ਬਰੈਂਪਟਨ, 17 ਜੂਨ (ਪੋਸਟ ਬਿਊਰੋ) : ਬਰੈਂਪਟਨ ਵਿੱਚ ਖੁੱਲ੍ਹਣ ਜਾ ਰਹੇ ਕਾਮਾਗਾਟਾਮਾਰੂ ਪਾਰਕ ਲਈ ਆਯੋਜਿਤ ਕੀਤੇ ਜਾਣ ਵਾਲੇ ਈਵੈਂਟ ਵਿੱਚ ਹਿੱਸਾ ਲੈਣ ਲਈ ਮੇਅਰ ਪੈਟ੍ਰਿਕ ਬ੍ਰਾਊਨ ਤੇ ਕਾਉਂਸਲਰਜ਼ ਵੱਲੋਂ ਮੀਡੀਆ ਨੂੰ ਖੁੱਲ੍ਹਾ ਸੱਦਾ ਦਿੱਤਾ ਗਿਆ। ਕਾਮਾਗਾਟਾਮਾਰੂ ਦੇ ਸਬੰਧ ਵਿੱਚ ਇਹ ਪਹਿਲਾ ਅਜਿਹਾ ਈਵੈਂਟ ਹੈ ਜਿਹੜਾ ਬ੍ਰਿਟਿਸ਼ ਕੋਲੰਬੀਆ ਤੋਂ ਬਾਹਰ ਹੋ ਰਿਹਾ ਹੈ। ਇਸ ਸਮਾਰੋਹ ਵਿੱਚ ਬਰੈਂਪਟਨ ਵਾਸੀ ਤੇ ਕਾਮਾਗਾਟਾਮਾਰੂ ਬੇੜੇ ਦੇ ਸਰਵਾਈਵਰਜ਼ ਦੇ ਡਿਸੈਂਡੈਂਟਸ ਵੀ ਹਿੱਸਾ ਲੈਣਗੇ।
ਇਸ ਸਮਾਰੋਹ ਵਿੱਚ ਮੇਅਰ ਪੈਟ੍ਰਿਕ ਬ੍ਰਾਊਨ ਤੇ ਕਾਉਂਸਲਰਜ਼ ਪਾਲ ਵਿਸੈਂਟੇ, ਗੁਰਪ੍ਰੀਤ ਢਿੱਲੋਂ ਤੇ ਹਰਕੀਰਤ ਸਿੰਘ ਵੱਲੋਂ ਇੱਕਠ ਨੂੰ ਸੰਬੋਧਨ ਕੀਤਾ ਜਾਵੇਗਾ। ਇਸ ਦੌਰਾਨ ਕਲਚਰਲ ਐਜੂਕੇਟਰ ਐਜ ਕਵਾਂਦੀਬੇਨਜ਼ ਤੇ ਡਿਸੈਂਡੈਂਟਸ ਆਫ ਕਾਮਾਗਾਟਾਮਾਰੂ ਸੁਸਾਇਟੀ ਦੇ ਵਾਈਸ ਪ੍ਰਧਾਨ ਰਾਜ ਤੂਰ ਵੱਲੋਂ ਰਿਬਨ ਕੱਟ ਕੇ ਇਸ ਪ੍ਰੋਗਰਾਮ ਦੀ ਰਸਮੀ ਸ਼ੁਰੂਆਤ ਕੀਤੀ ਜਾਵੇਗੀ। ਇਸ ਮੌਕੇ ਡਿਸੈਂਡੈਂਟਸ, ਮੇਅਰ ਤੇ ਕਾਉਂਸਲਰਜ਼ ਵੱਲੋਂ ਪ੍ਰਤੀਕਾਤਮਕ ਤੌਰ ਉੱਤੇ ਰੁੱਖ ਵੀ ਲਾਏ ਜਾਣਗੇ। ਇਸ ਮੌਕੇ ਸਾਡੇ ਸਪਾਂਸਰ ਪੰਜਾਬੀ ਬਾਇ ਨੇਚਰ ਵੱਲੋਂ ਖਾਣਾ ਵੀ ਮੁਹੱਈਆ ਕਰਵਾਇਆ ਜਾਵੇਗਾ।
ਇਹ ਸਮਾਰੋਹ ਕਾਮਾਗਾਟਾਮਾਰੂ ਪਾਰਕ 10705 ਬ੍ਰਾਮੇਲੀਆ ਰੋਡ ਬਰੈਂਪਟਨ, ਓਨਟਾਰੀਓ ਵਿਖੇ 22 ਜੂਨ, 2019 ਦਿਨ ਸ਼ਨਿੱਚਰਵਾਰ ਨੂੰ ਸਵੇਰੇ 11:00 ਵਜੇ ਤੋਂ 12:00 ਵਜੇ ਤੱਕ ਚੱਲੇਗਾ।