦੇ ਇਲਾਵਾ ਕੈਨੇਡਾ, ਨੇਪਾਲ, ਮਿਸਰ ਅਤੇ ਸ਼੍ਰੀਲੰਕਾ ਨੇ ਵੀ ਪਾਕਿਸਤਾਨ ਦੇ ਅੰਬ ਲੈਣ ਤੋਂ ਨਾਂਹ ਕਰ ਦਿੱਤੀ ਹੈ।