Welcome to Canadian Punjabi Post
Follow us on

02

June 2020
ਕੈਨੇਡਾ

ਭਾਰਤੀ ਪ੍ਰਧਾਨ ਮੰਤਰੀ ਮੋਦੀ ਨਾਲ ਊਰਜਾ ਖੇਤਰ ਵਿਕਸਤ ਕਰਨ ਬਾਰੇ ਸ਼ੀਅਰ ਨੇ ਕੀਤੀ ਗੱਲਬਾਤ

October 10, 2018 08:15 AM

ਓਟਵਾ, 9 ਅਕਤੂਬਰ (ਪੋਸਟ ਬਿਊਰੋ) : ਕੰਜ਼ਰਵੇਟਿਵ ਆਗੂ ਐਂਡਰੀਊ ਸ਼ੀਅਰ ਨੇ ਦੱਸਿਆ ਕਿ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਗੱਲਬਾਤ ਦੌਰਾਨ ਉਨ੍ਹਾਂ ਆਖਿਆ ਕਿ ਭਾਰਤ ਦੀਆਂ ਊਰਜਾ ਸਬੰਧੀ ਲੋੜਾਂ ਨੂੰ ਪੂਰਾ ਕਰਨ ਲਈ ਉਹ ਕੈਨੇਡੀਅਨ ਤੇਲ ਤੇ ਗੈਸ ਉੱਥੇ ਭੇਜਣ ਲਈ ਰਾਹ ਲੱਭਣਾ ਚਾਹੁੰਦੇ ਹਨ।
ਸ਼ੀਅਰ ਨੇ ਦੱਸਿਆ ਕਿ ਮੰਗਲਵਾਰ ਨੂੰ ਨਵੀਂ ਦਿੱਲੀ ਵਿੱਚ ਮੋਦੀ ਨਾਲ ਮੀਟਿੰਗ ਦੌਰਾਨ ਉਨ੍ਹਾਂ ਇਹੋ ਸੁਨੇਹਾ ਦਿੱਤਾ ਸੀ। ਇੱਕ ਹਫਤੇ ਲਈ ਭਾਰਤ ਦੇ ਦੌਰੇ ਉੱਤੇ ਗਏ ਵਿਰੋਧੀ ਧਿਰ ਦੇ ਆਗੂ ਭਾਰਤ ਨਾਲ ਆਰਥਿਕ ਸਬੰਧਾਂ ਦੇ ਨਾਲ ਨਾਲ ਕਾਰੋਬਾਰੀ ਸਬੰਧ ਵੀ ਮਜ਼ਬੂਤ ਕਰਨੇ ਚਾਹੁੰਦੇ ਹਨ। ਸ਼ੀਅਰ ਨੇ ਆਖਿਆ ਕਿ ਉਨ੍ਹਾਂ ਭਾਰਤੀ ਆਗੂ ਨੂੰ ਦੱਸਿਆ ਕਿ ਉਹ ਊਰਜਾ ਸੈਕਟਰ ਨੂੰ ਵਿਕਸਤ ਕਰਨ ਲਈ ਪੂਰੀ ਤਰ੍ਹਾਂ ਗੰਭੀਰ ਹਨ ਤੇ ਭਾਰਤੀ ਮਾਰਕਿਟ ਤੱਕ ਤੇਲ ਲਿਆਉਣਾ ਚਾਹੁੰਦੇ ਹਨ। ਇਸ ਦੇ ਨਾਲ ਹੀ ਉਹ ਅਸਫਲ ਹੋਈ ਐਨਰਜੀ ਈਸਟ ਪਾਈਪਲਾਈਨ ਨੂੰ ਵੀ ਮੁੜ ਸੁਰਜੀਤ ਕਰਨਾ ਚਾਹੁੰਦੇ ਹਨ। ਇਸ ਪਾਈਪਲਾਈਨ ਰਾਹੀਂ ਕੈਨੇਡੀਅਨ ਤੇਲ ਪੂਰਬੀ ਤੱਟ ਤੱਕ ਪਹੁੰਚਣਾ ਸੀ ਤੇ ਉਸ ਤੋਂ ਅਗਾਂਹ ਇਸ ਨੂੰ ਭਾਰਤ ਭੇਜਿਆ ਜਾ ਸਕਦਾ ਸੀ।
