Welcome to Canadian Punjabi Post
Follow us on

26

May 2020
ਅੰਤਰਰਾਸ਼ਟਰੀ

ਪਾਕਿਸਤਾਨ ਦੇ ਰੇਲ ਮੰਤਰੀ ਨਾਲ ਲੰਡਨ ਵਿੱਚ ਬਹੁਤ ਬੁਰੀ ਹੋਈ

August 23, 2019 10:48 PM

ਲੰਡਨ, 23 ਅਗਸਤ (ਪੋਸਟ ਬਿਊਰੋ)- ਵੱਖ-ਵੱਖ ਮੁੱਦਿਆਂ ਬਾਰੇ ਅਕਸਰ ਵਿਵਾਦਤ ਬਿਆਨ ਦੇਣ ਦੇ ਨਾਲ ਸੁਰਖ਼ੀਆਂ ਵਿਚ ਰਹਿਣ ਵਾਲੇ ਪਾਕਿਸਤਾਨ ਦੇ ਰੇਲ ਮੰਤਰੀ ਸ਼ੇਖ਼ ਰਸ਼ੀਦ ਅਹਿਮਦ ਨਾਲ ਲੰਡਨ ਵਿਚ ਓਦੋਂ ਬੁਰੀ ਹੋਈ, ਜਦੋਂ ਉਹ ਇਕ ਹੋਟਲ ਵਿਚ ਕਰਵਾਏ ਸਮਾਗਮ ਵਿਚ ਸ਼ਾਮਲ ਹੋ ਕੇ ਬਾਹਰ ਨਿਕਲ ਰਹੇ ਸਨ। ਇਸੇ ਦੌਰਾਨ ਕੁਝ ਲੋਕਾਂ ਨੇ ਉਨ੍ਹਾਂ ਉੱਤੇ ਅੰਡਿਆਂ ਦੀ ਵਾਛੜ ਕਰ ਦਿੱਤੀ ਤੇ ਉਨ੍ਹਾਂ ਦੀ ਮਾਰਕੁੱਟ ਕੀਤੀ। ਇਸ ਘਟਨਾ ਤੋਂ ਬਾਅਦ ਹਮਲਾਵਾਰ ਉਥੋਂ ਫ਼ਰਾਰ ਹੋ ਗਏ ਸਨ, ਪਰ ਬਾਅਦ ਵਿਚ ਯੂ ਕੇ ਵਿਚ ਪਾਕਿਸਤਾਨ ਪੀਪਲਜ਼ ਪਾਰਟੀ ਦੀ ਸੰਸਥਾ ਪੀਪਲਜ਼ ਯੂਥ ਆਰਗੇਨਾਈਜੇਸ਼ਨ ਯੂਰਪ ਦੇ ਪ੍ਰਧਾਨ ਆਸਿਫ਼ ਅਲੀ ਖ਼ਾਨ ਅਤੇ ਗ੍ਰੇਟਰ ਲੰਡਨ ਮਹਿਲਾ ਵਿੰਗ ਦੀ ਜਨਰਲ ਸਕੱਤਰ ਸਮਾਹ ਨਾਜ਼ ਨੇ ਬਿਆਨ ਜਾਰੀ ਕਰਕੇ ਸ਼ੇਖ਼ ਰਸ਼ੀਦ ਉੱਤੇ ਹੋਏ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ।
ਪੀ ਪੀ ਪੀ ਦੇ ਆਗੂਆਂ ਨੇ ਕਿਹਾ ਕਿ ਏਦਾਂ ਇਸ ਲਈ ਕੀਤਾ ਗਿਆ ਕਿ ਸ਼ੇਖ਼ ਰਸ਼ੀਦ ਨੇ ਪਿਛਲੇ ਦਿਨੀਂ ਪੀ ਪੀ ਪੀ ਦੇ ਨੇਤਾ ਬਿਲਾਵਲ ਭੁੱਟੋ ਜ਼ਰਦਾਰੀ ਨੂੰ ਗਾਲਾਂ ਕੱਢੀਆਂ ਸਨ। ਇਨ੍ਹਾਂ ਆਗੂਆਂ ਨੇ ਇਹ ਵੀ ਕਿਹਾ ਕਿ ਸ਼ੇਖ਼ ਰਸ਼ੀਦ ਨੂੰ ਸ਼ੁਕਰ ਕਰਨਾ ਚਾਹੀਦਾ ਹੈ ਕਿ ਉਨ੍ਹਾਂ ਉੱਤੇ ਸਿਰਫ਼ ਆਂਡੇ ਸੁੱਟੇ ਗਏ। ਪਾਕਿਸਤਾਨ ਤਹਿਰੀਕ ਏ ਇਨਸਾਫ਼ ਪਾਰਟੀ ਦੇ ਲੰਡਨ ਦੇ ਪ੍ਰਧਾਨ ਵਹੀਦ ਉਰ ਰਹਿਮਾਨ ਨੇ ਇਸ ਹਮਲੇ ਨੂੰ ਸ਼ਰਮਨਾਕ ਦੱਸ ਕੇ ਇਸ ਦੀ ਨਿੰਦਾ ਕੀਤੀ ਹੈ। ਅਵਾਮੀ ਮੁਸਲਿਮ ਲੀਗ ਦੇ ਨੇਤਾ ਸਲੀਮ ਸ਼ੇਖ਼ ਨੇ ਵੀ ਹਮਲੇ ਵਿਚ ਸ਼ਾਮਲ ਲੋਕਾਂ ਵਿਰੁੱਧ ਕੇਸ ਦਰਜ ਕਰਨ ਦੀ ਗੱਲ ਕਹੀ ਹੈ।
