ਵੈੱਬ ਸੀਰੀਜ਼ ਦੀ ਦੁਨੀਆ ਵਿੱਚ ‘ਸੇਕ੍ਰੇਡ ਗੇਮਜ਼’ ਕਾਫੀ ਲੋਕਪ੍ਰਿਯ ਹੈ। ਵੱਡਾ ਕਾਰਨ ਇਸ ਵਿੱਚ ਸੈਫ ਦਾ ਹੋਣਾ ਨਹੀਂ, ਬਲਕਿ ਇਸ ਦਾ ਕੰਟੈਂਟ ਹੈ। ਇਸ ਦਾ ਦੂਸਰਾ ਭਾਗ ਰਿਲੀਜ਼ ਹੋਣ ਲਈ ਤਿਆਰ ਹੈ। ਇਸ ਵਿੱਚ ਪੰਕਜ ਤਿ੍ਰਪਾਠੀ ਵੀ ਹਨ। ਅਭਿਨੇਤਰੀ ਏਲਨਾਜ਼ ਨੌਰੋਜੀ ਵੀ ‘ਸ੍ਰੇਕ੍ਰੇਡ ਗੇਮਜ਼ 2’ ਵਿੱਚ ਮਹੱਤਵ ਪੂਰਨ ਭੂਮਿਕਾ ਵਿੱਚ ਨਜ਼ਰ ਆਏਗੀ।
ਏਲਨਾਜ਼ ਇਸ ਸੀਰੀਜ਼ ਵਿੱਚ ਦੋਹਰੀ ਭੂਮਿਕਾ ਵਿੱਚ ਨਜ਼ਰ ਆਏਗੀ। ਆਪਣੇ ਰੋਲ ਬਾਰੇ ਉਸ ਦਾ ਕਹਿਣਾ ਹੈ, ‘‘ਦੋ ਵੱਖ-ਵੱਖ ਕਿਰਦਾਰ ਨਿਭਾਉਣਾ ਚੁਣੌਤੀ ਪੂਰਨ ਹੁੰਦਾ ਹੈ। ਮੈਂ ਇਸ ਵਿੱਚ ਜਮੀਲਾ ਦਾ ਕਿਰਦਾਰ ਨਿਭਾ ਰਹੀ ਹਾਂ, ਜੋ ਕਮਜ਼ੋਰ ਤੇ ਭੋਲੀ ਹੈ ਤੇ ਉਸ ਦੇ ਬਾਅਦ ਜ਼ੋਇਆ ਬਣ ਜਾਂਦੀ ਹਾਂ, ਜੋ ਸ਼ਕਤੀਸ਼ਾਲੀ ਹੈ। ਮੇਰੇ ਦੋਵਾਂ ਡਾਇਰੈਕਟਰਾਂ ਨੇ ਇਸ ਕਿਰਦਾਰ ਨੂੰ ਨਿਭਾਉਣ ਵਿੱਚ ਮੇਰੀ ਮਦਦ ਕੀਤੀ ਹੈ। ਨਾਲ ਮੈਂ ਇਸ ਦੇ ਤੀਸਰੇ ਸੀਜ਼ਨ ਵਿੱਚ ਵੀ ਨਜ਼ਰ ਆਵਾਂਗੀ।”