ਜਿ਼ਕਰਯੋਗ ਹੈ ਕਿ ਪਿਛਲੇ ਸਾਲ ਟਰਾਂਸ ਕੈਨੇਡਾ ਨੇ ਆਪਣਾ ਐਨਰਜੀ ਈਸਟ ਪਾਈਪਲਾਈਨ ਪ੍ਰੋਜੈਕਟ ਅੱਧਵਿਚਾਲੇ ਛੱਡ ਦਿੱਤਾ। ਇਸ ਬਾਰੇ ਕੰਪਨੀ ਨੇ ਅਣਦੱਸੇ ਬਦਲੇ ਹੋਏ ਹਾਲਾਤ ਨੂੰ ਜਿ਼ੰਮੇਵਾਰ ਦੱਸਿਆ। ਇਸ ਪਾਈਪਲਾਈਨ ਦੇ ਸਮਰਥਕਾਂ ਵੱਲੋਂ ਫੈਡਰਲ ਰੈਗੂਲੇਟਰੀ ਮੰਗਾਂ ਕਾਰਨ ਇਸ ਦੀ ਲਾਗਤ ਵਿੱਚ ਹੋਣ ਵਾਲੇ ਵਾਧੇ ਤੇ ਦੇਰੀ ਨੂੰ ਹੀ ਇਸ ਪ੍ਰੋਜੈਕਟ ਦੇ ਬੰਦ ਹੋਣ ਦਾ ਕਾਰਨ ਦੱਸਿਆ ਗਿਆ ਜਦਕਿ ਹੋਰਨਾਂ ਅਨੁਸਾਰ ਇਹ ਪ੍ਰੋਜੈਕਟ ਮਾਰਕਿਟ ਤਾਕਤਾਂ ਦੀ ਭੇਟ ਚੜ੍ਹ ਗਿਆ। ਇੱਕ ਇੰਟਰਵਿਊ ਵਿੱਚ ਸ਼ੀਅਰ ਨੇ ਆਖਿਆ ਕਿ ਉਹ ਇਸ ਅਸਫਲਤਾ ਲਈ ਲਿਬਰਲਾਂ ਨੂੰ ਦੋਸ਼ੀ ਮੰਨਦੇ ਹਨ।
ਨਵੀਂ ਦਿੱਲੀ ਤੋਂ ਗੱਲ ਕਰਦਿਆਂ ਸ਼ੀਅਰ ਨੇ ਆਖਿਆ ਕਿ ਐਨਰਜੀ ਈਸਟ ਟੇਬਲ ਉੱਤੇ ਸੀ। ਇਹ ਲਿਬਰਲਾਂ ਦੀਆਂ ਰੈਗੂਲੇਟਰੀ ਤਬਦੀਲੀਆਂ ਕਾਰਨ ਰੱਦ ਹੋਇਆ। ਉਨ੍ਹਾਂ ਆਖਿਆ ਕਿ ਅਸੀਂ ਪੂਰਬੀ ਕੈਨੇਡੀਅਨ ਮੰਡੀਆਂ ਵਿੱਚ ਟੈਂਕਰ ਦਰ ਟੈਂਕਰ ਵਿਦੇਸ਼ੀ ਤੇਲ ਦੇ ਆਉਂਦੇ ਵੇਖ ਰਹੇ ਹਾਂ ਤੇ ਇਹ ਸੱਭ ਲਿਬਰਲ ਸਰਕਾਰ ਦੀ ਮਿਹਰਬਾਨੀ ਸਦਕਾ ਹੋ ਰਿਹਾ ਹੈ। ਮੰਗਲਵਾਰ ਨੂੰ ਸ਼ੀਅਰ ਨੇ ਆਖਿਆ ਕਿ ਕੰਜ਼ਰਵੇਟਿਵ ਸਰਕਾਰ ਸੱਤਾ ਵਿੱਚ ਆਉਣ ਤੋਂ ਬਾਅਦ ਪਾਈਪਲਾਈਨ ਦੇ ਪਸਾਰ ਦੇ ਰਾਹ ਵਿੱਚ ਆਏ ਅੜਿੱਕਿਆਂ ਨੂੰ ਖਤਮ ਕਰ ਦੇਵੇਗੀ ਤਾਂ ਕਿ ਕੈਨੇਡੀਅਨ ਤੇਲ ਤੇ ਗੈਸ ਨਵੀਂ ਮਾਰਕਿਟ ਵਿੱਚ ਪਹੁੰਚ ਸਕੇ।

