Welcome to Canadian Punjabi Post
Follow us on

26

May 2020
ਕੈਨੇਡਾ

ਐਂਟੀ ਰੇਸਿਜ਼ਮ ਪੇਸ਼ਕਦਮੀਆਂ ਲਈ ਫੋਰਡ ਸਰਕਾਰ ਨੇ ਰੱਖਿਆ ਸਿਰਫ 1000 ਡਾਲਰ ਦਾ ਬਜਟ!

May 15, 2019 09:04 AM

ਕੁਈਨਜ਼ ਪਾਰਕ, 14 ਮਈ (ਪੋਸਟ ਬਿਊਰੋ) : ਕਈ ਮਹੀਨਿਆਂ ਤੱਕ ਐਂਟੀ ਰੇਸਿਜ਼ਮ ਡਾਇਰੈਕਟੋਰੇਟ ਤੇ ਓਨਟਾਰੀਓ ਭਰ ਵਿੱਚ ਹੋਰਨਾਂ ਐਂਟੀ ਰੇਸਿਜ਼ਮ ਪੇਸ਼ਕਦਮੀਆਂ ਬਾਰੇ ਮੁੱਖ ਵਿਰੋਧੀ ਧਿਰ ਐਨਡੀਪੀ, ਮੀਡੀਆ ਤੇ ਜਨਤਾ ਦੇ ਸਵਾਲਾਂ ਨੂੰ ਟਾਲਦੇ ਰਹਿਣ ਤੋਂ ਬਾਅਦ ਫੋਰਡ ਸਰਕਾਰ ਨੇ ਆਖਿਰਕਾਰ ਇਹ ਖੁਲਾਸਾ ਕਰ ਦਿੱਤਾ ਹੈ ਕਿ ਉਨ੍ਹਾਂ ਨੇ ਐਂਟੀ ਰੇਸਿਜ਼ਮ ਪੇਸ਼ਕਦਮੀਆਂ ਲਈ 1000 ਡਾਲਰ ਰਾਖਵੇਂ ਰੱਖੇ ਹਨ।
ਮੰਗਲਵਾਰ ਨੂੰ ਐਂਟੀ ਰੇਸਿਜ਼ਮ ਲਈ ਵਿਰੋਧੀ ਧਿਰ ਐਨਡੀਪੀ ਦੀ ਕ੍ਰਿਟਿਕ ਲੌਰਾ ਮੇਅ ਲਿੰਡੋ ਨੇ ਪੁੱਛਿਆ ਕਿ ਫੋਰਡ ਸਰਕਾਰ ਨੂੰ ਇਹ ਕਿਉਂ ਲੱਗਦਾ ਹੈ ਕਿ 1000 ਡਾਲਰ ਅਜਿਹੇ ਸਮੇਂ ਐਂਟੀ ਰੇਸਿਜ਼ਮ ਪੇਸ਼ਕਦਮੀਆਂ ਲਈ ਕਾਫੀ ਹਨ ਜਦੋਂ ਕਮਿਊਨਿਟੀ ਮੈਂਬਰਜ਼, ਐਡਵੋਕੇਟਸ, ਸਟੈਟੇਸਟਿਕਸ ਕੈਨੇਡਾ ਤੇ ਓਨਟਾਰੀਓ ਹਿਊਮਨ ਰਾਈਟਸ ਕਮਿਸ਼ਨ (ਓਐਚਆਰਸੀ) ਸਮੇਤ ਹੋਰਨਾਂ ਮਾਹਿਰਾਂ ਦਾ ਇਹ ਮੰਨਣਾ ਹੈ ਕਿ ਨਸਲਵਾਦ ਤੇ ਹੇਟ ਕ੍ਰਾਈਮ ਇਸ ਸਮੇਂ ਸਿਖਰ ਉੱਤੇ ਹੈ। ਪ੍ਰਸ਼ਨ ਕਾਲ ਦੌਰਾਨ ਲਿੰਡੋ ਨੇ ਆਖਿਆ ਕਿ ਇਹ ਐਸਟੀਮੇਟਸ ਸਾਨੂੰ ਇਹੋ ਕਹਾਣੀ ਦੱਸਦੇ ਹਨ ਕਿ ਫੋਰਡ ਦੀ ਅਗਵਾਈ ਵਾਲੀ ਕੰਜ਼ਰਵੇਟਿਵ ਸਰਕਾਰ ਨਸਲੀ ਨਿਆਂ ਸਬੰਧੀ ਕੰਮ ਕਰਨ ਵਿੱਚ ਦਿਲਚਸਪੀ ਨਹੀਂ ਰੱਖਦੀ।
ਨਸਲਵਾਦ ਦੇ ਸਬੰਧ ਵਿੱਚ ਫੋਰਡ ਤੇ ਉਨ੍ਹਾਂ ਦੀ ਸਰਕਾਰ ਠੋਸ ਕਦਮ ਚੁੱਕਣ ਦੀ ਇੱਛਾ ਨਹੀਂ ਰੱਖਦੀ। ਸਟਾਫ ਤੇ ਇਸ਼ਤਿਹਾਰਬਾਜ਼ੀ ਲਈ ਪੈਸੇ ਵੀ ਰਾਖਵੇਂ ਰੱਖੇ ਗਏ ਹਨ ਪਰ ਅਸਲ ਐਂਟੀ ਰੇਸਿਜ਼ਮ ਕੰਮ ਲਈ ਕੋਈ ਰਕਮ ਨਹੀਂ ਰੱਖੀ ਗਈ। ਇਨ੍ਹਾਂ ਮੁੱਦਿਆਂ ਦੇ ਨਾਲ ਨਾਲ ਸਿਆਹ ਨਸਲ, ਮੂਲਵਾਸੀਆਂ, ਯਹੂਦੀਆਂ ਤੇ ਮੁਸਲਮਾਨਾਂ ਲਈ ਬਣਾਈਆਂ ਗਈਆਂ ਐਂਟੀ ਰੇਸਿਜ਼ਮ ਸਬਕਮੇਟੀਆਂ ਲਈ ਕੋਈ ਰਕਮ ਨਹੀਂ ਰੱਖੀ ਗਈ। ਸਗੋਂ ਹੇਟ ਕ੍ਰਾਈਮ ਸਿਖਰ ਉੱਤੇ ਹੋਣ ਦੇ ਬਾਵਜੂਦ ਸਰਕਾਰ ਅਜਿਹੀਆਂ ਕਮੇਟੀਆਂ ਭੰਗ ਕਰ ਰਹੀ ਹੈ।
ਉਨ੍ਹਾਂ ਆਖਿਆ ਕਿ ਕੀ ਪ੍ਰੀਮੀਅਰ ਇਹ ਮੰਨਦੇ ਹਨ ਕਿ 1000 ਡਾਲਰ ਨਾਲ ਅਸੀਂ ਨਸਲਵਾਦ ਖਿਲਾਫ ਲੜਾਈ ਲੜ ਸਕਦੇ ਹਾਂ? ਦੂਜੇ ਪਾਸੇ ਫੋਰਡ ਸਰਕਾਰ ਵੱਲੋਂ ਇਸ ਦਾ ਸਪਸ਼ਟ ਉੱਤਰ ਦੇਣ ਤੋਂ ਇਨਕਾਰ ਕਰ ਦਿੱਤਾ ਗਿਆ।

