ਨੇਮ ਪੇਨਹ, 24 ਜੂਨ (ਪੋਸਟ ਬਿਊਰੋ)- ਕੰਬੋਡੀਆ ਵਿੱਚ ਬਣਦੀ ਪਈ ਇਮਾਰਤ ਡਿੱਗਣ ਦੀ ਘਟਨਾ ਵਿੱਚ ਮਰਨ ਵਾਲੇ ਲੋਕਾਂ ਦੀ ਗਿਣਤੀ ਵਧ ਕੇ 17 ਤੱਕ ਪਹੁੰਚ ਗਈ ਹੈ।
ਅਧਿਕਾਰੀਆਂ ਨੇ ਕੱਲ੍ਹ ਦੱਸਿਆ ਕਿ ਇਮਾਰਤ ਦਾ ਨਿਰਮਾਣ ਚੀਨ ਦੀ ਇੱਕ ਕੰਪਨੀ ਕਰ ਰਹੀ ਸੀ। ਘਟਨਾ ਦੱਖਣ ਪੱਛਮੀ ਕੰਬੋਡੀਆ ਦੇ ਤੱਟ ਵਰਤੀ ਸਿਹਾਨੂਕਵਿਲੇ ਕਸਬੇ ਦੇ ਕਸੀਨੋ-ਰਿਜ਼ਾਰਟ ਵਿੱਚ ਹੋਈ ਸੀ। ਇਸ ਸੰਬੰਧ ਵਿੱਚ ਚੀਨੀ ਇਮਾਰਤ ਦੇ ਮਾਲਕ, ਨਿਰਮਾਣ ਕੰਪਨੀ ਦੇ ਮੁਖੀ ਅਤੇ ਠੇਕੇਦਾਰ ਸਮੇਤ ਚਾਰ ਲੋਕਾਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਹੈ। ਸੱਤ ਮੰਜ਼ਿਲਾ ਇਮਾਰਤ ਦੇ ਬਣਨ ਦਾ ਕੰਮ ਲਗਭਗ ਪੂਰਾ ਹੋ ਗਿਆ ਸੀ। ਇੱਕ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਪ੍ਰੀਹ ਸਿਹਾਨੁਕ ਸੂਬੇ ਦੇ ਅਧਿਕਾਰੀਆਂ ਨੇ ਦੱਸਿਆ ਹੈ ਕਿ ਦੁਰਘਟਨਾ 'ਚ 17 ਲੋਕਾਂ ਦੀ ਮੌਤ ਹੋ ਗਈ ਅਤੇ 24 ਜ਼ਖਮੀ ਹਨ।