Welcome to Canadian Punjabi Post
Follow us on

26

May 2020
ਅੰਤਰਰਾਸ਼ਟਰੀ

ਭਾਰਤੀ ਜੇਲ੍ਹ ਵਿੱਚ ਬੰਦ ਸੁਭਾਸ਼ ਉੱਤੇ ਅਮਰੀਕਾ ਵਿੱਚ ਕਲਾਕ੍ਰਿਤਾਂ ਚੋਰੀ ਕਰਨ ਦਾ ਦੋਸ਼

August 23, 2019 10:46 AM

ਨਿਊਯਾਰਕ, 22 ਅਗਸਤ (ਪੋਸਟ ਬਿਊਰੋ)- ਅਮਰੀਕੀ ਵਕੀਲਾਂ ਨੇ ਭਾਰਤ ਦੀ ਜੇਲ੍ਹ ਵਿੱਚ ਬੰਦ ਆਰਟ ਡੀਲਰ ਸੁਭਾਸ਼ ਕਪੂਰ ਉੱਤੇ ਲੱਖਾਂ ਡਾਲਰ ਦੀਆਂ ਕਲਾਕ੍ਰਿਤੀਆਂ ਚੋਰੀ ਕਰਨ ਅਤੇ ਵੇਚਣ ਦਾ ਦੋਸ਼ ਲਾਇਆ ਹੈ।
ਨਿਊਯਾਰਕ ਸ਼ਹਿਰ ਦੇ ਮੈਟਰੋਪੋਲੀਟਨ ਮਿਊਜ਼ੀਅਮ ਆਫ ਆਰਟ ਦੇ ਅਫਸਰ ਇਸ ਗੱਲ ਦਾ ਪਤਾ ਲਾ ਰਹੇ ਹਨ ਕਿ ਕੀ ਕਪੂਰ ਨੇ ਚੋਰੀ ਕੀਤੀਆਂ ਗਈਆਂ ਕਲਾਕ੍ਰਿਤੀਆਂ ਉਨ੍ਹਾਂ ਦੇ ਮਿਊਜ਼ੀਅਮ ਨੂੰ ਵੇਚੀਆਂ ਸਨ? ਇੰਟਰਪੋਲ ਨੇ 2011 ਵਿੱਚ ਕਪੂਰ ਨੂੰ ਜਰਮਨੀ ਤੋਂ ਗ੍ਰਿਫਤਾਰ ਕਰ ਕੇ ਭਾਰਤ ਦੇ ਹਵਾਲੇ ਕਰ ਦਿੱਤਾ ਸੀ। ਮੈਨਹਟਨ ਦੇ ਡਿਸਟ੍ਰਿਕਟ ਅਟਾਰਨੀ ਸਾਈਰਸ ਵਾਂਸ ਦੇ ਦਫ਼ਤਰ ਨੇ ਪਿਛਲੇ ਮਹੀਨੇ ਕਪੂਰ ਅਤੇ ਹੋਰਨਾਂ ਖ਼ਿਲਾਫ਼ ਅਪਰਾਧਿਕ ਸ਼ਿਕਾਇਤ ਦਰਜ ਕਰਵਾਈ ਸੀ। ਇਸ ਵਿੱਚ ਕਪੂਰ ਉੱਤੇ ਕੀਮਤੀ ਕਲਾਕ੍ਰਿਤੀਆਂ ਦੀ ਚੋਰੀ ਤੇ ਧੋਖਾਦੇਹੀ ਦੇ ਦੋਸ਼ ਲਾਏ ਗਏ ਹਨ। ਅਮਰੀਕੀ ਮੀਡੀਆ ਦੀ ਇਕ ਰਿਪੋਰਟ ਮੁਤਾਬਕ ਭਾਰਤ ਸਰਕਾਰ ਤੇ ਮੈਟਰੋਪੋਲੀਟਨ ਮਿਊਜ਼ੀਅਮ ਆਫ ਆਰਟ ਦੇ ਅਧਿਕਾਰੀ ਇਸ ਗੱਲ ਦਾ ਪਤਾ ਲਾ ਰਹੇ ਹਨ ਕਿ ਮਿਊਜ਼ੀਅਮ ਨੇ ਪਿਛਲੇ ਤਿੰਨ ਦਹਾਕੇ ਵਿੱਚ ਜੋ ਪ੍ਰਾਚੀਨ ਕੀਮਤੀ ਕਲਾਕ੍ਰਿਤਾਂ ਹਾਸਲ ਕੀਤੀਆਂ ਹਨ, ਕੀ ਉਹ ਕਪੂਰ ਦੀ ਲੁੱਟ ਦਾ ਨਤੀਜਾ ਸਨ। ਮੈਟਰੋਪੋਲੀਟਨ ਮਿਊਜ਼ੀਅਮ ਆਫ ਆਰਟ ਨੇ ਕਪੂਰ ਰਾਹੀਂ ਸਾਲ 1990 ਤੋਂ ਕਰੀਬ 15 ਪ੍ਰਾਚੀਨ ਮੂਰਤੀਆਂ ਹਾਸਲ ਕੀਤੀਆਂ ਹਨ। ਇਸ ਦੌਰ ਵਿੱਚ ਕਪੂਰ ਦਾ ਸਮੱਗਲਰ ਗਿਰੋਹ ਸਰਗਰਮ ਸੀ ਅਤੇ ਅਮਰੀਕਾ ਦੇ ਕਰੀਬ ਇਕ ਦਰਜਨ ਮਿਊਜ਼ੀਅਮਾਂ ਨੂੰ ਅਕਸਰ ਦੁਰਲੱਭ ਕਲਾਕ੍ਰਿਤੀਆਂ ਵੇਚਿਆ ਕਰਦਾ ਸੀ। ਕਪੂਰ ਨੇ ਪਹਿਲੀ ਸਦੀ ਵਿੱਚ ਬਣੇ ਟੈਰਾਕੋਟਾ ਦੇ ਛੁਣਛੁਣੇ ਵੀ ਇਸ ਮਿਊਜ਼ੀਅਮ ਨੂੰ ਵੇਚੇ ਸਨ। ਉਸ ਵੱਲੋਂ ਇਸ ਮਿਊਜ਼ੀਅਮ ਵਿੱਚ 2015 ਵਿੱਚ ਆਖ਼ਰੀ ਕਲਾਕ੍ਰਿਤੀ ਦੇ ਤੌਰ ਉੱਤੇ ਇਕ ਨ੍ਰਿਤਕੀ ਦੀ ਮੂਰਤੀ ਪੁੱਜੀ ਸੀ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਥਾਈਲੈਂਡ ਦਾ ਰਾਜਕੁਮਾਰ ਜਰਮਨੀ ਵਿੱਚ ਇਕੱਲਾ ਜਿਊਣ ਵਾਸਤੇ ਮਜ਼ਬੂਰ
ਪਾਕਿ ਦਾ ਹਵਾਈ ਹਾਦਸਾ: ਕੀ ਪਾਇਲਟ ਦੀ ਗਲਤੀ ਨਾਲ ਡਿੱਗਾ ਸੀ ਜਹਾਜ਼?
ਅਮਰੀਕਾ ਵਿੱਚ ਪੜ੍ਹਦੇ ਭਾਰਤੀ ਵਿਦਿਆਰਥੀਆਂ ਨੂੰ ਲਾਭ ਹੋਵੇਗਾ
ਟਰੰਪ ਨੇ ਬ੍ਰਾਜ਼ੀਲ ਤੋਂ ਆਵਾਜਾਈ ਉੱਤੇ ਲਾਈ ਰੋਕ
ਇਜ਼ਰਾਈਲੀ ਪ੍ਰਧਾਨ ਮੰਤਰੀ ਨੇਤਨਯਾਹੂ ਉੱਤੇ ਭ੍ਰਿਸ਼ਟਾਚਾਰ ਦੇ ਕੇਸ ਦੀ ਸੁਣਵਾਈ ਸ਼ੁਰੂ
ਕੋਰੋਨਾ ਦਾ ਕਹਿਰ: ਅਮਰੀਕਾ ਨੇ ਰੇਮਡਿਸਵੀਅਰ ਦੀਆਂ 30 ਕਰੋੜ ਵੈਕਸੀਨ ਲੈਣ ਦਾ ਸੌਦਾ ਕੀਤਾ
ਚੀਨ ਦੇ ਸਖਤ ਕੌਮੀ ਸੁਰੱਖਿਆ ਕਾਨੂੰਨ ਵਿਰੁੱਧ ਹਾਂਗ ਕਾਂਗ ਦੇ ਲੋਕ ਸੜਕਾਂ ਉੱਤੇ ਉਤਰੇ
ਚੀਨ ਵੱਲੋਂ ਅਮਰੀਕਾ ਉੱਤੇ ਦੁਵੱਲੇ ਸਬੰਧਾਂ ਵਿੱਚ ਨਵੀਂ ਕੋਲਡ ਵਾਰ ਛੇੜਨ ਦਾ ਦੋਸ਼
ਟਰੰਪ ਦੀ ਧੀ ਇਵਾਂਕਾ ਵੱਲੋਂ ਬਿਹਾਰੀ ਮਜ਼ਦੂਰ ਦੀ ਧੀ ਦੀ ਸ਼ਲਾਘਾ
ਖੋਜ ਕਰਤਿਆਂ ਨੇ ਸਭ ਤੋਂ ਤੇਜ਼ ਇੰਟਰਨੈੱਟ ਸਪੀਡ ਹਾਸਲ ਕੀਤੀ