ਫਿਲਮਮੇਕਰ ਅਨੁਰਾਗ ਕਸ਼ਯਪ ਨੇ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੀ ਫੈਮਿਲੀ ਅਤੇ ਬੇਟੀ ਨੂੰ ਲਗਾਤਾਰ ਮਿਲੀਆਂ ਧਮਕੀਆਂ ਦੇ ਬਾਅਦ ਆਪਣਾ ਟਵਿੱਟਰ ਅਕਾਊਂਟ ਡਿਲੀਟ ਕਰ ਦਿੱਤਾ। ਪਿਛਲੇ ਦਿਨੀਂ ਉਨ੍ਹਾਂ ਨੇ ਕਸਮੀਰ ਤੋਂ ਧਾਰਾ 370 ਹਟਾਏ ਜਾਣ ਦਾ ਟਵਿੱਟਰ 'ਤੇ ਇਸ ਦਾ ਵਿਰੋਧ ਕੀਤਾ ਸੀ। ਇਸ ਦੇ ਬਾਅਦ ਤੋਂ ਹੀ ਉਨ੍ਹਾਂ ਨੂੰ ਲਗਾਤਾਰ ਟਰੋਲ ਕੀਤਾ ਜਾ ਰਿਹਾ ਸੀ ਅਤੇ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਸਨ।
ਅਨੁਰਾਗ ਦਾ ਆਖਰੀ ਟਵੀਟ, ‘‘ਜਦ ਤੁਹਾਡੇ ਮਾਤਾ ਪਿਤਾ ਨੂੰ ਕਾਲ ਆਉਣ ਲੱਗਦੇ ਹਨ ਅਤੇ ਤੁਹਾਡੀ ਬੇਟੀ ਨੂੰ ਆਨਲਾਈਨ ਧਮਕੀ ਮਿਲਦੀ ਹੈ ਤਾਂ ਤੁਸੀਂ ਜਾਣਦੇ ਹੋ ਕਿ ਕੋਈ ਵੀ ਗੱਲ ਨਹੀਂ ਕਰਨਾ ਚਾਹੁੰਦਾ। ਇਸ ਵਿੱਚ ਕੋਈ ਤਰਕ ਨਹੀਂ ਹੋ ਸਕਦਾ। ਠੱਗ ਸ਼ਾਸਨ ਕਰਨਗੇ ਤੇ ਠੱਗੀ ਜੀਵਨ ਦਾ ਨਵਾਂ ਤਰੀਕਾ ਹੋਵੇਗਾ। ਨਵੇਂ ਭਾਰਤ ਲਈ ਤੁਹਾਨੂੰ ਸਭ ਨੂੰ ਵਧਾਈ ਤੇ ਆਸ ਹੈ ਕਿ ਇਥੇ ਖੁਸ਼ ਰਹੋਗੇ। ਟਵਿੱਟਰ ਛੱਡਣ ਤੋਂ ਪਹਿਲਾਂ ਇਹ ਮੇਰਾ ਆਖਰੀ ਟਵੀਟ ਹੈ। ਅਲਵਿਦਾ।”