 

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਪੀਪੀਈ ਬਾਰੇ ਕੈਨੇਡੀਅਨਾਂ ਨੂੰ ਅੱਜ ਜਾਣੂ ਕਰਾਵੇਗੀ ਫੈਡਰਲ ਸਰਕਾਰ
ਐਨਵਾਇਰਮੈਂਟ ਕੈਨੇਡਾ ਵੱਲੋਂ ਓਨਟਾਰੀਓ ਵਿੱਚ ਹੀਟ ਵਾਰਨਿੰਗ ਜਾਰੀ
ਓਨਟਾਰੀਓ ਸਰਕਾਰ ਵੱਲੋਂ ਸੋਸ਼ਲ ਗੈਦਰਿੰਗਜ਼ ਉੱਤੇ ਲਾਈਆਂ ਗਈਆਂ ਪਾਬੰਦੀਆਂ ਨੂੰ ਨਾ ਹਟਾਉਣ ਦਾ ਫੈਸਲਾ
ਪ੍ਰੋਵਿੰਸ਼ੀਅਲ ਰੀਓਪਨਿੰਗਜ਼ ਕਾਰਨ ਲੋਕ ਭੰਬਲਭੂਸੇ ਵਿੱਚ ਹਨ : ਟਰੂਡੋ
ਸਾਲ ਵਿੱਚ ਇੱਕ ਵਾਰੀ ਪੇਡ ਸਿੱਕ ਲੀਵ ਉੱਤੇ ਜ਼ੋਰ ਦੇ ਰਹੀ ਹੈ ਫੈਡਰਲ ਸਰਕਾਰ
ਪਾਰਲੀਆਮੈਂਟ ਦੀ ਕਾਰਵਾਈ ਬਾਰੇ ਫੈਸਲਾ ਕਰਨ ਲਈ ਅੱਜ ਮੀਟਿੰਗ ਕਰਨਗੇ ਐਮਪੀਜ਼
ਓਨਟਾਰੀਓ ਵਿੱਚ ਕੋਵਿਡ-19 ਮਾਮਲਿਆਂ ਵਿੱਚ ਹੋਇਆ ਵਾਧਾ
ਚਾਰੇ ਮੁੱਖ ਪਾਰਟੀਆਂ ਨੇ ਫੈਡਰਲ ਵੇਜ ਸਬਸਿਡੀ ਲਈ ਕੀਤਾ ਅਪਲਾਈ
ਫੋਰਡ ਵੱਲੋਂ ਸਾਰੇ ਓਨਟਾਰੀਓ ਵਾਸੀਆਂ ਨੂੰ ਆਪਣਾ ਕੋਵਿਡ-19 ਟੈਸਟ ਕਰਵਾਉਣ ਦੀ ਅਪੀਲ
ਸਰਹੱਦਾਂ ਬੰਦ ਕਰਨ ਵਿੱਚ ਕੈਨੇਡਾ ਨੇ ਵਿਖਾਈ ਸੁਸਤੀ : ਟੈਮ