ਰਿਚਾ ਚੱਢਾ ਹਮੇਸ਼ਾ ਤੋਂ ਸਮਾਜਕ ਮੁੱਦਿਆਂ ਉੱਤੇ ਆਪਣੀ ਰਾਏ ਰੱਖਦੀ ਆਈ ਹੈ। ਪਿੱਛੇ ਜਿਹੇ ਉਸ ਨੇ ਆਪਣੀ ਫਿਲਮ ‘ਸੈਕਸ਼ਨ 375’ ਦੇ ਪ੍ਰਮੋਸ਼ਨ 'ਤੇ ਕਿਹਾ ਸੀ ਕਿ ਉਸ ਨੇ ਇਹ ਦੇਖ ਕੇ ਦੁੱਖ ਹੁੰਦਾ ਹੈ ਕਿ ਕੁਝ ਲੋਕ, ਜਿਨ੍ਹਾਂ ਉੱਤੇ ਸੈਕਸ ਸ਼ੋਸ਼ਣ ਦੇ ਦੋਸ਼ ਹਨ, ਫਿਰ ਇੰਡਸਟਰੀ ਵਿੱਚ ਕੰਮ ਕਰ ਰਹੇ ਹਨ। ਅਜਿਹੇ ਕਾਰਨ ਰਿਚਾ ਡਾਇਰੈਕਟਰ ਸੁਭਾਸ਼ ਕਪੂਰ ਨਾਲ ਕੰਮ ਕਰਨ ਦੇ ਲਈ ਤਿਆਰ ਨਹੀਂ ਹੈ।
ਸੁਭਾਸ਼ ਕਪੂਰ ਨੂੰ ਫਿਲਮ ‘ਮੋਗੁਲ’ ਤੋਂ ਪਿਛਲੇ ਸਾਲ ਹਟਾਇਆ ਗਿਆ ਸੀ ਤੇ ਆਮਿਰ ਖਾਨ ਨੇ ਵੀ ਇਹ ਫਿਲਮ ਛੱਡ ਦਿੱਤੀ ਸੀ, ਪਰ ਪਿੱਛੋਂ ਆਮਿਰ ਨੇ ਇਹ ਕਹਿ ਕੇ ਵਾਪਸੀ ਕੀਤੀ ਹੈ ਕਿ ਸੁਭਾਸ਼ 'ਤੇ ਲੱਗੇ ਦੋਸ਼ ਅਜੇ ਤੱਕ ਸਾਬਿਤ ਨਹੀਂ ਹੋਏ। ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ‘ਮੋਗੁਲ’ ਦੇ ਪਹਿਲਾਂ ਸੁਭਾਸ਼ ਫਿਲਮ ‘ਮੈਡਮ ਜੀ’ ਦੀ ਸ਼ੂਟਿੰਗ ਲਖਨਊ ਵਿੱਚ ਸ਼ੁਰੂ ਕਰਨ ਜਾ ਰਹੇ ਹਨ, ਜਿਸ ਵਿੱਚ ਰਿਚਾ ਚੱਢਾ ਮੁੱਖ ਭੂਮਿਕਾ ਨਿਭਾ ਸਕਦੀ ਹੈ। ਰਿਚਾ ਦੇ ਕਰੀਬੀ ਕਹਿੰਦੇ ਹਨ, ‘‘ਰਿਚਾ ਦਾ ਇਸ ਫਿਲਮ ਦਾ ਹਿੱਸਾ ਹੋਣਾ ਅਜੇ ਤੈਅ ਨਹੀਂ। ਰਿਚਾ ਵੀ ਇਸ ਬਾਰੇ ਅਜੇ ਕੁਝ ਗੱਲ ਨਹੀਂ ਕਰ ਸਕਦੀ।” ਰਿਚਾ ਫਿਲਮ ‘ਪੰਗਾ’, ‘ਸ਼ਕੀਲਾ ਬਾਇਓਪਿਕ’ ਅਤੇ ‘ਭੋਲੀ ਪੰਜਾਬਣ’ ਵਿੱਚ ਵੀ ਦਿਖਾਈ ਦੇਵੇਗੀ।