Hillier Lake....ਹਿਲੀਅਰ ਝੀਲ...ਪ੍ਰਸ਼ਾਂਤ ਮਹਾਸਾਗਰ ਕੋਲ ਮੌਜ਼ੂਦ ਹੈ। ਇਹ ਗੁਲਾਬੀ ਝੀਲ ਪੱਛਮੀ ਆਸਟਰੇਲਿਆ ਦੇ ਕੰਡੇ `ਤੇ ਮੌਜੂਦ ਹੈ। ਇਹ ਝੀਲ ਆਪਣੇ ਗੁਲਾਬੀ ਰੰਗ ਦੇ ਪਾਣੀ ਕਾਰਨ ਦੁਨੀਆਂ `ਚ ਜਾਣੀ ਜਾਂਦੀ ਹੈ। ਆਸਟਰੇਲਿਆ ਜਾਣ ਵਾਲੇ ਲੋਕ ਇਸ ਝੀਲ ਨੂੰ ਵੇਖਣਾ ਨਹੀਂ ਭੁੱਲਦੇ। ਇਸ ਗੁਲਾਬੀ ਝੀਲ ਦੀ ਵੱਖਰੀ ਹੀ ਖਿੱਚ ਹੈ। ਹਿਲੀਅਰ ਝੀਲ 600 ਮੀਟਰ (2, 000 ਫੁਟ) ਲੰਬੀ ਅਤੇ 250 ਮੀਟਰ (820 ਫੁਟ) ਚੌੜੀ ਹੈ। ਇਹ ਝੀਲ ਚਾਰੇ ਪਾਸਿਆਂ ਤੋਂ ਪੇਪਰਬਾਰਕ ਅਤੇ ਯੂਕੇਲਿਪਟਸ ਦੇ ਦਰਖਤਾਂ ਨਾਲ ਘਿਰੀ ਹੋਈ ਹੈ। ਜਾਣਕਾਰੀ ਅਨੁਸਾਰ 15 ਜਨਵਰੀ, 1802 `ਚ ਇੰਗਲੈਂਡ ਦੇ ਮਲਾਹ ਮੈਥਿਊ ਫਲਿੰਡਰਸ ਨੇ ਇਸਦੀ ਖੋਜ ਕੀਤੀ। ਉਨ੍ਹਾਂ ਨੇ ਹੀ ਹਿਲੀਅਰ ਝੀਲ ਬਾਰੇ ਪਹਿਲੀ ਵਾਰ ਲਿਖਿਆ।