ਸੈਫ ਅਲੀ ਖਾਨ ਇਨ੍ਹੀਂ ਦਿਨੀਂ ਆਉਣ ਵਾਲੀ ਫਿਲਮ ‘ਬਾਜ਼ਾਰ’ ਦੇ ਪ੍ਰਮੋਸ਼ਨ ਵਿੱਚ ਬਿਜ਼ੀ ਹਨ। ਇਸ ਦੇ ਇਲਾਵਾ ਫਿਲਮ ‘ਹੰਟਰ' ਦੀ ਸ਼ੂਟਿੰਗ ਕਰ ਰਹੇ ਹਨ। ਉਹ ਜਲਦ ਹੀ ਫਿਲਮ ਦੇ ਬਚੇ ਹੋਏ ਹਿੱਸੇ ਦੀ ਸ਼ੂਟਿੰਗ ਕਰਨ ਦੇ ਲਈ ਰਾਜਸਥਾਨ ਜਾਣਗੇ। ਸੈਫ ਇਸ ਫਿਲਮ ਉਤੇ ਬੀਤੇ ਤਿੰਨ ਸਾਲ ਤੋਂ ਕੰਮ ਕਰ ਰਹੇ ਹਨ। ਡਾਇਰੈਕਟਰ ਨਵਦੀਪ ਸਿੰਘ ਨੇ ਉਨ੍ਹਾਂ ਨੂੰ ਇਸ ਦੇ ਲਈ ਤਦ ਸਾਈਨ ਕਰ ਲਿਆ ਸੀ, ਜਦ ਉਹ ‘ਰੰਗੂਨ’ ਦੀ ਸ਼ੂਟਿੰਗ ਵਿੱਚ ਬਿਜ਼ੀ ਸਨ। ਇਸੇ ਦੌਰਾਨ ਸੈਫ ਨੇ ‘ਬਾਜ਼ਾਰ’ ਅਤੇ ‘ਸੇਕ੍ਰੇਡ ਗੇਮਜ਼’ ਦੀ ਸ਼ੂਟਿੰਗ ਪੂਰੀ ਕੀਤੀ। ਫਿਲਹਾਲ ‘ਹੰਟਰ’ ਅਗਲੇ ਸਾਲ ਰਿਲੀਜ਼ ਹੋਵੇਗੀ। ਇਸ ਦੀ ਕਹਾਣੀ 18ਵੀਂ ਸ਼ਤਾਬਦੀ ਦੇ ਆਲੇ ਦੁਆਲੇ ਲਿਖੀ ਗਈ ਹੈ।