ਆਪਣੀ ਅਗਲੀ ਫਿਲਮ ‘ਮੇਡ ਇਨ ਚਾਈਨਾ’ ਵਿੱਚ ਰਾਜਕੁਮਾਰ ਰਾਓ ਗੁਜਰਾਤੀ ਬਿਜਨਸਮੈਨ ਦੀ ਭੂਮਿਕਾ ਵਿੱਚ ਹਨ। ਇਹ ਫਿਲਮ ਜੁਗਾੜ ਬਾਰੇ ਕਾਫੀ ਗੱਲ ਕਰਦੀ ਹੈ। ਬੀਤੇ ਦਿਨ ਮੁੰਬਈ ਵਿੱਚ ਫਿਲਮ ਦੇ ਟ੍ਰੇਲਰ ਲਾਂਚ ਮੌਕੇ ਰਾਜਕੁਮਾਰ ਨੇ ਅਸਲ ਜ਼ਿੰਦਗੀ ਵਿੱਚ ਜੁਗਾੜ ਕਰਨ ਦੇ ਬਾਰੇ ਦੱਸਿਆ ਕਿ ਗੁੜਗਾਓਂ ਵਿੱਚ ਜਦ ਰਹਿੰਦੇ ਸਨ, ਤਾਂ ਕਾਫੀ ਜੁਗਾੜ ਕਰਦੇ ਸਨ। ਸਕੂਲ ਤੋਂ ਬੰਕ ਮਾਰ ਕੇ ਫਿਲਮ ਦੇਖਣ ਜਾਣਾ ਹੁੰਦਾ ਤਾਂ ਰਸਤੇ ਵਿੱਚ ਲਿਫਟ ਕਿਵੇਂ ਲੈਣੀ ਹੈ, ਉਸ ਦਾ ਜੁਗਾੜ ਕਰਦੇ ਸੀ। ਮੈਨੂੰ ਲੱਗਦਾ ਹੈ ਕਿ ਅਸੀਂ ਸਭ ਨੇ ਆਪਣੇ ਜ਼ਿੰਦਗੀ ਵਿੱਚ ਜੁਗਾੜ ਦਾ ਸਹਾਰਾ ਲਿਆ ਹੈ। ਖਾਸ ਤੌਰ 'ਤੇ ਜਦ ਅਸੀਂ ਵਿਦੇਸ਼ ਵਿੱਚ ਵਿਦੇਸ਼ੀ ਕਰੂਅ ਨਾਲ ਸ਼ੂਟ ਕਰਦੇ ਹਾਂ ਤਾਂ ਦੋ ਚੀਜ਼ਾਂ ਸਾਡੀ ਭਾਸ਼ਾ ਵਿੱਚ ਸਭ ਤੋਂ ਪਹਿਲਾਂ ਸਿੱਖਦੇ ਹਨ, ਉਹ ਹੈ ਚਲੋ ਚਲੋ ਅਤੇ ਜੁਗਾੜ। ਕੋਈ ਸਮੱਸਿਆ ਆਉਣ 'ਤੇ ਉਹ ਕਹਿੰਦੇ ਹਨ ਕਿ ਅਸੀਂ ਜੁਗਾੜ ਕਰ ਲਵਾਂਗੇ। ਅਸੀਂ ਭਾਰਤੀ ਆਪਣੇ ਦਿਮਾਗ ਲਈ ਜਾਣੇ ਜਾਂਦੇ ਹਾਂ। ਇਹੋ ਕਾਰਨ ਹੈ ਕਿ ਸਭ ਵਿੱਚ ਜੁਗਾੜ ਦੀ ਪ੍ਰਵਿਰਤੀ ਹੈ।”
