ਸੰਜੇ ਗੁਪਤਾ ਦੇ ਨਿਰਦੇਸ਼ਨ ਵਾਲੀ ਫਿਲਮ ‘ਜਜਬਾ’ ਵਿੱਚ ਨਜ਼ਰ ਆਈ ਪ੍ਰਿਆ ਬੈਨਰਜੀ ਕਰਮਵੀਰ ਵੋਹਰਾ ਨਾਲ ਫਿਲਮ ‘ਹਮੇਂ ਤੁਮਸੇ ਪਿਆਰ ਕਿਤਨਾ’ ਵਿੱਚ ਆਏਗੀ। ਉਹ ਇਸ ਫਿਲਮ ਲਈ ਨਿਰਮਾਤਾ ਦੀ ਪਹਿਲੀ ਪਸੰਦ ਨਹੀਂ ਸੀ। ਇਸ ਦਾ ਖੁਲਾਸਾ ਮੁੰਬਈ ਵਿੱਚ ਫਿਲਮ ਦੇ ਟ੍ਰੇਲਰ ਲਾਂਚ ਦੇ ਮੌਕੇ 'ਤੇ ਕਰਣਵੀਰ ਵੋਹਰਾ ਨੇ ਕੀਤਾ। ਫਿਲਮ ਦੇ ਨਿਰਮਾਤਾ ਉਸ ਦੇ ਪਿਤਾ ਮਹਿੰਦਰ ਵੋਹਰਾ ਹਨ। ਕਰਣਵੀਰ ਨੇ ਦੱਸਿਆ, ‘ਫਿਲਮ ਦੀ ਕਾਸਟਿੰਗ ਮੁਕੇਸ਼ ਛਾਬੜਾ ਕਰ ਰਹੇ ਸਨ। ਬਾਕੀ ਸਟਾਰਕਾਸਟ ਫਾਈਨਲ ਹੋ ਗਈ ਸੀ। ਸ਼ੂਟਿੰਗ ਲਈ ਮਨਾਲੀ ਜਾਣ ਵਾਸਤੇ ਸਾਰਿਆਂ ਦੀ ਟਿਕਟ ਬੁੱਕ ਹੋ ਗਈ ਸੀ, ਪਰ ਹੀਰੋਇਨ ਦਾ ਅਤਾ-ਪਤਾ ਨਹੀਂ ਸੀ। ਅਸੀਂ ਕਈ ਅਭਿਨੇਤਰੀਆਂ ਦੇ ਆਡੀਸ਼ਨ ਲਏ। ਸਾਡੇ ਕੋਲ ਸਭ ਤੋਂ ਪਹਿਲਾਂ ਹੀਰੋਇਨ ਲਈ ਪ੍ਰਿਆ ਦੀ ਗੂਗਲ ਵਾਲੀ ਫੋਟੋ ਭੇਜੀ ਗਈ ਸੀ। ਉਸ ਨੂੰ ਦੇਖ ਕੇ ਅਸੀਂ ਇਨਕਾਰ ਕਰ ਦਿੱਤਾ। ਉਸ ਸਮੇਂ ਉਨ੍ਹਾਂ ਦਾ ਆਡੀਸ਼ਨ ਵੀ ਨਹੀਂ ਹੋਇਆ ਸੀ। ਮਨਾਲੀ ਵਿੱਚ ਸ਼ੂਟਿੰਗ ਦੇ ਸੱਤ ਦਿਨ ਪਹਿਲਾਂ ਮੁਕੇਸ਼ ਛਾਬੜਾ ਨੇ ਪ੍ਰਿਆ ਦਾ ਆਡੀਸ਼ਨ ਲੈਣ ਲਈ ਕਿਹਾ। ਅਸੀਂ ਕਿਹਾ; ਠੀਕ ਹੈ। ਉਹ ਸਾਡੇ ਘਰ ਆਈ। ਉਨ੍ਹਾਂ ਸਕ੍ਰਿਪਟ ਪੜ੍ਹੀ। ਉਨ੍ਹਾਂ ਨੇ ਜਿਸ ਤਰ੍ਹਾਂ ਸਕ੍ਰਿਪਟ ਪੜ੍ਹੀ ਤਾਂ ਲੱਗਾ ਕਿ ਇਹੀ ਸਾਡੀ ਹੀਰੋਇਨ ਹੈ। ਮਨਾਲੀ ਪਹੁੰਚਣ ਉਤੇ ਸਾਨੂੰ ਅਹਿਸਾਸ ਹੋਇਆ ਕਿ ਇਹ ਤਾਂ ਉਹੀ ਲੜਕੀ ਹੈ, ਜਿਸ ਦੀ ਫੋਟੋ ਦੇਖ ਕੇ ਅਸੀਂ ਲੈਣ ਤੋਂ ਇਨਕਾਰ ਕਰ ਦਿੱਤਾ ਸੀ।”
ਇਸ ਖੁਲਾਸੇ ਦੇ ਬਾਅਦ ਉਨ੍ਹਾਂ ਨੇ ਪ੍ਰਿਆ ਨੂੰ ਗੂਗਲ ਤੋਂ ਪੁਰਾਣੀ ਫੋਟੋ ਹਟਾਉਣ ਲਈ ਕਿਹਾ। ਪ੍ਰਿਆ ਨੇ ਵੀ ਹੱਸਦੇ ਹੋਏ ਕਿਹਾ ਕਿ ਉਹ ਉਸ ਫੋਟੋ ਨੂੰ ਜ਼ਰੂਰ ਲਾਵੇਗੀ। ਲਲਿਤ ਮੋਹਨ ਦੇ ਨਿਰਦੇਸ਼ਨ ਵਾਲੀ ‘ਹਮੇ ਤੁਮਸੇ ਪਿਆਰ ਕਿਤਨਾ’ 28 ਜੂਨ ਨੂੰ ਰਿਲੀਜ਼ ਹੋਵੇਗੀ।