ਬ੍ਰਿਟੇਨ, 15 ਜੁਲਾਈ (ਪੋਸਟ ਬਿਊਰੋ)- ਅਮਰੀਕਾ ਵਿੱਚ ਬ੍ਰਿਟੇਨ ਦੇ ਰਾਜਦੂਤ ਕਿਮ ਡੈਰੇਕ ਦਾ ਮੰਨਣਾ ਹੈ ਕਿ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਈਰਾਨ ਨਾਲ ਐਟਮੀ ਸਮਝੌਤੇ ਤੋਂ ਆਪਣੇ ਦੇਸ਼ ਨੂੰ ਸਿਰਫ ਇਸ ਲਈ ਅਲੱਗ ਕੀਤਾ ਕਿ ਸਮਝੌਤਾ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਕੀਤਾ ਸੀ।
ਮਈ 2018 ਦੇ ਈਮੇਲ ਬੀਤੇ ਸ਼ਨੀਵਾਰ ਨੂੰ ਲੀਕ ਹੋਣ ਤੋਂ ਪਤਾ ਲੱਗਾ ਹੈ ਕਿ ਅਨੁਸਾਰ ਡੈਰੇਕ ਨੂੰ ਲੱਗਦਾ ਹੈ ਕਿ ਪ੍ਰਸ਼ਾਸਨ ਕੂਟਨੀਤਕ ਜੋੜ-ਤੋੜ ਵਿੱਚ ਲੱਗਾ ਹੋਇਆ ਹੈ, ਖਾਸ ਤੌਰ 'ਤੇ ਵਿਚਾਰਕ ਅਤੇ ਨਿੱਜੀ ਕਾਰਨਾਂ ਤੋਂ, ਉਹ ਓਬਾਮਾ ਨਾਲ ਸਮਝੌਤਾ ਸੀ। ਮੇਨ ਆਨ ਸੰਡੇ ਅਖਬਾਰ ਵਿੱਚ ਲੀਕ ਈ-ਮੇਲਜ਼ ਦਾ ਦੂਸਰਾ ਬੈਚ ਛਾਪਿਆ ਗਿਆ ਹੈ। ਪਹਿਲੇ ਬੈਚ ਦੇ ਛਪਣ ਪਿੱਛੋਂ ਡੈਰੇਕ ਨੂੰ ਅਹੁਦੇ ਤੋਂ ਅਸਤੀਫਾ ਦੇਣਾ ਪਿਆ ਸੀ। ਬ੍ਰਿਟੇਨ ਦੇ ਓਦੋਂ ਦੇ ਵਿਦੇਸ਼ ਮੰਤਰੀ ਬੋਰਿਸ ਜਾਨਸਨ ਮਈ 2018 ਵਿੱਚ ਵਾਸ਼ਿੰਗਟਨ ਗਏ ਸਨ ਤਾਂ ਕਿ ਟਰੰਪ ਨੂੰ ਐਟਮੀ ਸਮਝੌਤੇ ਤੋਂ ਵੱਖ ਨਾ ਹੋਣ ਲਈ ਰਾਜ਼ੀ ਕਰ ਸਕਣ। ਉਸ ਦੇ ਬਾਅਦ ਭੇਜੇ ਗਏ ਈ-ਮੇਲ ਵਿੱਚ ਡੈਰੇਕ ਨੇ ਸੰਕੇਤ ਦਿੱਤਾ ਸੀ ਕਿ ਇਸ ਫੈਸਲੇ ਵਿੱਚ ਮਤਭੇਦ ਸੀ। ਨਾਲ ਉਨ੍ਹਾਂ ਨੇ ਲੰਮੇ ਸਮੇਂ ਦੀ ਰਣਨੀਤੀ ਦੀ ਕਮੀ ਦੇ ਲਈ ਵ੍ਹਾਈਟ ਹਾਊਸ ਦੀ ਆਲੋਚਨਾ ਵੀ ਕੀਤੀ ਹੈ। ਡੈਰੇਕ ਨੇ ਲਿਖਿਆ ਹੈ ਕਿ ਉਹ ਲੋਕ ਅਗਲੀ ਰਣੀਤੀ ਤੱਕ ਨਹੀਂ ਬਣਾ ਪਾ ਰਹੇ ਹਨ।
ਵਿਦੇਸ਼ ਵਿਭਾਗ ਦੇ ਸੂਤਰਾਂ ਨੇ ਕੱਲ੍ਹ ਸਵੇਰੇ ਕਿਹਾ ਕਿ ਯੂਰਪ ਜਾਂ ਖੇਤਰ ਵਿੱਚ ਕਿਤੇ ਵੀ ਸਾਂਝੇਦਾਰਾਂ ਜਾਂ ਸਮਰਥਕਾਂ ਨਾਲ ਗੱਲਬਾਤ ਕਰਨ ਦੀ ਕੋਈ ਯੋਜਨਾ ਨਹੀਂ ਹੈ। ਅਖਬਾਰ ਵਿੱਚ ਛਪੀ ਖਬਰ ਦੇ ਅਨੁਸਰਾ ਡੈਰੇਕ ਨੇ ਕਿਹਾ ਕਿ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਨੇ ਇਸ ਦਾ ਵੀ ਸੰਕੇਤ ਦਿੱਤਾ ਕਿ ਉਨ੍ਹਾਂ ਨੇ ਟਰੰਪ ਦਾ ਮਨ ਬਦਲਣ ਦੀ ਕੋਸ਼ਿਸ਼ ਕੀਤੀ ਸੀ, ਪਰੰਤੂ ਅਜਿਹਾ ਨਹੀਂ ਹੋ ਸਕਿਆ।