Welcome to Canadian Punjabi Post
Follow us on

26

February 2020
ਭਾਰਤ

ਈ-ਸਿਗਰਟ ਉੱਤੇ ਭਾਰਤ ਵਿਚ ਪਾਬੰਦੀ ਲਾਈ ਗਈ

September 20, 2019 10:04 AM

ਨਵੀਂ ਦਿੱਲੀ, 19 ਸਤੰਬਰ (ਪੋਸਟ ਬਿਊਰੋ)- ਭਾਰਤ ਸਰਕਾਰ ਨੇ ਈ-ਸਿਗਰਟ ਅਤੇ ਈ-ਹੁੱਕੇ 'ਤੇ ਰੋਕ ਲਾਉਣ ਸਬੰਧੀ ਕੱਲ੍ਹ ਇਕ ਆਰਡੀਨੈਂਸ ਨੂੰ ਮਨਜ਼ੂਰੀ ਦੇ ਦਿੱਤੀ। ਇਸ ਨਾਲ ਈ-ਸਿਗਰਟ ਦੇ ਉਤਪਾਦਨ, ਦਰਾਮਦ-ਬਰਾਮਦ, ਵਿਕਰੀ ਅਤੇ ਇਸ਼ਤਿਹਾਰਬਾਜ਼ੀ 'ਤੇ ਰੋਕ ਲਾ ਦਿੱਤੀ ਗਈ ਹੈ। ਇਸ ਦੀ ਉਲੰਘਣਾ ਕਰਨ 'ਤੇ ਪੰਜ ਸਾਲ ਦੀ ਸਜ਼ਾ ਤੇ ਤਿੰਨ ਲੱਖ ਰੁਪਏ ਜੁਰਮਾਨਾ ਭਰਨਾ ਪਵੇਗਾ। ਆਰਡੀਨੈਂਸ ਦੇ ਲਾਗੂ ਹੋਣ ਪਿੱਛੋਂ ਈ-ਸਿਗਰਟ ਦੇ ਸਟਾਕ ਦਾ ਖੁਦ ਐਲਾਨ ਕਰਦਿਆਂ ਇਸ ਨੂੰ ਨਜ਼ਦੀਕੀ ਥਾਣਿਆਂ 'ਚ ਜਮ੍ਹਾਂ ਕਰਵਾਉਣਾ ਪਵੇਗਾ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਹੇਠ ਕੈਬਨਿਟ ਦੀ ਮੀਟਿੰਗ ਵਿੱਚ ਇਸ ਆਰਡੀਨੈਂਸ ਦੇ ਖਰੜੇ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। ਰਾਜਧਾਨੀ ਤੋਂ ਬਾਹਰ ਹੋਣ ਕਾਰਨ ਸਿਹਤ ਮੰਤਰੀ ਡਾ. ਹਰਸ਼ਵਰਧਨ ਮੀਟਿੰਗ ਵਿੱਚ ਸ਼ਾਮਲ ਨਹੀਂ ਹੋਏ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਦੱਸਿਆ ਕਿ ਇਸ ਆਰਡੀਨੈਂਸ ਹੇਠ ਪਹਿਲੀ ਵਾਰ ਉਲੰਘਣਾ ਕਰਨ ਵਾਲਿਆਂ ਨੂੰ ਇਕ ਸਾਲ ਤੱਕ ਸਜ਼ਾ ਤੇ ਇਕ ਲੱਖ ਰੁਪਏ ਜੁਰਮਾਨਾ ਲੱਗੇਗਾ। ਦੂਜੀ ਵਾਰ ਉਲੰਘਣਾ 'ਤੇ ਤਿੰਨ ਸਾਲ ਜੇਲ੍ਹ ਤੇ ਪੰਜ ਲੱਖ ਰੁਪਏ ਜੁਰਮਾਨਾ ਲੱਗੇਗਾ। ਜੇ ਕੋਈ ਵਿਅਕਤੀ ਈ-ਸਿਗਰਟ ਸਟਾਕ ਕਰਦਾ ਹੈ ਤਾਂ ਉਸ ਨੂੰ ਛੇ ਮਹੀਨਿਆਂ ਦੀ ਸਜ਼ਾ ਤੇ 50,000 ਰੁਪਏ ਜੁਰਮਾਨਾ ਭਰਨਾ ਪਵੇਗਾ। ਈ-ਸਿਗਰਟ ਨੂੰ ਈ ਐਨ ਡੀ ਐਸ ਯਾਨੀ ਇਲੈਕਟ੍ਰਾਨਿਕ ਨਿਕੋਟਿਨ ਡਲਿਵਰੀ ਸਿਸਟਮ ਕਿਹਾ ਜਾਂਦਾ ਹੈ। ਸਰਕਾਰ ਵੱਲੋਂ ਈ-ਸਿਗਰਟ ਮੁੱਦੇ 'ਤੇ ਵਿਚਾਰ ਲਈ ਵਿੱਤ ਮੰਤਰੀ ਦੀ ਅਗਵਾਈ ਵਿੱਚ ਇਕ ਜੀ ਓ ਐਮ (ਮੰਤਰੀਆਂ ਦਾ ਗਰੁੱਪ) ਬਣਾਇਆ ਜਾਵੇਗਾ। ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਈ-ਸਿਗਰਟ ਵਰਗੇ ਉਤਪਾਦਨ ਸਿਹਤ ਲਈ ਖਾਸਕਰ ਨੌਜਵਾਨਾਂ ਲਈ ਖਤਰਨਾਕ ਹਨ, ਇਸ ਲਈ ਸਰਕਾਰ ਨੇ ਇਸ ਉਤੇ ਪਾਬੰਦੀ ਦਾ ਫੈਸਲਾ ਕੀਤਾ ਹੈ। ਉਨ੍ਹਾਂ ਨੇ ਅਮਰੀਕਾ 'ਚ ਕੀਤੇ ਅਧਿਐਨਾਂ ਦੇ ਅੰਕੜੇ ਦਿੰਦਿਆਂ ਕਿਹਾ ਕਿ ਸਕੂਲੀ ਵਿਦਿਆਰਥੀਆਂ ਵਿੱਚ ਈ-ਸਿਗਰਟ ਦੀ ਵਰਤੋਂ ਵਿੱਚ 77.8 ਫੀਸਦੀ ਵਾਧਾ ਹੋਇਆ ਹੈ। ਇਸੇ ਤਰ੍ਹਾਂ ਮਿਡਲ ਸਕੂਲ ਦੇ ਵਿਦਿਆਰਥੀਆਂ ਵਿੱਚ ਇਸ ਦੀ ਵਰਤੋਂ ਵਿੱਚ 48.5 ਫੀਸਦੀ ਵਾਧਾ ਹੋਇਆ ਹੈ। ਅੰਕੜਿਆਂ ਮੁਤਾਬਕ ਅਮਰੀਕਾ 'ਚ ਲਗਭਗ 30 ਲੱਖ ਲੋਕ ਈ-ਸਿਗਰਟ ਦਾ ਸੇਵਨ ਕਰ ਰਹੇ ਹਨ। ਸਾਲ 2011 ਤੋਂ 2015-16 ਦੌਰਾਨ ਅਮਰੀਕਾ ਵਿੱਚ ਈ-ਸਿਗਰਟ ਦੀ ਖਪਤ 'ਚ 900 ਫੀਸਦੀ ਵਾਧਾ ਹੋਇਆ ਹੈ। ਅਮਰੀਕਾ ਵਿੱਚ ਈ-ਸਿਗਰਟ ਕਾਰਨ ਘੱਟੋ-ਘੱਟ ਸੱਤ ਲੋਕਾਂ ਦੀ ਮੌਤ ਹੋਈ ਹੈ। ਵਿੱਤ ਮੰਤਰੀ ਨੇ ਕਿਹਾ ਕਿ ਭਾਰਤ ਵਿੱਚ ਈ-ਸਿਗਰਟ ਨੂੰ ਪਹਿਲਾਂ ਸਿਗਰਟਨੋਸ਼ੀ ਛੱਡਣ 'ਚ ਮਦਦ ਵਾਲੀ ਡਿਵਾਈਸ ਦੇ ਰੂਪ ਵਿੱਚ ਪੇਸ਼ ਕੀਤਾ ਗਿਆ, ਪਰ ਹੁਣ ਇਹ ਸਟਾਈਲ ਸਟੇਟਮੈਂਟ ਦੇ ਤੌਰ 'ਤੇ ਉਭਰ ਰਹੇ ਹਨ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਗਾਂਧੀ ਆਸ਼ਰਮ ਵਿੱਚ ਚਰਖਾ ਵੀ ਕੱਤਿਆ
ਚੀਨ ਨੂੰ ਪਛਾੜ ਕੇ ਅਮਰੀਕਾ ਭਾਰਤ ਦਾ ਸਭ ਤੋਂ ਵੱਡਾ ਵਪਾਰਕ ਭਾਈਵਾਲ ਬਣਿਆ
ਬਿਹਾਰ ਪੁਲਸ ਦੀ ਹਿਰਾਸਤ ਵਿੱਚ ਮਾਓਵਾਦੀ ਨੇਤਾ ਦੀ ਮੌਤ
ਸੋਨਭੱਦਰ 'ਚ ਤਿੰਨ ਹਜ਼ਾਰ ਟਨ ਸੋਨਾ ਮਿਲਣ ਦੇ ਦਾਅਵੇ ਰੱਦ
ਰਾਮ ਮੰਦਰ ਬਣਨਾ ਸ਼ੁਰੂ ਹੋ ਜਾਵੇਗਾ, ਪਰ ਰਾਮ ਰਾਜ ਆਉਣਾ ਬਾਕੀ: ਤੋਗੜੀਆ
ਟਰੰਪ ਦੇ ਦੌਰੇ ਦਾ ਪਹਿਲਾ ਦਿਨ: ਅਹਿਮਦਾਬਾਦ ਤੋਂ ਆਗਰੇ ਤਕ ਟਰੰਪ ਦੀ ਬੱਲੇ-ਬੱਲੇ, ਪਰ ਭੋਪਾਲ ਵਿੱਚ ਵਿਰੋਧ ਪ੍ਰਦਰਸ਼ਨ
ਕਾਰਟਰਪੁਰੀ ਪਿੰਡ ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਕਾਰਟਰ ਨੂੰ ਆਪਣਾ ਬੇਟਾ ਮੰਨਦੈ
ਟਰੰਪ ਦਾ ਭਾਰਤ ਦੌਰਾ: ਮੋਟੇਰਾ ਸਟੇਡੀਅਮ ਵਿੱਚ ਹੋਏ ਪਹਿਲੇ ਸਮਾਗਮ ਵਿੱਚ ਭਾਰਤ ਨਾਲ ਦੋਸਤੀ ਤੇ ਵਪਾਰ ਦੇ ਮੁੱਦੇ ਛੋਹੇ
ਟਰੰਪ ਦੀ ਪਤਨੀ ਮੇਲਾਨੀਆ ਨਾਲ ਕੇਜਰੀਵਾਲ ਤੇ ਸਿਸੋਦੀਆ ਦੀ ਮੁਲਾਕਾਤ 'ਤੇ ਅਮਰੀਕਾ ਨੂੰ ਨਹੀਂ ਇਤਰਾਜ਼, ਪਰ ਫਿਰ ਵੀ ਮਹਿਮਾਨਾਂ ਦੀ ਸੂਚੀ 'ਚੋਂ ਨਾਮ ਨਹੀਂ ...!!
ਆਗਰਾ ਵਿੱਚ ਟਰੰਪ ਦੀ ਸੁਰੱਖਿਆ ਵਿੱਚ ਲੰਗੂਰ ਵੀ ਤਾਇਨਾਤ ਕੀਤੇ ਜਾਣਗੇ