Welcome to Canadian Punjabi Post
Follow us on

24

September 2019
ਭਾਰਤ

ਤਾਰਾਂ ਵਿੱਚ ਉਲਝ ਕੇ ਹੈਲੀਕਾਪਟਰ ਕਰੈਸ਼, ਪਾਇਲਟ ਸਮੇਤ ਤਿੰਨ ਮਰੇ

August 23, 2019 10:40 AM

ਉਤਰਕਾਸ਼ੀ, 22 ਅਗਸਤ (ਪੋਸਟ ਬਿਊਰੋ)- ਉਤਰਾਖੰਡ ਦੇ ਉਤਰਕਾਸ਼ੀ ਵਿੱਚ ਰਾਹਤ ਕੰਮ ਵਿੱਚ ਇੱਕ ਹੈਲੀਕਾਪਟਰ ਕੱਲ੍ਹ ਕਰੈਸ਼ ਹੋ ਗਿਆ। ਇਸ ਵਿੱਚ ਪਾਇਲਟ, ਸਹਿਯੋਗੀ ਪਾਇਲਟ ਅਤੇ ਇੱਕ ਸਥਾਨਕ ਵਿਅਕਤੀ ਦੀ ਮੌਤ ਹੋ ਗਈ। ਕਰੈਸ਼ ਹੋਣ ਦੇ ਬਾਅਦ ਅੱਗ ਲੱਗਣ ਕਾਰਨ ਤਿੰਨਾਂ ਦੀਆਂ ਲਾਸ਼ਾਂ ਬੁਰੀ ਤਰ੍ਹਾਂ ਝੁਲਸ ਗਏ ਸਨ।
ਹਾਦਸਾ ਉਤਰਕਾਸ਼ੀ ਦੇ ਆਫਤ ਪ੍ਰਭਾਵਤ ਮੋਲਡੀ ਪਿੰਡ ਵਿੱਚ ਓਦੋਂ ਹੋਇਆ ਜਦ ਹੈਲੀਕਾਪਟਰ ਰਾਹਤ ਸਮੱਗਰੀ ਪਹੁੰਚਾ ਕੇ ਵਾਪਸ ਆ ਰਿਹਾ ਸੀ ਤਾਂ ਬਗੀਚਿਆਂ 'ਚੋਂ ਸੇਬ ਦੀਆਂ ਪੇਟੀਆਂ ਮੁੱਖ ਮਾਰਗ ਤੇਕ ਪਹੁੰਚਾਉਣ ਲਈ ਲਾਈ ਗਈ ਟਰਾਲੀ ਦੀਆਂ ਤਾਰਾਂ ਵਿੱਚ ਉਲਝ ਗਿਆ। ਇਸ ਦੇ ਬਾਅਦ ਸਮੁੱਚੇ ਆਫਤ ਪ੍ਰਭਾਵਤ ਇਲਾਕਿਆਂ ਵਿੱਚ ਹੈਲੀਕਾਪਟਰ ਰੈਸਕਿਊ 'ਤੇ ਰੋਕ ਲਾ ਦਿੱਤੀ ਹੈ। ਹਾਦਸੇ ਵਿੱਚ ਮਾਰੇ ਗਏ ਪਾਇਲਟ ਨੇ ਛੇ ਸਾਲ ਪਹਿਲਾਂ ਕੇਦਾਰਨਾਥ ਆਫਤ ਦੇ ਦੌਰਾਨ ਵੀ ਰੈਸਕਿਊ ਵਿੱਚ ਸਰਗਰਮ ਭੂਮਿਕਾ ਨਿਭਾਈ ਸੀ। ਇਸ ਹੈਲੀਕਾਪਟਰ ਵਿੱਚ ਪਾਇਲਟ ਸਮੇਤ ਤਿੰਨ ਜਣੇ ਸਵਾਰ ਸਨ, ਤਿੰਨਾਂ ਦੀ ਮੌਕੇ 'ਤੇ ਮੌਤ ਹੋ ਗਈ। ਇਨ੍ਹਾਂ ਵਿੱਚ ਪਾਇਲਟ ਰਿਟਾਇਰਡ ਲੈਫਟੀਨੈਂਟ ਕਰਨਲ ਰਾਜੀਵ ਲਾਲ (54) ਨਵੀਂ ਦਿੱਲੀ, ਸਹਿਯੋਗੀ ਪਾਇਲਟ ਸ਼ੈਲੇਸ਼ ਕੁਮਾਰ ਸਿੰਘ (34) ਵਾਸੀ ਕੋਲਕਾਤਾ ਤੇ ਇੱਕ ਸਥਾਨਕ ਵਿਅਕਤੀ ਰਾਜਪਾਲ ਰਾਣਾ (30) ਵਾਸੀ ਉਤਰਕਾਸ਼ੀ ਸ਼ਾਮਲ ਹੈ। ਕਰੀਬ 2300 ਮੀਟਰ ਦੀ ਉਚਾਈ 'ਤੇ ਮੋਲਡੀ ਪਿੰਡ ਵਿੱਚ ਕੁਦਰਤੀ ਆਫਤ ਨਾਲ ਕਾਫੀ ਨੁਕਸਾਨ ਹੋਇਆ ਹੈ। ਕੱਲ੍ਹ ਪਹਿਲੀ ਵਾਰ ਇਸ ਪਿੰਡ ਵਿੱਚ ਹੈਲੀਕਾਪਟਰ ਰਾਹੀਂ ਰਾਹਤ ਸਮੱਗਰੀ ਪਹੁੰਚਾਈ ਗਈ ਸੀ। ਸੂਬੇ ਦੇ ਮੁੱਖ ਮੰਤਰੀ ਤਿ੍ਰਵੇਂਦਰ ਸਿੰਘ ਰਾਵਤ ਨੇ ਮਰਨ ਵਾਲਿਆਂ ਦੇ ਪਰਵਾਰਾਂ ਨੂੰ 15-15 ਲੱਖ ਰੁਪਏ ਆਰਥਿਕ ਸਹਾਇਤਾ ਦੇਣ ਦਾ ਐਲਾਨ ਕੀਤਾ ਹੈ।

Have something to say? Post your comment
ਹੋਰ ਭਾਰਤ ਖ਼ਬਰਾਂ