ਬੀਤੇ ਛੇ ਸਤੰਬਰ ਨੂੰ ਰਾਜਕੁਮਾਰ ਦੇ ਪਿਤਾ ਦਾ ਦਿਹਾਂਤ ਹੋ ਗਿਆ ਸੀ। ਉਨ੍ਹਾਂ ਦੇ ਅੰਤਿਮ ਸਸਕਾਰ ਕਾਰ ਤੋਂ ਅਗਲੇ ਦਿਨ ਰਾਜਕੁਮਾਰ ਆਪਣੀ ਫਿਲਮ ਦੀ ਸ਼ੂਟਿੰਗ ਵਿੱਚ ਬਿਜ਼ੀ ਹੋ ਗਏ। ਉਨ੍ਹਾਂ ਦੱਸਿਆ ਕਿ ਪਿਤਾ ਜੀ ਹਸਪਤਾਲ ਵਿੱਚ ਸਨ। ਡਾਕਟਰ ਇੱਕੋ ਗੱਲ ਲਗਾਤਾਰ ਕਹਿ ਰਹੇ ਸਨ। ਮੈਂ ਨਿਰਮਾਤਾ ਦਿਨੇਸ਼ ਵਿਜਾਨ ਨੂੰ ਕਿਹਾ ਕਿ ਮੈਂ ਉਨ੍ਹਾਂ ਨੂੰ ‘ਮੇਡ ਚਾਈਨਾ’ ਆਪਣੀ ਫਿਲਮ ਦਾ ਟ੍ਰੇਲਰ ਦਿਖਾਉਣਾ ਚਾਹੁੰਦਾ ਹਾਂ। ਉਨ੍ਹਾਂ ਨੇ ਮੇਰੇ ਨਾਲ ਲਿੰਕ ਸਾਂਝਾ ਕੀਤਾ। ਮੈਂ ਖੁਸ਼ ਹਾਂ ਕਿ ਉਨ੍ਹਾਂ ਨੂੰ ਟ੍ਰੇਲਰ ਦਿਖਾ ਸਕਿਆ। ਉਨ੍ਹਾਂ ਦੇ ਦਿਹਾਂਤ ਦੇ ਸਮੇਂ ਮੈਂ ‘ਰੂਹੀ ਆਫਜਾ' ਦੀ ਸ਼ੂਟਿੰਗ ਕਰ ਰਿਹਾ ਸੀ। ਦਿਹਾਂਤ ਦੇ ਦੂਜੇ ਦਿਨ ਮੈਂ ਸ਼ੂਟਿੰਗ 'ਤੇ ਆ ਗਿਆ। ਮਾਂ ਦਾ ਤਿੰਨ ਸਾਲ ਪਹਿਲਾਂ ਦਿਹਾਂਤ ਹੋ ਗਿਆ ਸੀ। ਤਦ ਵੀ ਮੈਂ ‘ਨਿਊਟਨ’ ਦੀ ਸ਼ੂਟਿੰਗ ਕਰ ਰਿਹਾ ਸੀ। ਸ਼ੂਟਿੰਗ ਦੇ ਅਗਲੇ ਦਿਨ ਮੈਨੂੰ ਵਾਪਸ ਆਉਣਾ ਪਿਆ ਸੀ। ਮੈਨੂੰ ਪਤਾ ਹੈ ਕਿ ਮੇਰੇ ਮਾਤਾ ਪਿਤਾ ਮੇਰੇ ਕਲਾਕਾਰ ਹੋਣ `ਤੇ ਮਾਣ ਕਰਦੇ ਸਨ। ਉਹ ਚਾਹੁੰਦੇ ਸਨ ਕਿ ਮੈਂ ਇਹੀ ਕੰਮ ਕਰਾਂ। ਮੈਨੂੰ ਖੁਸ਼ੀ ਹੈ ਕਿ ਅੰਤਿਮ ਦਿਨਾਂ ਵਿੱਚ ਮੈਂ ਉਨ੍ਹਾਂ ਨੂੰ ਟ੍ਰੇਲਰ ਦਿਖਾ ਸਕਿਆ। ਉਨ੍ਹਾਂ ਦਾ ਆਸ਼ੀਰਵਾਦ ਮੇਰੇ ਨਾਲ ਹੈ।