Welcome to Canadian Punjabi Post
Follow us on

02

June 2020
ਕੈਨੇਡਾ

ਘਰ ਦੀ ਤਲਾਸ਼ੀ ਲੈਣ ਗਏ ਅਧਿਕਾਰੀਆਂ ਉੱਤੇ ਮਸ਼ਕੂਕ ਨੇ ਚਲਾਈਆਂ ਗੋਲੀਆਂ, 1 ਹਲਾਕ, 6 ਜ਼ਖ਼ਮੀ

October 04, 2018 09:06 PM

ਫਲੋਰੈਂਸ, 4 ਅਕਤੂਬਰ (ਪੋਸਟ ਬਿਊਰੋ) : ਇੱਕ ਘਰ ਦੇ ਸਰਚ ਵਾਰੰਟ ਲੈ ਕੇ ਘਰ ਦੀ ਤਲਾਸ਼ੀ ਲੈਣ ਗਏ ਇੱਕ ਪੁਲਿਸ ਅਧਿਕਾਰੀ ਤੇ ਉਸ ਦੇ ਛੇ ਕਾਮਰੇਡਾਂ ਉੱਤੇ ਘਰ ਦੇ ਅੰਦਰੋਂ ਇੱਕ ਵਿਅਕਤੀ ਵੱਲੋਂ ਚਲਾਈਆਂ ਗਈਆਂ ਗੋਲੀਆਂ ਕਾਰਨ ਪੁਲਿਸ ਅਧਿਕਾਰੀ ਦੀ ਮੌਕੇ ਉੱਤੇ ਹੀ ਮੌਤ ਹੋ ਗਈ। ਮਾਰੇ ਗਏ ਪੁਲਿਸ ਅਧਿਕਾਰੀ ਦੇ ਨਾਲ ਆਪਣੀ ਡਿਊਟੀ ਉੱਤੇ ਗਏ ਅਧਿਕਾਰੀ ਵੀ ਜ਼ਖ਼ਮੀ ਹੋ ਗਏ। ਇਹ ਗੋਲੀ ਕਾਂਡ ਕਈ ਘੰਟੇ ਤੱਕ ਜਾਰੀ ਰਿਹਾ ਕਿਉਂਕਿ ਘਰ ਵਿੱਚ ਮੌਜੂਦ ਵਿਅਕਤੀ ਨੇ ਬੱਚਿਆਂ ਸਮੇਤ ਖੁਦ ਨੂੰ ਬੰਦ ਕਰ ਰੱਖਿਆ ਸੀ ਤੇ ਤਲਾਸ਼ੀ ਲੈਣ ਆਈ ਟੀਮ ਉੱਤੇ ਦੂਰੋਂ ਹੀ ਗੋਲੀਆਂ ਚਲਾ ਰਿਹਾ ਸੀ। ਇੱਥੇ ਦੱਸਣਾ ਬਣਦਾ ਹੈ ਕਿ ਬੁੱਧਵਾਰ ਨੂੰ ਜ਼ਖ਼ਮੀ ਅਧਿਕਾਰੀਆਂ ਨੂੰ ਹਸਪਤਾਲ ਲਿਜਾਣ ਲਈ ਬੁਲਟ ਪਰੂਫ ਗੱਡੀ ਦੀ ਵਰਤੋਂ ਕੀਤੀ ਗਈ। ਆਖਿਰਕਾਰ ਸੂ਼ਟਰ ਨੇ ਬੱਚਿਆਂ ਨੂੰ ਰਿਹਾਅ ਕਰ ਦਿੱਤਾ ਤੇ ਫਿਰ ਉਸ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ। ਇੱਕ ਨਿਊਜ਼ ਕਾਨਫਰੰਸ ਵਿੱਚ ਫਲੋਰੈਂਸ ਕਾਊਂਟੀ ਸੈ਼ਰਿਫ ਕੈਨੀ ਬੂਨ ਨੇ ਆਖਿਆ ਕਿ ਅਧਿਕਾਰੀ ਉੱਥੇ ਇਸ ਗੱਲ ਤੋਂ ਅਣਜਾਣ ਹੀ ਗਏ ਸਨ ਕਿ ਮਸ਼ਕੂਕ ਕੋਲ ਕੋਈ ਹਥਿਆਰ ਵੀ ਸਨ। ਉਨ੍ਹਾਂ ਦੱਸਿਆ ਕਿ ਉਹ ਵਿਅਕਤੀ ਅਸਾਨੀ ਨਾਲ ਸਾਰਿਆਂ ਨੂੰ ਵੇਖ ਸਕਦਾ ਸੀ ਤੇ ਸੱਭ ਉੱਤੇ ਗੋਲੀਆਂ ਚਲਾ ਸਕਦਾ ਸੀ। ਇੱਥੇ ਆਏ ਤੂਫਾਨ ਤੇ ਹੜ੍ਹਾਂ ਦੇ ਝੰਬੇ ਲੋਕ ਇਸ ਤਰ੍ਹਾਂ ਦੀ ਹਿੰਸਕ ਘਟਨਾ ਬਾਰੇ ਸੁਣ ਕੇ ਹੈਰਾਨ ਹਨ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਸਮੇਂ ਸ਼ੈਰਿਫ ਤੇ ਪੁਲਿਸ ਮੁਖੀ ਦੋਵੇਂ ਰੋ ਪਏ। ਮਾਰੇ ਗਏ ਪੁਲਿਸ ਅਧਿਕਾਰੀ ਡਾਰਲਿੰਗਟਨ ਦੇ 52 ਸਾਲਾ ਟੈਰੈਂਸ ਕੈਰਾਵੇਅ ਨੂੰ ਅਜੇ ਕੁੱਝ ਸਮਾਂ ਪਹਿਲਾਂ ਹੀ ਫਲੋਰੈਂਸ ਪੁਲਿਸ ਵਿਭਾਗ ਨਾਲ 30 ਸਾਲ ਤੱਕ ਸੇਵਾ ਨਿਭਾਉਣ ਬਦਲੇ ਸਨਮਾਨਿਤ ਕੀਤਾ ਗਿਆ ਸੀ। ਅਧਿਕਾਰੀਆਂ ਨੇ ਇਹ ਦੱਸਣ ਤੋਂ ਇਨਕਾਰ ਕਰ ਦਿੱਤਾ ਸੀ ਕਿ ਉਨ੍ਹਾਂ ਵੱਲੋਂ ਵਾਰੰਟ ਰਾਹੀਂ ਤਲਾਸ਼ੀ ਕਿਉਂ ਲਈ ਜਾ ਰਹੀ ਹੈ। ਉਨ੍ਹਾਂ ਮਸ਼ਕੂਕ ਦਾ ਨਾਂ ਵੀ ਨਹੀਂ ਦੱਸਿਆ।

