ਜੈਕਲੀਨ ਫਰਨਾਂਡੀਜ਼ ਵੈੱਬ ਸ਼ੋਅ ‘ਮਿਸੇਜ ਸੀਰੀਅਲ ਕਿਲਰ' ਦੇ ਜ਼ਰੀਏ ਵੈੱਬ ਡੈਬਿਊ ਕਰਨ ਵਾਲੀ ਹੈ। ਇਸ ਨੂੰ ਫਰਾਹ ਖਾਨ ਦੇ ਪਤੀ ਸ਼ਿਰੀਸ਼ ਕੁੰਦਰ ਡਾਇਰੈਕਟ ਕਰ ਰਹੇ ਹਨ। ਸ਼ੋਅ ਦੀ ਸ਼ੂਟਿੰਗ ਬੀਤੇ ਕਾਫੀ ਸਮੇਂ ਤੋਂ ਮੁੰਬਈ ਵਿੱਚ ਚੱਲ ਰਹੀ ਸੀ, ਜੋ ਪੂਰੀ ਹੋ ਚੁੱਕੀ ਹੈ। ਸ਼ਿਰੀਸ਼ ਇਸ ਦੇ ਪੋਸਟ ਪ੍ਰੋਡਕਸ਼ਨ ਵਿੱਚ ਜੁੱਟ ਜਾਣਗੇ। ਸੂਤਰਾਂ ਅਨੁਸਾਰ ਜੈਕਲੀਨ ਅਤੇ ਫਿਲਮ ਦੀ ਕਰੂਅ ਨੇ ਮਿਲ ਕੇ ਇਸ ਵੈਬ ਫਿਲਮ ਦੇ ਕੁਝ ਮਹੱਤਵ ਪੂਰਨ ਸੀਕਵੈਂਸ ਦੀ ਸ਼ੂਟਿੰਗ ਮੁੰਬਈ ਅਤੇ ਇਸ ਦੇ ਆਸਪਾਸ ਦੇ ਇਲਾਕਿਆਂ ਵਿੱਚ ਹੀ ਪੂਰੀ ਕੀਤੀ ਹੈ। ਇਸ ਦੀ ਜ਼ਿਆਦਾਤਰ ਸ਼ੂਟਿੰਗ ਰਾਤ ਨੂੰ ਹੀ ਹੁੰਦੀ ਸੀ। ਜੈਕਲੀਨ ਨੇ ਇਸ ਸਸਪੈਂਸ ਥ੍ਰਿਲਰ ਫਿਲਮ ਲਈ ਕੁਝ ਵਰਕਸ਼ਾਪ ਵੀ ਅਟੈਂਡ ਕੀਤੀ ਸੀ। ਉਸ ਦੇ ਇਲਾਵਾ ਮਨੋਜ ਵਾਜਪਾਈ ਅਤੇ ਮੋਹਿਤ ਰੈਨਾ ਵੀ ਇਸ ਵਿੱਚ ਨਜ਼ਰ ਆਉਣਗੇ।