Welcome to Canadian Punjabi Post
Follow us on

26

May 2020
ਭਾਰਤ

ਭਾਰਤ ਦੀ ਬ੍ਰਹਮੋਸ ਮਿਜ਼ਾਈਲ ਦਾ ਇੰਜੀਨੀਅਰ ਜਾਸੂਸੀ ਕਰਨ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ

October 09, 2018 08:24 AM

ਲਖਨਊ, 8 ਅਕਤੂਬਰ, (ਪੋਸਟ ਬਿਊਰੋ)- ਨਾਗਪੁਰ ਵਿਚਲੇ ਬ੍ਰਹਮੋਸ ਮਿਜ਼ਾਈਲ ਯੂਨਿਟ ਦੇ ਇੱਕ ਸੀਨੀਅਰ ਸਿਸਟਮ ਇੰਜੀਨੀਅਰ ਨਿਸ਼ਾਂਤ ਅਗਰਵਾਲ ਨੂੰ ਜਾਸੂਸੀ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਸੋਮਵਾਰ ਨੂੰ ਉੱਤਰ ਪ੍ਰਦੇਸ਼ ਅਤੇ ਮਹਾਰਾਸ਼ਟਰ ਪੁਲਿਸ ਦੇ ਅੱਤਵਾਦ ਰੋਕੂ ਦਸਤੇ (ਏ ਟੀ ਐੱਸ) ਨੇ ਨਿਸ਼ਾਂਤ ਨੂੰ ਨਾਗਪੁਰ ਵਿੱਚ ਬ੍ਰਹਮੋਸ ਮਿਜ਼ਾਈਲ ਵਾਲੇ ਵਰਧਾ ਰੋਡ ਦੇ ਕੰਪਲੈਕਸ ਤੋਂ ਫੜਿਆ ਹੈ। ਉਸ ਦੇ ਲੈਪਟਾਪ ਤੋਂ ਕਈ ਗੁਪਤ ਦਸਤਾਵੇਜ਼ ਮਿਲੇ ਹਨ।
ਮਿਲੀ ਜਾਣਕਾਰੀ ਅਨੁਸਾਰ ਏ ਟੀ ਐੱਸ ਨੂੰ ਸ਼ੱਕ ਹੈ ਕਿ ਕਰੀਬ ਦੋ ਸਾਲ ਪਹਿਲਾਂ ਹਨੀ-ਟਰੈਪ ਦਾ ਸ਼ਿਕਾਰ ਬਣੇ ਨਿਸ਼ਾਂਤ ਨੇ ਗੁਪਤ ਸੂਚਨਾਵਾਂ ਪਾਕਿਸਤਾਨ ਅਤੇ ਅਮਰੀਕਾ ਦੀਆਂ ਖ਼ੁਫ਼ੀਆ ਏਜੰਸੀਆਂ ਨਾਲ ਸਾਂਝੀਆਂ ਕੀਤੀਆਂ ਹਨ। ਉਹ ਪਾਕਿਸਤਾਨ ਦੇ ਦੋ ਫ਼ਰਜ਼ੀ ਫੇਸਬੁੱਕ ਆਈ ਡੀ ਦੇ ਸੰਪਰਕ ਵਿੱਚ ਸੀ। ਕਾਨਪੁਰ ਅਤੇ ਆਗਰੇ `ਚ ਫੌਜੀ ਟਿਕਾਣਿਆਂ ਨਾਲ ਜੁੜੇ ਹੋਏ ਦੋ ਵਿਅਕਤੀਆਂ ਬਾਰੇ ਵੀ ਜਾਂਚ ਚੱਲ ਰਹੀ ਹੈ। ਸੂਤਰਾਂ ਮੁਤਾਬਕ ਕਾਨਪੁਰ `ਚ ਜਿਨ੍ਹਾਂ ਬਾਰੇ ਜਾਂਚ ਚੱਲ ਰਹੀ ਹੈ, ਉਨ੍ਹਾਂ ਵਿੱਚ ਇਕ ਮਹਿਲਾ ਅਧਿਕਾਰੀ ਵੀ ਹੈ। ਪਤਾ ਲੱਗਾ ਹੈ ਕਿ ਖੁਫੀਆ ਟੀਮ ਐਤਵਾਰ ਰਾਤ ਤੋਂ ਨਿਸ਼ਾਂਤ `ਤੇ ਨਜ਼ਰ ਰੱਖ ਰਹੀ ਸੀ ਤੇ ਸੋਮਵਾਰ ਗ੍ਰਿਫ਼ਤਾਰ ਕਰ ਲਿਆ। ਉਹ ਉੱਤਰਾਖੰਡ ਦੇ ਰੁੜਕੀ ਦਾ ਵਾਸੀ ਅਤੇ ਪਿਛਲੇ ਪੰਜ ਸਾਲ ਤੋਂ ਡੀ ਆਰ ਡੀ ਓ ਦੀ ਨਾਗਪੁਰ ਯੂਨਿਟ ਵਿੱਚ ਕੰਮ ਕਰ ਰਿਹਾ ਹੈ। ਏ ਟੀ ਐੱਸ ਟੀਮ ਜਾਂਚ ਲਈ ਨਿਸ਼ਾਂਤ ਨੂੰ ਉਸ ਦੇ ਘਰ ਲੈ ਗਈ। ਉੱਤਰ ਪ੍ਰਦੇਸ਼ ਏ ਟੀ ਐੱਸ ਦੇ ਆਈ ਜੀ ਅਸੀਮ ਅਰੁਣ ਨੇ ਦੱਸਿਆ ਕਿ ਨਿਸ਼ਾਂਤ ਦੇ ਕੰਪਿਊਟਰ ਤੋਂ ਸੰਵੇਦਨਸ਼ੀਲ ਸੂਚਨਾਵਾਂ ਪਤਾ ਲੱਗੀਆਂ ਅਤੇ ਫੇਸਬੁੱਕ ਉਤੇ ਪਾਕਿਸਤਾਨੀ ਲੋਕਾਂ ਨਾਲ ਗੱਲਬਾਤ ਕਰਨ ਦੇ ਵੀ ਸਬੂਤ ਮਿਲੇ ਹਨ।
ਵਰਨਣ ਯੋਗ ਹੈ ਕਿ ਦੁਨੀਆ ਦੀ ਸਭ ਤੋਂ ਤੇਜ਼ ਸੁਪਰਸੋਨਿਕ ਕਰੂਜ਼ ਮਿਜ਼ਾਈਲ ਬ੍ਰਹਮੋਸ ਏਅਰੋਸਪੇਸ ਭਾਰਤ ਦੇ ਡੀ ਆਰ ਡੀ ਓ ਅਤੇ ਰੂਸ ਦੇ ਐੱਨ ਪੀ ਓ ਐੱਮ ਦਾ ਸਾਂਝਾ ਯੂਨਿਟ ਹੈ। ਬ੍ਰਹਮੋਸ ਦੁਨੀਆ ਦੀ ਸਭ ਤੋਂ ਤੇਜ਼ ਸੁਪਰਸੋਨਿਕ ਕਰੂਜ਼ ਮਿਜ਼ਾਈਲ ਹੈ। ਇਹ ਆਵਾਜ਼ ਦੀ ਰਫ਼ਤਾਰ ਤੋਂ ਕਰੀਬ ਤਿੰਨ ਗੁਣਾ ਰਫ਼ਤਾਰ ਨਾਲ ਹਮਲਾ ਕਰ ਸਕਦੀ ਹੈ। ਇਸ ਨੂੰ ਪਣਡੁੱਬੀ ਨਾਲ, ਪਾਣੀ ਦੇ ਜਹਾਜ਼ ਨਾਲ, ਜਹਾਜ਼ ਤੋਂ ਜਾਂ ਜ਼ਮੀਨ ਤੋਂ ਛੱਡਿਆ ਜਾ ਸਕਦਾ ਹੈ। ਇਹ ਘੱਟ ਉੱਚਾਈ `ਤੇ ਤੇਜ਼ੀ ਨਾਲ ਉਡਾਣ ਭਰਦੀ ਅਤੇ ਰਡਾਰ ਦੀ ਪਕੜ `ਚ ਆਉਣ ਤੋਂ ਬਚ ਜਾਂਦੀ ਹੈ। ਇਹ ਮਿਜ਼ਾਈਲ ਜ਼ਮੀਨ ਹੇਠਾਂ ਬੰਕਰਾਂ ਅਤੇ ਸਮੁੰਦਰ ਦੇ ਉੱਪਰ ਉੱਡਦੇ ਜਹਾਜ਼ਾਂ ਨੂੰ ਦੂਰੋਂ ਨਿਸ਼ਾਨਾ ਬਣਾ ਸਕਦੀ ਹੈ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਹਾਈ ਕੋਰਟ ਨੇ ਕਿਹਾ: ਵਿਆਹ ਦੇ ਭਰੋਸੇ ਨਾਲ ਸਰੀਰਕ ਸੰਪਰਕ ਬਲਾਤਕਾਰ ਨਹੀਂ
ਸਸਤਾ ਕਰਜ਼ਾ ਹੁੰਦਾ ਤਾਂ ਕਈ ਖੇਤਰਾਂ 'ਚ ਨੌਕਰੀਆਂ ਬਚ ਸਕਦੀਆਂ ਸਨ: ਸੀ ਆਈ ਆਈ
ਫੌਜ ਨੇ ਕਿਹਾ: ਚੀਨ ਨੇ ਭਾਰਤ ਦੇ ਕਿਸੇ ਜਵਾਨ ਨੂੰ ਹਿਰਾਸਤ ਵਿੱਚ ਨਹੀਂ ਲਿਆ
ਨਾਂਦੇੜ ਦੇ ਮੱਠ ਵਿੱਚ ਲਿੰਗਾਇਤ ਸਾਧੂ ਸਣੇ ਦੋ ਜਣਿਆਂ ਦਾ ਕਤਲ
ਭਾਰਤ ਕੋਰੋਨਾ ਦੇ ਕੇਸਾਂ ਪੱਖੋਂ ਏਸ਼ੀਆ ਵਿੱਚ ਦੂਸਰਾ ਸਭ ਤੋਂ ਵੱਧ ਪ੍ਰਭਾਵਤ ਦੇਸ਼ ਬਣਿਆ
ਵਿਦੇਸ਼ ਤੋਂ ਭਾਰਤ ਆਏ ਸਾਰੇ ਲੋਕਾਂ ਲਈ 14 ਦਿਨਾ ਇਕਾਂਤਵਾਸ ਜ਼ਰੂਰੀ ਕਰ ਦਿੱਤਾ ਗਿਆ
ਮਹਾਰਾਸ਼ਟਰ ਅਤੇ ਗੁਜਰਾਤ ਪੁਲਸ ਕੋਰੋਨਾ ਵਾਇਰਸ ਦੇ ਹਮਲੇ ਦੀ ਮਾਰ ਹੇਠ
ਮੰਦਰ 'ਚ ਭੀੜ ਜਮ੍ਹਾਂ ਕਰਨ ਦੇ ਦੋਸ਼ ਹੇਠ ਦਾਤੀ ਮਹਾਰਾਜ 'ਤੇ ਕੇਸ ਦਰਜ
ਰਾਹੁਲ ਗਾਂਧੀ ਨੇ ਕਿਹਾ: ਲਾਕਡਾਊਨ ਨੇ ਪ੍ਰਵਾਸੀ ਮਜ਼ਦੂਰਾਂ ਨੂੰ ਸਭ ਤੋਂ ਵੱਧ ਦਰਦ ਦਿੱਤੈ
ਖਾਣਾ ਵੰਡਦੇ ਨੌਜਵਾਨ ਦਾ ਭੀਖ ਮੰਗਣ ਵਾਲੀ ਲੜਕੀ ਨਾਲ ਪਿਆਰ ਪਿਆ, ਦੋਵਾਂ ਵਿਆਹ ਕਰਵਾ ਲਿਆ