Welcome to Canadian Punjabi Post
Follow us on

02

June 2020
ਭਾਰਤ

ਹਥਿਆਰ ਸਮੇਤ ਅਤੇ ਜੁੱਤੀ ਪਾ ਕੇ ਜਗਨਨਾਥ ਮੰਦਰ ਵਿੱਚ ਪੁਲਸ ਨਹੀਂ ਜਾ ਸਕੇਗੀ

October 12, 2018 07:59 AM

ਨਵੀਂ ਦਿੱਲੀ, 11 ਅਕਤੂਬਰ (ਪੋਸਟ ਬਿਊਰੋ)- ਪੁਰੀ ਦੇ ਜਗਨਨਾਥ ਮੰਦਰ ਵਿੱਚ ਤਿੰਨ ਅਕਤੂਬਰ ਨੂੰ ਹੋਈ ਹਿੰਸਾ ਦੀ ਘਟਨਾ ਅਦਾਲਤ ਦੇ ਨੋਟਿਸ ਵਿੱਚ ਲਿਆਏ ਜਾਣ ਮਗਰੋਂ ਸੁਪਰੀਮ ਕੋਰਟ ਨੇ ਕੱਲ੍ਹ ਕਿਹਾ ਕਿ ਹਥਿਆਰ ਲੈ ਕੇ ਅਤੇ ਜੁੱਤੀ ਪਹਿਨ ਕੇ ਪੁਲਸ ਜਗਨਨਾਥ ਮੰਦਰ ਵਿੱਚ ਦਾਖਲ ਨਹੀਂ ਹੋ ਸਕਦੀ।
ਜਸਟਿਸ ਮਦਨ ਬੀ ਲੋਕੁਰ ਅਤੇ ਜਸਟਿਸ ਦੀਪਕ ਗੁਪਤਾ ਦੀ ਬੈਂਚ ਨੇ ਮੰਦਰ ਵਿੱਚ ਸ਼ਰਧਾਲੂਆਂ ਦੇ ਦਾਖਲੇ ਲਈ ਕਤਾਰ ਲਾਉਣ ਦੀ ਵਿਵਸਥਾ ਲਾਗੂ ਕਰਨ ਦੇ ਖਿਲਾਫ ਹੋਏ ਵਿਰੋਧ ਦੇ ਦੌਰਾਨ ਹਿੰਸਾ ਦੀ ਘਟਨਾ ਦਾ ਨੋਟਿਸ ਲਿਆ। ਇਸ ਮਾਮਲੇ ਵਿੱਚ ਇਕ ਸੰਗਠਨ ਵੱਲੋਂ ਦਖਲ ਅੰਦਾਜ਼ੀ ਲਈ ਅਰਜ਼ੀ ਦਾਇਰ ਕਰਨ ਵਾਲੇ ਵਕੀਲ ਨੇ ਦੋਸ਼ ਲਾਇਆ ਕਿ ਹਿੰਸਾ ਦੇ ਦੌਰਾਨ ਹਥਿਆਰਾਂ ਨਾਲ ਅਤੇ ਜੁੱਤੀ ਪਹਿਨ ਕੇ ਪੁਲਸ ਵਾਲੇ ਮੰਦਰ ਵਿੱਚ ਚਲੇ ਗਏ ਸਨ। ਵਕੀਲ ਨੇ ਕਿਹਾ, ‘ਪਿਛਲੀ ਵਾਰ ਹਰਮੰਦਰ ਸਾਹਿਬ ਵਿੱਚ ਫੌਜ ਦਾਖਲ ਹੋਈ ਸੀ। ਅਸੀਂ ਇਹ ਜਾਣਦੇ ਹਾਂ।' ਇਸ ਉੱਤੇ ਬੈਂਚ ਨੇ ਕਿਹਾ, ‘ਹਰਮੰਦਰ ਸਾਹਿਬ ਨਾਲ ਇਸ ਮੰਦਰ ਦੀ ਤੁਲਨਾ ਨਾ ਕਰੋ।’ ਬੈਂਚ ਨੇ ਓਡਿਸ਼ਾ ਸਰਕਾਰ ਦੇ ਵਕੀਲ ਨੂੰ ਕਿਹਾ, ‘ਸਾਨੂੰ ਦੱਸੋ, ਕੀ ਇਹ ਸਹੀ ਹੈ ਕਿ ਹਥਿਆਰਾਂ ਨਾਲ ਜੁੱਤੀ ਪਹਿਨ ਕੇ ਪੁਲਸ ਉਥੇ ਗਈ ਸੀ?’ ਰਾਜ ਸਰਕਾਰ ਨੇ ਇਨ੍ਹਾਂ ਦੋਸ਼ਾਂ ਨੂੰ ਇਕਦਮ ਗਲਤ ਦੱਸਿਆ ਤੇ ਕਿਹਾ ਕਿ ਮੰਦਰ ਵਿੱਚ ਕੋਈ ਵੀ ਪੁਲਸ ਵਾਲਾ ਨਹੀਂ ਗਿਆ ਸੀ ਕਿਉਂਕਿ ਹਿੰਸਾ ਦੀ ਘਟਨਾ ਮੰਦਰ ਪ੍ਰਸ਼ਾਸਨ ਦੇ ਦਫਤਰ ਵਿੱਚ ਹੋਈ ਸੀ, ਜੋ ਮੁੱਖ ਮੰਦਰ ਤੋਂ ਕਰੀਬ 500 ਮੀਟਰ ਦੀ ਦੂਰੀ 'ਤੇ ਸਥਿਤ ਹੈ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਦਿੱਲੀ ਵਿੱਚ ਇੱਕੋ ਦਿਨ 1295 ਨਵੇਂ ਕੋਰੋਨਾ ਕੇਸਾਂ ਨਾਲ ਪਿਛਲਾ ਰਿਕਾਰਡ ਟੁੱਟਾ
ਮਾਹਿਰਾਂ ਦੀ ਰਿਪੋਰਟ: ਭਾਰਤ ਵਿੱਚ ਵੇਲੇ ਸਿਰ ਪ੍ਰਵਾਸੀ ਮਜ਼ਦੂਰ ਵਾਪਸ ਜਾਣ ਦਿੱਤੇ ਜਾਂਦੇ ਤਾਂ ਨੁਕਸਾਨ ਘੱਟ ਹੁੰਦਾ
ਦਿੱਲੀ ਵਿੱਚ ਪਾਕਿਸਤਾਨੀ ਹਾਈ ਕਮਿਸ਼ਨ ਦੇ ਦੋ ਵੀਜ਼ਾ ਸਹਾਇਕ ਜਾਸੂਸੀ ਕਰਦੇ ਫੜੇ ਗਏ
ਪਾਇਲਟ ਨੂੰ ਕੋਰੋਨਾ ਵਾਇਰਸ ਦੀ ਪੁਸ਼ਟੀ ਮਗਰੋਂ ਏਅਰ ਇੰਡੀਆ ਦਾ ਜਹਾਜ਼ ਵਾਪਸ ਮੁੜਿਆ
ਆਗਰਾ ਵਿੱਚ ਤੂਫਾਨ ਨਾਲ ਤਾਜ ਮਹਿਲ ਨੂੰ ਭਾਰੀ ਨੁਕਸਾਨ
ਭਾਰਤ ਵਿੱਚ ਕੋਰੋਨਾ ਦੇ ਕਾਰਨ ਮੌਤਾਂ ਦੀ ਗਿਣਤੀ ਪੰਜ ਹਜ਼ਾਰ ਨੇੜੇ ਪੁੱਜੀ
ਭਾਰਤ ਵਿੱਚ ਲਾਕਡਾਊਨ 30 ਜੂਨ ਤੱਕ ਵਧਿਆ, ਗ੍ਰਹਿ ਮੰਤਰਾਲੇ ਵੱਲੋਂ ਗਾਈਡ ਲਾਈਨਾਂ ਜਾਰੀ
ਕੋਰੋਨਾ ਨਾਲ ਇੱਕੋ ਦਿਨ ਭਾਰਤ ਵਿੱਚ 194 ਮੌਤਾਂ
ਸੁਪਰੀਮ ਕੋਰਟ ਦਾ ਹੁਕਮ: ਘਰੀਂ ਮੁੜਦੇ ਮਜ਼ਦੂਰਾਂ ਦਾ ਕਿਰਾਇਆ-ਖਾਣਾ ਰਾਜ ਸਰਕਾਰਾਂ ਦੇਣ
ਸੁਪਰੀਮ ਕੋਰਟ ਨੇ ਪੁੱਛਿਆ: ਮੁਫਤ ਜ਼ਮੀਨ ਲੈ ਚੁੱਕੇ ਹਸਪਤਾਲ ਮੁਫਤ ਇਲਾਜ ਕਿਉਂ ਨਹੀਂ ਕਰ ਸਕਦੇ