Welcome to Canadian Punjabi Post
Follow us on

02

June 2020
ਮਨੋਰੰਜਨ

‘ਮਣੀਕਰਣਿਕਾ’ ਦੇ ਬਾਅਦ ਕੰਗਨਾ ਨਾਲ ਕਦੇ ਮੁਲਾਕਾਤ ਮੁਲਾਕਾਤ ਨਹੀਂ ਹੋਈ : ਸੋਨੂੰ ਸੂਦ

August 14, 2019 10:10 AM

ਸੋਨੂੰ ਸੂਦ ਬਾਲੀਵੁੱਡ ਤੇ ਸਾਊਥ ਦੀਆਂ ਫਿਲਮਾਂ ਵਿੱਚ ਪੂਰੀ ਤਰ੍ਹਾਂ ਸਰਗਰਮ ਹਨ। ਸਾਲ 2019 ਅੱਧਾ ਬੀਤ ਜਾਣ ਦੇ ਬਾਅਦ ਵੀ ਹੁਣ ਤੱਕ ਉਨ੍ਹਾਂ ਦੀ ਕੋਈ ਫਿਲਮ ਰਿਲੀਜ਼ ਨਹੀਂ ਹੋਈ। ਹਾਂ, ਉਨ੍ਹਾਂ ਦੀ ਕੰਨੜ ਫਿਲਮ ‘ਕੁਰੂਕਸ਼ੇਤਰ’ ਜ਼ਰੂਰ ਹਿੰਦੀ ਵਿੱਚ ਰਿਲੀਜ਼ ਹੋਣ ਵਾਲੀ ਹੈ। ਹਾਲੀਆ ਮੁਲਾਕਾਤ ਵਿੱਚ ਉਨ੍ਹਾਂ ਨੇ ਸਟਾਰਜ਼ ਅਤੇ ਮੀਡੀਆ ਦੇ ਰਿਸ਼ਤੇ ਬਾਰੇ ਗੱਲ ਕੀਤੀ। ਪੇਸ਼ ਹਨ ਉਸੇ ਗੱਲਬਾਤ ਦੇ ਕੁਝ ਅੰਸ਼ :
* ਇਸ ਸਾਲ ਅਜੇ ਤੱਕ ਤੁਹਾਡੀ ਕੋਈ ਫਿਲਮ ਨਹੀਂ ਆਈ?
- ਦੇਖੋ, ਹੁੰਦਾ ਇਹ ਹੈ ਕਿ ਕਿਸੇ ਭਾਸ਼ਾ ਵਿੱਚ ਬਿਜੀ ਹੋ ਜਾਂਦੇ ਹਨ, ਤਦ ਤਿੰਨ ਚਾਰ ਚੀਜ਼ਾਂ ਹੱਥ ਵਿੱਚ ਲੈ ਲੈਂਦੇ ਹਨ, ਫਿਰ ਉਸੇ ਵਿੱਚ ਕੰਮ ਚੱਲਣ ਲੱਗਦਾ ਹੈ। ਮੈਂ ਇਸ ਸਾਲ ਸਾਊਥ ਦੀਆਂ ਫਿਲਮਾਂ ਵਿੱਚ ਬਿਜੀ ਹੋ ਗਿਆ, ਪਰ ਹਿੰਦੀ ਫਿਲਮ ਵੀ ਜਲਦੀ ਆਏਗੀ। ਅਜੇ ਕੰਨੜ ਫਿਲਮ ‘ਕੁਰੂਕਸ਼ੇਤਰ’ ਵਿੱਚ ਅਰਜੁਨ ਦੀ ਭੂਮਿਕਾ ਨਿਭਾ ਰਿਹਾ ਹਾਂ।
* ਤੁਸੀਂ ਪੀ ਵੀ ਸਿੰਧੂ ਉਤੇ ਫਿਲਮ ਬਣਾਉਣ ਵਾਲੇ ਸੀ, ਉਸ ਦੀ ਕੀ ਸਥਿਤੀ ਹੈ?
- ਫਿਲਮ ਦੀ ਸਕ੍ਰਿਪਟ ਦਾ ਕੰਮ ਪੂਰਾ ਹੋ ਗਿਆ ਹੈ। ਅਜੇ ਕਾਸਟਿੰਗ ਅਤੇ ਪ੍ਰੀ-ਪ੍ਰੋਡਕਸ਼ਨ ਦਾ ਕੰਮ ਸ਼ੁਰੂ ਹੋਣ ਵਾਲਾ ਹੈ। ਕੁਝ ਨਾਵਾਂ ਉਤੇ ਵਿਚਾਰ ਚੱਲ ਰਿਹਾ ਹੈ। ਜਿਵੇਂ ਹੀ ਅੱਗੇ ਪ੍ਰੋਗਰੈਸ ਹੁੰਦੀ ਹੈ, ਜ਼ਰੂਰ ਇਨਫਾਰਮ ਕਰਾਂਗਾ।
