ਓਨਟਾਰੀਓ, 13 ਮਈ (ਪੋਸਟ ਬਿਊਰੋ) : ਇੱਕ ਸਦੀ ਤੱਕ ਸੇਵਾਵਾਂ ਦੇਣ ਤੋਂ ਬਾਅਦ ਗ੍ਰੇਅਹਾਊਂਡ ਕੈਨੇਡਾ ਵੱਲੋਂ ਸਥਾਈ ਤੌਰ ਉੱਤੇ ਸਾਰੇ ਬੱਸ ਰੂਟ ਬੰਦ ਕੀਤੇ ਜਾ ਰਹੇ ਹਨ। ਇਸ ਨਾਲ ਇੰਟਰਸਿਟੀ ਬੱਸ ਕੈਰੀਅਰ ਵੱਲੋਂ ਸਾਰੇ ਆਪਰੇਸ਼ਨ ਬੰਦ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ।
ਮੋਟਰ ਕੋਚ ਕੰਪਨੀ ਨੇ ਆਖਿਆ ਕਿ ਓਨਟਾਰੀਓ ਤੇ ਕਿਊਬਿਕ ਵਿੱਚ ਇਸ ਦੇ ਰਹਿੰਦੇ ਰੂਟ ਵੀਰਵਾਰ ਨੂੰ ਸਥਾਈ ਤੌਰ ਉੱਤੇ ਬੰਦ ਕਰ ਦਿੱਤੇ ਜਾਣਗੇ।ਇਸ ਦੀ ਅਮੈਰੀਕਨ ਐਫੀਲਿਏਟ ਗ੍ਰੇਅਹਾਊਂਡ ਲਾਈਨਜ਼ ਇਨਕਾਰਪੋਰੇਸ਼ਨ ਟੋਰਾਂਟੋ, ਮਾਂਟਰੀਅਲ ਤੇ ਵੈਨਕੂਵਰ ਲਈ ਕਰੌਸ ਬਾਰਡਰ ਰੂਟ ਆਪਰੇਟ ਕਰਨਾ ਜਾਰੀ ਰੱਖੇਗੀ। ਕੋਵਿਡ-19 ਦੀ ਪਹਿਲੀ ਵੇਵ ਦੌਰਾਨ ਪੈਸੈਂਜਰਜ਼ ਦੀ ਘਾਟ ਕਾਰਨ ਗ੍ਰੇਹਾਊਂਡ ਕੈਨੇਡਾ ਨੇ ਆਰਜ਼ੀ ਤੌਰ ਉੱਤੇ ਸਾਰੀਆਂ ਸੇਵਾਵਾਂ ਬੰਦ ਕਰ ਦਿੱਤੀਆਂ ਗਈਆਂ ਸਨ।
ਘੱਟ ਰਹੀ ਪੈਸੈਂਜਰਜ਼ ਦੀ ਤਾਦਾਦ, ਵੱਧ ਰਹੀ ਮੁਕਾਬਲੇਬਾਜ਼ੀ ਤੇ ਡੀਰੈਗੂਲੇਸ਼ਨਜ਼ ਕਾਰਨ ਬੱਸ ਕੈਰੀਅਰ ਕਈ ਸਾਲਾਂ ਤੋਂ ਸੰਘਰਸ਼ ਹੀ ਕਰ ਰਹੀ ਹੈ। ਗ੍ਰੇਹਾਊਂਡ ਕੈਨੇਡਾ ਦੇ ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਸਟੂਅਰਟ ਕੈਂਡ੍ਰਿਕ ਨੇ ਆਖਿਆ ਕਿ ਮਹਾਂਮਾਰੀ ਕਾਰਨ ਤਥਾ ਕਥਿਤ ਤੌਰ ਉੱਤੇ ਆਮਦਨ ਦੀ ਘਾਟ ਕਾਰਨ ਹੀ ਕੰਪਨੀ ਨੂੰ ਇਸ ਤਰ੍ਹਾਂ ਦਾ ਫੈਸਲਾ ਲੈਣਾ ਪਿਆ।