Welcome to Canadian Punjabi Post
Follow us on

22

October 2018
ਬ੍ਰੈਕਿੰਗ ਖ਼ਬਰਾਂ :
ਅੰਤਰਰਾਸ਼ਟਰੀ

ਡੋਨਾਲਡ ਟਰੰਪ ਨੂੰ ਜ਼ਹਿਰੀਲੀ ਚਿੱਠੀ ਭੇਜਣ ਵਾਲਾ ਅਮਰੀਕੀ ਫੌਜੀ ਨਿਕਲਿਆ

October 09, 2018 08:26 AM

ਵਾਸ਼ਿੰਗਟਨ, 8 ਅਕਤੂਬਰ, (ਪੋਸਟ ਬਿਊਰੋ)- ਅਮਰੀਕੀ ਨੇਵੀ (ਸਮੁੰਦਰੀ ਫੌਜ) ਦੇ ਇੱਕ ਵੈਟਰਨ ਨੂੰ ਇਸ ਸ਼ੁੱਕਰਵਾਰ ਨੂੰ ਓਟਾ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ, ਜਿਸ ਉੱਤੇ ਦੋਸ਼ ਹੈ ਕਿ ਉਸ ਨੇ ਰਾਸ਼ਟਰਪਤੀ ਡੋਨਾਲਡ ਟਰੰਪ, ਰੱਖਿਆ ਮੰਤਰੀ ਜਿਮ ਮੈਟਿਸ, ਐੱਫ ਬੀ ਆਈ ਦੇ ਡਾਇਰੈਕਟਰ ਤੇ ਇਕ ਐਡਮਿਰਲ ਨੂੰ ਕੈਸਟਰ ਦੇ ਬੀਜਾਂ ਨਾਲ ਭਰੀ ਜ਼ਹਿਰੀਲੀ ਚਿੱਠੀ ਭੇਜੀ ਸੀ। ਇਨ੍ਹਾਂ ਬੀਜਾਂ ਤੋਂ ਖਤਰਨਾਕ ਜ਼ਹਿਰ ਰਾਇਸੀਨ ਤਿਆਰ ਕੀਤਾ ਜਾਂਦਾ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਗ੍ਰਿਫਤਾਰ ਕੀਤੇ ਵਿਲੀਅਮ ਸਿਲਡੇ ਐਲੇਨ ਥਰਡ ਉੱਤੇ ਸਾਲਟ ਲੇਕ ਦੀ ਸਿਟੀ ਕੋਰਟ ਵੱਲੋਂ ਦੋਸ਼ ਲਾਏ ਗਏ ਹਨ ਕਿ ਉਸ ਨੇ ਬਾਇਓਲਾਜੀਕਲ ਤੱਤਾਂ ਨੂੰ ਜ਼ਹਿਰ ਦੇ ਤੌਰ ਉੱਤੇ ਵਰਤਦੇ ਹੋਏ ਰਾਸ਼ਟਰਪਤੀ ਅਤੇ ਬਾਕੀ ਪ੍ਰਮੁੱਖ ਵਿਅਕਤੀਆਂ ਲਈ ਜਾਨਲੇਵਾ ਕੋਸਿ਼ਸ਼ ਕੀਤੀ ਹੈ। ਐਲੇਨ (39 ਸਾਲ) ਉੱਤੇ ਦੋਸ਼ ਸਹੀ ਸਾਬਤ ਹੋਇਆ ਤਾਂ ਫਿਰ ਉਸ ਨੂੰ ਜ਼ਿੰਦਗੀ ਭਰ ਜੇਲ `ਚ ਰਹਿਣਾ ਹੋਵੇਗਾ। ਜਿਹੜੀਆਂ ਚਿੱਠੀਆਂ ਐਲੇਨ ਨੇ ਭੇਜੀਆਂ ਸਨ, ਉਹ ਕਿਸੇ ਨੂੰ ਮਿਲ ਨਹੀਂ ਸਕੀਆਂ ਅਤੇ ਇਸ ਲਈ ਸਾਰਿਆਂ ਦੀ ਜਾਨ ਬਚ ਗਈ ਸੀ।