ਸ਼ੇਖ਼ ਰਸ਼ੀਦ ਉਹੀ ਮੰਤਰੀ ਹਨ, ਜਿਨ੍ਹਾਂ ਨੇ ਕੁਝ ਮਹੀਨੇ ਪਹਿਲਾਂ ਬਿਆਨ ਦਿੱਤਾ ਸੀ ਕਿ ਜੇ ਉਨ੍ਹਾਂ ਦਾ ਵੱਸ ਚੱਲੇ ਤਾਂ ਉਹ ਸ੍ਰੀ ਨਨਕਾਣਾ ਸਾਹਿਬ ਰੇਲਵੇ ਸਟੇਸ਼ਨ ਦਾ ਨਾਂਅ ਬਦਲ ਕੇ ‘ਖ਼ਾਲਿਸਤਾਨ ਰੇਲਵੇ ਸਟੇਸ਼ਨ’ ਕਰ ਦੇਣ। ਉਨ੍ਹਾਂ ਦੇ ਇਸ ਬਿਆਨ ਦਾ ਭਾਰਤ ਵਿਚ ਕਾਫ਼ੀ ਵਿਰੋਧ ਕੀਤਾ ਗਿਆ, ਪਰ ਖ਼ਾਲਿਸਤਾਨੀ ਸਮਰਥਕਾਂ ਨੇ ਇਸ ਦੀ ਸ਼ਲਾਘਾ ਕੀਤੀ ਸੀ।
ਪਾਕਿਸਤਾਨ ਦੇ ਰੇਲ ਮੰਤਰੀ ਸ਼ੇਖ਼ ਰਸ਼ੀਦ ਆਪਣੇ ਵਿਵਾਦਤ ਬਿਆਨਾਂ ਕਾਰਨ ਸੁਰਖ਼ੀਆਂ ਵਿਚ ਰਹਿੰਦੇ ਹਨ। ਉਹ ਕਈ ਵਾਰ ਭਾਰਤ ਵਿਰੋਧੀ ਬਿਆਨ ਦੇ ਚੁੱਕੇ ਹਨ। ਜੰਮੂ ਕਸ਼ਮੀਰ ਵਿਚੋਂ ਧਾਰਾ 370 ਹਟਾਏ ਜਾਣ ਮਗਰੋਂ ਸ਼ੇਖ਼ ਰਸ਼ੀਦ ਨੇ ਭਾਰਤ ਨੂੰ ਐਟਮੀ ਹਮਲੇ ਦੀ ਧਮਕੀ ਵੀ ਦਿੱਤੀ ਸੀ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਥਾਈਲੈਂਡ ਦਾ ਰਾਜਕੁਮਾਰ ਜਰਮਨੀ ਵਿੱਚ ਇਕੱਲਾ ਜਿਊਣ ਵਾਸਤੇ ਮਜ਼ਬੂਰ
ਪਾਕਿ ਦਾ ਹਵਾਈ ਹਾਦਸਾ: ਕੀ ਪਾਇਲਟ ਦੀ ਗਲਤੀ ਨਾਲ ਡਿੱਗਾ ਸੀ ਜਹਾਜ਼?
ਅਮਰੀਕਾ ਵਿੱਚ ਪੜ੍ਹਦੇ ਭਾਰਤੀ ਵਿਦਿਆਰਥੀਆਂ ਨੂੰ ਲਾਭ ਹੋਵੇਗਾ
ਟਰੰਪ ਨੇ ਬ੍ਰਾਜ਼ੀਲ ਤੋਂ ਆਵਾਜਾਈ ਉੱਤੇ ਲਾਈ ਰੋਕ
ਇਜ਼ਰਾਈਲੀ ਪ੍ਰਧਾਨ ਮੰਤਰੀ ਨੇਤਨਯਾਹੂ ਉੱਤੇ ਭ੍ਰਿਸ਼ਟਾਚਾਰ ਦੇ ਕੇਸ ਦੀ ਸੁਣਵਾਈ ਸ਼ੁਰੂ
ਕੋਰੋਨਾ ਦਾ ਕਹਿਰ: ਅਮਰੀਕਾ ਨੇ ਰੇਮਡਿਸਵੀਅਰ ਦੀਆਂ 30 ਕਰੋੜ ਵੈਕਸੀਨ ਲੈਣ ਦਾ ਸੌਦਾ ਕੀਤਾ
ਚੀਨ ਦੇ ਸਖਤ ਕੌਮੀ ਸੁਰੱਖਿਆ ਕਾਨੂੰਨ ਵਿਰੁੱਧ ਹਾਂਗ ਕਾਂਗ ਦੇ ਲੋਕ ਸੜਕਾਂ ਉੱਤੇ ਉਤਰੇ
ਚੀਨ ਵੱਲੋਂ ਅਮਰੀਕਾ ਉੱਤੇ ਦੁਵੱਲੇ ਸਬੰਧਾਂ ਵਿੱਚ ਨਵੀਂ ਕੋਲਡ ਵਾਰ ਛੇੜਨ ਦਾ ਦੋਸ਼
ਟਰੰਪ ਦੀ ਧੀ ਇਵਾਂਕਾ ਵੱਲੋਂ ਬਿਹਾਰੀ ਮਜ਼ਦੂਰ ਦੀ ਧੀ ਦੀ ਸ਼ਲਾਘਾ
ਖੋਜ ਕਰਤਿਆਂ ਨੇ ਸਭ ਤੋਂ ਤੇਜ਼ ਇੰਟਰਨੈੱਟ ਸਪੀਡ ਹਾਸਲ ਕੀਤੀ