ਲੰਡਨ, 9 ਮਈ, (ਪੋਸਟ ਬਿਊਰੋ)- ਬ੍ਰਿਟੇਨ ਦੀ ਰਾਜਧਾਨੀ ਲੰਡਨ ਵਿੱਚ ਮੇਅਰ ਸਾਦਿਕ ਖਾਨ ਨੇ ਆਪਣੇਮੁੱਖ ਵਿਰੋਧੀ ਤੇ ਟੋਰੀ ਪਾਰਟੀ ਦੇ ਲੀਡਰ ਸ਼ੌਨ ਬੇਲੀ ਨੂੰ ਹਰਾ ਕੇ ਲੰਡਨ ਦੇ ਮੇਅਰ ਵਜੋਂ ਦੂਸਰੀ ਵਾਰ ਚੋਣ ਜਿੱਤ ਲਈ ਹੈ। ਲੇਬਰ ਪਾਰਟੀ ਦੇ ਸਾਦਿਕ ਖਾਨ ਨੂੰ 55.2 ਫੀਸਦੀ ਵੋਟਾਂ ਮਿਲੀਆਂਅਤੇ ਸ਼ੌਨ ਬੇਲੀ ਨੂੰ 44.8 ਮਿਲੀਆਂ ਹਨ।
ਆਪਣੀ ਜਿੱਤ ਮਗਰੋਂ ਸਾਦਿਕ ਖਾਨ ਨੇ ਮਹਾਮਾਰੀ ਦੇ ਬਾਅਦ ਲੰਡਨ ਲਈ ਸੁਹਿਰਦ ਭਵਿੱਖ ਬਣਾਉਣ ਦਾ ਭਰੋਸਾ ਦਿੱਤਾ ਹੈ।ਚੋਣਵਿੱਚ ਵੋਟਰਾਂ ਦੀ ਪਹਿਲੀ ਪਸੰਦ ਵਾਸਤੇਸ਼ੌਨ ਬੇਲੀ ਨੂੰ ਪਈਆਂ 893,051 ਵੋਟਾਂ ਦੇ ਮੁਕਾਬਲੇ ਸਾਦਿਕ ਖਾਨ ਨੂੰ 1,013,721 ਵੋਟਾਂ ਮਿਲੀਆਂ ਅਤੇ ਦੂਸਰੀ ਪਸੰਦ ਲਈ ਵੀ ਸਾਦਿਕ ਖਾਨ ਨੂੰ 1,92,313 ਅਤੇ ਸ਼ੌਨ ਬੇਲੀ ਨੂੰ ਮਸਾਂ 84,550 ਵੋਟਾਂ ਪਈਆਂ। ਲੰਡਨ ਦੇ ਮੇਅਰ ਵਜੋਂ ਸਾਦਿਕ ਖਾਨ ਨੂੰ ਰਾਜਧਾਨੀ ਵਿੱਚ ਵਧਦੇ ਹਿੰਸਕ ਜੁਰਮ, ਖਾਸ ਕਰਕੇ ਗੱਭਰੂਆਂ ਵਿੱਚ ਛੁਰੇਬਾਜ਼ੀ ਕਾਰਨ ਅਲੋਚਨਾ ਝੱਲਣੀ ਪਈ ਸੀ। ਉਸ ਨੇ ਦੁਬਾਰਾ ਚੋਣ ਮੁਹਿੰਮ ਵੇਲੇ ਨੌਕਰੀਆਂਦੇ ਮੁੱਦੇ ਉੱਤੇ ਧਿਆਨ ਕੇਂਦਰਤ ਕੀਤਾ ਤੇ ਕੋਰੋਨਾ ਦੀ ਮਹਾਮਾਰੀ ਹੇਠ ਕੰਮ ਗੁਆ ਚੁੱਕੇ ਕਰੀਬ 300,000 ਲੰਡਨ ਵਾਸੀਆਂ ਦੀ ਮਦਦ ਲਈ ਸੈਰ-ਸਪਾਟਾ ਅਤੇ ਨਿਵੇਸ਼ ਨੂੰ ਉਤਸ਼ਾਹਿਤ ਕਰਨ ਉੱਤੇ ਜ਼ੋਰ ਦਿੱਤਾ ਹੈ।