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਫੋਰਡ ਵੱਲੋਂ ਪ੍ਰੋਵਿੰਸ ਵਿੱਚ ਸਟੇਟ ਆਫ ਐਮਰਜੰਸੀ ਅਗਲੇ 28 ਦਿਨਾਂ ਲਈ ਹੋਰ ਵਧਾਉਣ ਦੀ ਸੰਭਾਵਨਾ
ਕੈਨੇਡਾ ਵਿੱਚ ਆਪਣੇ ਟਾਇਰ ਐਂਡ ਲਿਊਬ ਐਕਸਪ੍ਰੱੈਸ ਸੈਂਟਰ ਬੰਦ ਕਰੇਗਾ ਵਾਲਮਾਰਟ
ਰੂਸ ਨੂੰ ਜੀ-7 ਵਿੱਚ ਮੁੜ ਸ਼ਾਮਲ ਕਰਨ ਦੀ ਟਰੰਪ ਦੀ ਪੇਸ਼ਕਸ਼ ਟਰੂਡੋ ਨੇ ਠੁਕਰਾਈ
ਮਿਊਂਸਪੈਲਿਟੀਜ਼ ਦੀ ਮਦਦ ਲਈ ਫੈਡਰਲ ਸਰਕਾਰ ਜਲਦ ਮੁਹੱਈਆ ਕਰਾ ਸਕਦੀ ਹੈ 2.2 ਬਿਲੀਅਨ ਡਾਲਰ
ਪੰਛੀ ਦੇ ਟਕਰਾਉਣ ਨਾਲ ਹੋਇਆ ਸੀ “ਸਨੋਅਬਰਡਜ਼” ਜਹਾਜ਼ ਹਾਦਸਾਗ੍ਰਸਤ?
ਸੰਯੁਕਤ ਰਾਸ਼ਟਰ ਦੀ ਸੁਰੱਖਿਆ ਕਾਉਂਸਲ ਦੀ ਅਸਥਾਈ ਸੀਟ ਲਈ ਚੋਣ ਜੂਨ ਵਿੱਚ
ਵੁੱਡਬ੍ਰਿਜ ਲਾਂਗ ਟਰਮ ਕੇਅਰ ਹੋਮ ਦੇ ਅਠਾਰਾਂ ਮਰੀਜ਼ਾਂ ਨੂੰ ਹਸਪਤਾਲ ਭੇਜਿਆ
ਲਾਂਗ ਟਰਮ ਕੇਅਰ ਹੋਮਜ਼ ਦੇ ਸੰਕਟ ਨਾਲ ਸਿੱਝਣ ਲਈ ਅਹਿਮ ਭੂਮਿਕਾ ਨਿਭਾਵੇ ਫੈਡਰਲ ਸਰਕਾਰ : ਜਗਮੀਤ ਸਿੰਘ
44 ਸਾਲਾ ਵਿਅਕਤੀ ਦੇ ਕਤਲ ਦੀ ਹੈਮਿਲਟਨ ਪੁਲਿਸ ਕਰ ਰਹੀ ਹੈ ਜਾਂਚ
ਰੈਪਰ ਹੁਡਿਨੀ ਨੂੰ ਮਾਰੀਆਂ ਗਈਆਂ ਗੋਲੀਆਂ ਸਮੇਂ ਮਸ੍ਹਾਂ ਬਚੀ ਛੇ ਸਾਲਾ ਬੱਚੇ ਦੀ ਜਾਨ