ਕੰਗਨਾ ਰਣੌਤ ਦਾ ਕਹਿਣਾ ਹੈ ਕਿ ਉਹ ਹਮੇਸ਼ਾ ਤੋਂ ਕੁਝ ਅਜਿਹਾ ਬਣਨਾ ਚਾਹੰਦੀ ਸੀ, ਜਿਹੜਾ ਕਿਸੇ ਹੀਰੋ ਦੀ ਸਾਈਡ ਕਿੱਕ (ਸਹਾਇਕ ਜਾਂ ਸਾਥੀ) ਨਾ ਹੋਵੇ। ਉਸ ਨੇ ਸਾਲ 2006 ਵਿੱਚ ਮਹੇਸ਼ ਭੱਟ ਦੀ ਫਿਲਮ ‘ਗੈਂਗਸਟਰ’ ਤੋਂ ਬਾਲੀਵੁੱਡ ਦੀ ਦੁਨੀਆ ਵਿੱਚ ਕਦਮ ਰੱਖਿਆ। ਇਸ ਪਿੱਛੋਂ ਦੇ ਸਾਲਾਂ ਵਿੱਚ ਉਸ ਨੇ ਕਈ ਅਜਿਹੀਆਂ ਫਿਲਮਾਂ ਕੀਤੀਆਂ ਜਿਨ੍ਹਾਂ ਨੂੰ ਉਸ ਨੇ ਆਪਣੇ ਦਮ 'ਤੇ ਚਲਾਇਆ ਜਿਵੇਂ ਕਿ ‘ਕਵੀਨ’, ‘ਤਨੂ ਵੈਡਸ ਮਨੂ’ ਅਤੇ ‘ਮਣੀਕਰਣਿਕਾ’।
ਇਸ ਤਰ੍ਹਾਂ ਦੇ ਪ੍ਰਦਰਸ਼ਨ ਤੋਂ ਪੈਦਾ ਹੋਣ ਵਾਲੇ ਦਬਾਅ ਦੇ ਸਵਾਲ 'ਤੇ ਕੰਗਨਾ ਨੇ ਕਿਹਾ, ‘‘ਮੈਨੂੰ ਅਜਿਹਾ ਨਹੀਂ ਲੱਗਦਾ। ਜਦੋਂ ਤੁਹਾਨੂੰ ਆਖਰ ਉਹ ਚੀਜ਼ ਮਿਲਦੀ ਹੈ, ਜਿਸ ਦੀ ਤੁਹਾਨੂੰ ਤਲਾਸ਼ ਰਹਿੰਦੀ ਹੈ ਜਾਂ ਜਿਸ ਲਈ ਤੁਸੀਂ ਕਾਫੀ ਉਡੀਕ ਕੀਤੀ ਹੈ ਤਾਂ ਤੁਹਾਨੂੰ ਉਸ ਨੂੰ ਇੱਕ ਜ਼ਿੰਮੇਵਾਰੀ ਦੇ ਤੌਰ 'ਤੇ ਲੈਣਾ ਚਾਹੀਦਾ ਹੈ? ਮੈਂ ਹਮੇਸ਼ਾ ਤੋਂ ਕੁਝ ਅਜਿਹਾ ਬਣਨਾ ਚਾਹੰੁਦੀ ਸੀ, ਜੋ ਕਿਸੇ ਹੀਰੋ ਦੀ ਸਾਈਡ ਕਿੱਕ (ਸਹਾਇਕ ਜਾਂ ਸਾਥੀ) ਨਾ ਹੋਵੇ ਕਿਉਂਕਿ ਜਦੋਂ ਫਿਲਮ ਵਿੱਚ ਕੋਈ ਵੱਡਾ ਹੀਰੋ ਹੁੰਦਾ ਹੈ ਤਾਂ ਤੁਸੀਂ ਸਹਿਜ ਇੱਕ ਸਾਈਡ ਕਿੱਕ ਰਹਿ ਜਾਂਦੇ ਹੋ।”