ਅਮਰੀਕਾ ਦੇ ਫੌਜੀ ਹੈੱਡ ਕੁਆਰਟਰ ਪੈਂਟਾਗਨ ਨੇ ਇਹ ਦੀ ਪੁਸ਼ਟੀ ਨਹੀਂ ਕੀਤੀ ਕਿ ਚਿੱਠੀਆਂ ਵਿੱਚ ਰਾਇਸੀਨ ਨਾਂ ਦੇ ਜ਼ਹਿਰੀਲੇ ਤੱਤ ਸਨ। ਪੈਂਟਾਗਨ ਦੇ ਬੁਲਾਰੇ ਕ੍ਰਿਸ ਸ਼ੇਰਵੁੱਡ ਨੇ ਦੱਸਿਆ ਕਿ ਇਸ ਕੇਸ ਦੀ ਜਾਂਚ ਸਬੰਧਤ ਏਜੰਸੀਆਂ ਨਾਲ ਮਿਲ ਕੇ ਕੀਤੀ ਜਾਵੇਗੀ, ਪਰ ਫਿਲਹਾਲ ਪੈਂਟਾਗਨ ਅਜੇ ਇਸ ਦੀ ਅਧਿਕਾਰਤ ਜਾਣਕਾਰੀ ਮਿਲਣ ਦਾ ਉਡੀਕ ਕਰ ਰਿਹਾ ਹੈ ਕਿ ਲਿਫਾਫੇ `ਚ ਰਾਇਸੀਨ ਸੀ ਜਾਂ ਕੁਝ ਹੋਰ। ਇਸ ਜਾਂਚ ਲਈ ਐੱਫ ਬੀ ਆਈ ਨੂੰ ਕਿਹਾ ਗਿਆ ਹੈ। ਵਰਨਣ ਯੋਗ ਹੈ ਕਿ ਇਹ ਚਿੱਠੀਆਂ ਅਮਰੀਕੀ ਰੱਖਿਆ ਮੰਤਰੀ ਜਿਮ ਮੈਟਿਸ ਅਤੇ ਅਮਰੀਕੀ ਸਮੁੰਦਰੀ ਫੌਜ ਦੇ ਚੀਫ ਐਡਮਿਰਲ ਜਾਨ ਰਿਚਰਡਸਨ ਨੂੰ ਲਿਖੀਆਂ ਗਈਆਂ ਸਨ। ਪੈਂਟਾਗਨ ਵਿੱਚ ਆਈਆਂ ਚਿੱਠੀਆਂ ਦੀ ਜਾਂਚ ਲਈ ਮੇਨ ਬਿਲਡਿੰਗ ਤੋਂ ਬਾਹਰ ਵੀ ਮੇਨ ਬਿਲਡਿੰਗ ਹੈ। ਜਾਂਚ ਸੈਂਟਰ ਦੇ ਕਰਮਚਾਰੀ ਨੂੰ ਸਭ ਤੋਂ ਪਹਿਲਾਂ ਚਿੱਠੀਆਂ ਵਿੱਚ ਰਾਇਸੀਨ ਦੇ ਹੋਣ ਦਾ ਸ਼ੱਕ ਹੋਇਆ ਸੀ। ਰਾਇਸੀਨ ਦੀ ਵਰਤੋਂ ਅੱਤਵਾਦੀ ਸਾਜਿਸ਼ ਲਈ ਕੀਤੀ ਜਾਂਦੀ ਹੈ।
ਇਕ ਅਮਰੀਕੀ ਨਿਊਜ਼ ਚੈਨਲ ਨੇ ਸੂਤਰਾਂ ਦੇ ਹਵਾਲੇ ਨਾਲ ਦੱਸਿਆ ਕਿ ਵ੍ਹਾਈਟ ਹਾਊਸ ਤੇ ਪੈਂਟਾਗਨ ਨੂੰ ਭੇਜੀਆਂ ਗਈਆਂ ਚਿੱਠੀਆਂ ਆਪੋ ਵਿੱਚ ਜੁੜੀਆਂ ਹਨ। ਦੋਵਾਂ ਵਿੱਚ ਕੈਸਟਰ ਆਇਲ ਦੇ ਬੀਜ ਤੋਂ ਬਣਿਆ ਪਦਾਰਥ ਰਾਇਸੀਨ ਹੈ, ਪਰ ਅਜੇ ਇਸ ਦੀ ਅਧਿਕਾਰਕ ਪੁਸ਼ਟੀ ਨਾ ਹੋਣ ਕਾਰਨ ਅਜੇ ਇਸ ਦਾ ਨਾਂ ਨਹੀਂ ਦੱਸਿਆ ਜਾ ਰਿਹਾ ਹੈ। ਰਾਇਸੀਨ ਏਨਾ ਖਤਰਨਾਕ ਹੈ ਕਿ ਜੇ ਇਸ ਨੂੰ ਖਾਧਾ ਜਾਂ ਇੰਜੈਕਸ਼ਨ ਦੇ ਰੂਪ `ਚ ਦਿੱਤਾ ਜਾਵੇ ਤਾਂ ਸਕਿੰਟਾਂ ਦੇ ਅੰਦਰ ਕਿਸੇ ਦੀ ਵੀ ਮੌਤ ਹੋ ਸਕਦੀ ਹੈ। ਇਸ ਦਾ ਪ੍ਰਭਾਵ ਸਾਇਨਾਈਡ ਦੇ ਮੁਕਾਬਲੇ 6,000 ਗੁਣਾ ਵੱਧ ਹੁੰਦਾ ਹੈ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਦੋ ਮਹੀਨੇ `ਚ ਕਰਜ਼ਾ ਨਾ ਮਿਲਿਆ ਤਾਂ ਪਾਕਿਸਤਾਨ ਸੰਕਟ ਵਿੱਚ ਫਸ ਜਾਵੇਗਾ: ਇਮਰਾਨ ਖਾਨ
ਇਰਾਕ ਵਿੱਚ ਪ੍ਰਸਿੱਧੀ ਵਾਲੀਆਂ ਔਰਤਾਂ ਦੇ ਕਤਲਾਂ ਨਾਲ ਦਹਿਸ਼ਤ
ਚੀਨ-ਹਾਂਗਕਾਂਗ ਦਰਮਿਆਨ ਬਣਿਆ ਸਭ ਤੋਂ ਲੰਮਾ ਪੁਲ ਬੁੱਧਵਾਰ ਨੂੰ ਖੁੱਲ੍ਹੇਗਾ
ਪਾਕਿਸਤਾਨ ਦੇ ਅੱਤਵਾਦ ਵਿਰੋਧੀ ਦਾਅਵੇ ਬਾਰੇ ਐੱਫ ਏ ਟੀ ਐੱਫ ਖੁਸ਼ ਨਹੀਂ
ਅਫਗਾਨਿਸਤਾਨ ਵਿੱਚ ਪਾਰਲੀਮੈਂਟਰੀ ਚੋਣਾਂ ਦੌਰਾਨ ਧਮਾਕੇ, 130 ਦੇ ਕਰੀਬ ਮੌਤਾਂ
ਸਾਊਦੀ ਅਰਬ ਨੇ ਆਪਣੇ ਕੌਂਸਲੇਟ ਵਿੱਚ ਪੱਤਰਕਾਰ ਖਾਸ਼ੋਗ਼ੀ ਦੀ ਮੌਤ ਹੋਈ ਮੰਨ ਲਈ
ਮੀਨਲ ਪਟੇਲ ਨੂੰ ਅਮਰੀਕਾ ਵਿੱਚ ਰਾਸ਼ਟਰਪਤੀ ਪੁਰਸਕਾਰ
ਇਟਲੀ ਵਿੱਚ ਦੋ ਸਿੱਖ ਨੌਜਵਾਨਾਂ ਨੂੰ ਸ੍ਰੀ ਸਾਹਿਬ ਪਹਿਨਣ ਉੱਤੇ ਮੋਟਾ ਜੁਰਮਾਨਾ
ਤਿੰਨ ਭਾਰਤੀ ਵਿਦਿਆਰਥੀ ਬ੍ਰੇਕ ਥਰੂ ਜੂਨੀਅਰ ਚੈਲਿੰਜ ਦੇ ਅੰਤਲੇ ਗੇੜ ਵਿੱਚ
ਟਰੰਪ ਦੇ ਮੁਰੀਦਾਂ ਲਈ ਬਣੇ ਡੇਟਿੰਗ ਐਪ ਵਿੱਚੋਂ ਪਹਿਲੇ ਦਿਨ ਹੀ ਡਾਟਾ ਲੀਕ