ਟੋਰਾਂਟੋ, 12 ਮਈ (ਪੋਸਟ ਬਿਊਰੋ) : ਯੂ ਕੇ ਵਿੱਚ ਕੀਤੇ ਗਏ ਇੱਕ ਮੁੱਢਲੇ ਅਧਿਐਨ ਵਿੱਚ ਸਾਹਮਣੇ ਆਇਆ ਹੈ ਕਿ ਕੋਵਿਡ-19 ਵੈਕਸੀਨ ਦੀ ਪਹਿਲੀ ਡੋਜ਼ ਤੋਂ ਬਾਅਦ ਕਿਸੇ ਹੋਰ ਬ੍ਰੈਂਡ ਦੀ ਦੂਜੀ ਡੋਜ਼ ਲੈਣਾ ਸੇਫ ਹੈ। ਪਰ ਇਸ ਦੇ ਕੁੱਝ ਸਾਈਡ ਇਫੈਕਟਸ ਵੀ ਹੋ ਸਕਦੇ ਹਨ ਜਿਵੇਂ ਕਿ ਸਿਰ ਦਰਦ, ਠੰਢ ਲੱਗਣਾ ਜਾਂ ਬੁਖਾਰ ਹੋਣਾ।
ਇਹ ਅਧਿਐਨ 50 ਸਾਲ ਤੇ ਇਸ ਤੋਂ ਉੱਪਰ ਉਮਰ ਵਰਗ ਦੇ 800 ਲੋਕਾਂ ਉੱਤੇ ਕੀਤਾ ਗਿਆ, ਇਨ੍ਹਾਂ ਨੂੰ ਚਾਰ ਹਫਤਿਆਂ ਦੇ ਫਰਕ ਨਾਲ ਮਿਕਸਡ ਡੋਜ਼ਾਂ ਦਿੱਤੀਆਂ ਗਈਆਂ। ਰਿਸਰਚਰਜ਼ ਨੇ ਪਾਇਆ ਕਿ ਫਾਈਜ਼ਰ ਤੋਂ ਬਾਅਦ ਦੂਜੀ ਡੋਜ਼ ਐਸਟ੍ਰਾਜ਼ੈਨੇਕਾ ਦੀ ਦੇਣ ਤੇ ਐਸਟ੍ਰਾਜ਼ੈਨੇਕਾ ਤੋਂ ਬਾਅਦ ਦੂਜੀ ਡੋਜ਼ ਫਾਈਜ਼ਰ ਦੀ ਦੇਣ ਮਗਰੋਂ ਬਿਨਾਂ ਮਿਕਸ ਡੋਜ਼ ਦੇ ਮੁਕਾਬਲੇ ਵਧੇਰੇ ਸਾਈਡ ਇਫੈਕਟਸ ਸਾਹਮਣੇ ਆਏ।   
ਅਜੇ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਇਸ ਢੰਗ ਨਾਲ ਵੈਕਸੀਨ ਦੇਣ ਉੱਤੇ ਉਹ ਕਿ਼ੰਨੀ ਪ੍ਰਭਾਵਸ਼ਾਲੀ ਰਹਿੰਦੀ ਹੈ।ਇਸ ਸਬੰਧੀ ਡਾਟਾ ਅਗਲੇ ਮਹੀਨੇ ਆਉਣ ਦੀ ਸੰਭਾਵਨਾ ਹੈ। ਕੈਨੇਡਾ ਦੀ ਚੀਫ ਪਬਲਿਕ ਹੈਲਥ ਆਫੀਸਰ ਡਾ· ਥੈਰੇਸਾ ਟੈਮ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਵੈਕਸੀਨਜ਼ ਦੀ ਵਰਤੋਂ ਦੇ ਚੰਗੇ ਨਤੀਜੇ ਵੇਖਣ ਨੂੰ ਮਿਲ ਰਹੇ ਹਨ। ਅਸੀਂ ਧਿਆਨ ਨਾਲ ਡਾਟਾ ਉੱਤੇ ਨਜ਼ਰ ਰੱਖ ਰਹੇ ਹਾਂ। ਸੁ਼ਰੂਆਤੀ ਨਤੀਜੇ ਚੰਗੇ ਹਨ।ਉਨ੍ਹਾਂ ਇਹ ਵੀ ਸੰਭਾਵਨਾ ਪ੍ਰਗਟਾਈ ਕਿ ਇਨ੍ਹਾਂ ਗਰਮੀਆਂ ਵਿੱਚ ਕੈਨੇਡੀਅਨਾਂ ਨੂੰ ਹੋ ਸਕਦਾ ਹੈ ਕਿ ਮਿਕਸਡ ਡੋਜ਼ ਦੇਣੀ ਸ਼ੁਰੂ ਕੀਤੀ ਜਾ ਸਕੇ।