* ਤੁਹਾਡੇ ਅਨੁਸਾਰ ਮੀਡੀਆ ਅਤੇ ਸਟਾਰਜ਼ ਦਾ ਰਿਸ਼ਤਾ ਕਿਹੋ ਜਿਹਾ ਹੋਣਾ ਚਾਹੀਦੈ?
- ਦੋਵੇਂ ਇੱਕ ਫੈਮਿਲੀ ਦੇ ਹਿੱਸੇ ਹਨ। ਨਾਲ ਨਾਲ ਚੱਲਣਾ ਬਹੁਤ ਜ਼ਰੂਰੀ ਹੈ। ਇੱਕ ਦੂਸਰੇ ਨੂੰ ਪਰਵਾਰ ਮੰਨਦੇ ਰਹਿਣਗੇ, ਤਾਂ ਘਰ ਘਰ ਤੱਕ ਪਹੁੰਚ ਜਾਣਗੇ। ਮੀਡੀਆ ਦੇ ਬਿਨਾਂ ਸਟਾਰਜ਼ ਦੀ ਵੈਲਿਊ ਨਹੀਂ ਹੈ।
* ਸਟਾਰਜ਼ ਨਾਲ ਸਟਾਰਜ਼ ਦੇ ਆਪਸੀ ਵਿਵਾਦ ਨੂੰ ਕਿਵੇਂ ਦੇਖਦੇ ਹੋ? ਕੰਗਨਾ ਨਾਲ ਰਿਲੇਸ਼ਨ ਕਿਹੋ ਜਿਹਾ ਹੈ?
- ਦੇਖੋ, ਜਿਸ ਚੀਜ਼ ਵਿੱਚ ਇਮਾਨਦਾਰੀ ਨਾਲ ਕੰਮ ਕਰਨਾ ਹੈ, ਉਨ੍ਹਾਂ ਵਿੱਚ ਉਤਰਾਅ-ਚੜ੍ਹਾਅ ਵੀ ਆਉਣਗੇ। ਅੱਗੇ ਵਧਦੇ ਰਹਿਣਾ ਜ਼ਰੂਰੀ ਹੈ। ਮੈਂ ਇਹੀ ਕਹਾਂਗਾ ਕਿ ‘ਮਣੀਕਰਣਿਕਾ’ ਵਿੱਚ ਕਮਾਲ ਦਾ ਐਕਸੀਪੀਰਅੰਸ ਹੈ। ਆਪਣੇ ਡਾਇਰੈਕਟਰ ਦੇ ਨਾਲ ਮੈਂ ਹਮੇਸ਼ਾ ਜੁੜਿਆ ਰਿਹਾ। ਬਾਕੀ ਰਹੀ ਕੰਗਨਾ ਨਾਲ ਰਿਲੇਸ਼ਨ ਦੀ ਗੱਲ, ‘ਮਣੀਕਰਣਿਕਾ’ ਮਾਮਲੇ ਦੇ ਬਾਅਦ ਮੇਰੀ ਉਸ ਨਾਲ ਕਦੇ ਮੁਲਾਕਾਤ ਨਹੀਂ ਹੋਈ। ਮੇਰਾ ਕਦੇ ਉਨ੍ਹਾਂ ਦੇ ਨਾਲ ਕੋਈ ਝਗੜਾ ਵੀ ਨਹੀਂ ਹੋਇਆ। ਕਦੇ ਮੁਲਾਕਾਤ ਨਹੀਂ ਹੋਈ। ਉਹ ਆਪਣੀ ਦੁਨੀਆ ਵਿੱਚ ਬਿਜੀ ਹੈ ਅਤੇ ਮੈਂ ਆਪਣੇ ਕੰਮ ਵਿੱਚ ਬਿਜ਼ੀ ਹਾਂ।
* ਅੱਗੇ ਤੁਹਾਡਾ ਕੀ ਸ਼ਡਿਊਲ ਹੈ?
- ਫਿਲਹਾਲ ਪੀ ਵੀ ਸਿੰਧੂ ਦੇ ਪ੍ਰੀ-ਪ੍ਰੋਡਕਸ਼ਨ 'ਤੇ ਕੰਮ ਚੱਲ ਰਿਹਾ ਹੈ। ਇੱਕ ਹੋਰ ਕਹਾਣੀ ਮੈਨੂੰ ਪਸੰਦ ਆਈ ਹੈ, ਉਸ ਦੇ ਪ੍ਰੋਡਕਸ਼ਨ ਦਾ ਕੰਮ ਚਾਲੂ ਹੈ। ਸਾਊਥ ਵਿੱਚ ਇੱਕ ਤੇਲਗੂ ਫਿਲਮ ਖਤਮ ਕੀਤੀ ਹੈ, ਉਹ ਜਲਦ ਰਿਲੀਜ਼ ਹੋਵੇਗੀ।
* ਕੋਈ ਵੈੱਬ ਸੀਰੀਜ਼ ਵੀ ਕਰ ਰਹੇ ਹੋ?
- ਅਜੇ ਤਾਂ ਨਹੀਂ ਕਰ ਰਿਹਾ, ਪਰ ਸਕ੍ਰਿਪਟ ਜ਼ਰੂਰ ਸੁਣ ਰਿਹਾ ਹਾਂ।

Have something to say? Post your comment