 

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਓਨਟਾਰੀਓ ਪਬਲਿਕ ਹੈਲਥ ਯੂਨਿਟਸ ਨੂੰ ਰਿਪੋਰਟ ਹੀ ਨਹੀਂ ਕੀਤੇ ਗਏ ਕੋਵਿਡ-19 ਦੇ 700 ਪਾਜ਼ੀਟਿਵ ਮਾਮਲੇ
ਫੋਰਡ ਵੱਲੋਂ ਪ੍ਰੋਵਿੰਸ ਵਿੱਚ ਸਟੇਟ ਆਫ ਐਮਰਜੰਸੀ ਅਗਲੇ 28 ਦਿਨਾਂ ਲਈ ਹੋਰ ਵਧਾਉਣ ਦੀ ਸੰਭਾਵਨਾ
ਕੈਨੇਡਾ ਵਿੱਚ ਆਪਣੇ ਟਾਇਰ ਐਂਡ ਲਿਊਬ ਐਕਸਪ੍ਰੱੈਸ ਸੈਂਟਰ ਬੰਦ ਕਰੇਗਾ ਵਾਲਮਾਰਟ
ਰੂਸ ਨੂੰ ਜੀ-7 ਵਿੱਚ ਮੁੜ ਸ਼ਾਮਲ ਕਰਨ ਦੀ ਟਰੰਪ ਦੀ ਪੇਸ਼ਕਸ਼ ਟਰੂਡੋ ਨੇ ਠੁਕਰਾਈ
ਮਿਊਂਸਪੈਲਿਟੀਜ਼ ਦੀ ਮਦਦ ਲਈ ਫੈਡਰਲ ਸਰਕਾਰ ਜਲਦ ਮੁਹੱਈਆ ਕਰਾ ਸਕਦੀ ਹੈ 2.2 ਬਿਲੀਅਨ ਡਾਲਰ
ਪੰਛੀ ਦੇ ਟਕਰਾਉਣ ਨਾਲ ਹੋਇਆ ਸੀ “ਸਨੋਅਬਰਡਜ਼” ਜਹਾਜ਼ ਹਾਦਸਾਗ੍ਰਸਤ?
ਸੰਯੁਕਤ ਰਾਸ਼ਟਰ ਦੀ ਸੁਰੱਖਿਆ ਕਾਉਂਸਲ ਦੀ ਅਸਥਾਈ ਸੀਟ ਲਈ ਚੋਣ ਜੂਨ ਵਿੱਚ
ਵੁੱਡਬ੍ਰਿਜ ਲਾਂਗ ਟਰਮ ਕੇਅਰ ਹੋਮ ਦੇ ਅਠਾਰਾਂ ਮਰੀਜ਼ਾਂ ਨੂੰ ਹਸਪਤਾਲ ਭੇਜਿਆ
ਲਾਂਗ ਟਰਮ ਕੇਅਰ ਹੋਮਜ਼ ਦੇ ਸੰਕਟ ਨਾਲ ਸਿੱਝਣ ਲਈ ਅਹਿਮ ਭੂਮਿਕਾ ਨਿਭਾਵੇ ਫੈਡਰਲ ਸਰਕਾਰ : ਜਗਮੀਤ ਸਿੰਘ
44 ਸਾਲਾ ਵਿਅਕਤੀ ਦੇ ਕਤਲ ਦੀ ਹੈਮਿਲਟਨ ਪੁਲਿਸ ਕਰ ਰਹੀ ਹੈ ਜਾਂਚ