Welcome to Canadian Punjabi Post
Follow us on

05

June 2020
ਭਾਰਤ

ਕ੍ਰਿਸ਼ਨ ਭਗਵਾਨ ਦਾ ਜਨਮ ਸਰਟੀਫਿਕੇਟ ਮੰਗਣ ਨਾਲ ਪ੍ਰਸ਼ਾਸਨ ਜੱਕੋ-ਤੱਕੀ ਵਿੱਚ ਪਿਆ

October 04, 2018 08:37 AM

* ਪੁੱਛਣ ਵਾਲੇ ਨੇ ਪੁੱਛਿਆ: ਕ੍ਰਿਸ਼ਨ ਭਗਵਾਨ ਕਿਵੇਂ ਸਨ

ਮਥੁਰਾ, 3 ਅਕਤੂਬਰ (ਪੋਸਟ ਬਿਊਰੋ)- ਛੱਤੀਸਗੜ੍ਹ ਦੇ ਸੂਚਨਾ ਅਧਿਕਾਰ ਵਰਕਰ ਨੇ ਮਥੁਰਾ ਦੇ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਭਗਵਾਨ ਕ੍ਰਿਸ਼ਨ ਦੇ ਜਨਮ, ਉਸ ਦੇ ਪਿੰਡ, ਉਨ੍ਹਾਂ ਦੀਆਂ ਲੀਲਾ ਦੀ ਜਾਣਕਾਰੀ ਮੰਗੀ ਹੈ। ਪ੍ਰਸ਼ਾਸਨ ਜਕੋ-ਤਕੀ ਵਿੱਚ ਹੈ ਕਿ ਇਸ ਅਰਜ਼ੀ ਦਾ ਜਵਾਬ ਕੀ ਦਿੱਤਾ ਜਾਵੇ। ਜ਼ਿਲ੍ਹੇ ਦੇ ਮੁੱਖ ਲੋਕ ਸੰਪਰਕ ਅਧਿਕਾਰੀ ਰਮੇਸ਼ ਚੰਦਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਸਮਝ ਨਹੀਂ ਆ ਰਿਹਾ ਕਿ ਨਿੱਜੀ ਸ਼ਰਧਾ ਨਾਲ ਜੁੜੇ ਇਨ੍ਹਾਂ ਸਵਾਲਾਂ ਦਾ ਜਵਾਬ ਕੀ ਦਿੱਤਾ ਜਾਵੇ?
ਮਿਲੀ ਜਾਣਕਾਰੀ ਅਨੁਸਾਰ ਛੱਤੀਸਗੜ੍ਹ ਰਾਜ ਦੇ ਬਿਲਾਸਪੁਰ ਜਿ਼ਲੇ ਦੇ ਗੁਮਾ ਪਿੰਡ ਦੇ ਜੈਨੰਦਰ ਕੁਮਾਰ ਨੇ ਜ਼ਿਲ੍ਹਾ ਪ੍ਰਸ਼ਾਸਨ ਨੂੰ ਪੁੱਛਿਆ ਹੈ ਕਿ ਬੀਤੀ ਤਿੰਨ ਸਤੰਬਰ ਨੂੰ ਦੇਸ਼ ਵਿੱਚ ਕ੍ਰਿਸ਼ਨ ਜਨਮ ਅਸ਼ਟਮੀ ਦੀ ਛੁੱਟੀ ਐਲਾਨ ਕੇ ਭਗਵਾਨ ਕ੍ਰਿਸ਼ਨ ਦਾ ਜਨਮ ਦਿਨ ਮਨਾਇਆ ਗਿਆ, ਕ੍ਰਿਪਾ ਕਰ ਕੇ ਭਗਵਾਨ ਕ੍ਰਿਸ਼ਨ ਦੇ ਜਨਮ ਸਰਟੀਫਿਕੇਟ ਦੀ ਸਰਟੀਫਾਈਡ ਕਾਪੀ ਦਿੱਤੀ ਜਾਵੇ, ਜਿਸ ਤੋਂ ਸਿੱਧ ਹੋਵੇ ਕਿ ਉਨ੍ਹਾਂ ਦਾ ਜਨਮ ਉਸੇ ਦਿਨ ਹੋਇਆ ਸੀ। ਉਸ ਨੇ ਇਹ ਵੀ ਪੁੱਛਿਆ ਹੈ ਕਿ ਕੀ ਕ੍ਰਿਸ਼ਨ ਜੀ ਸੱਚਮੁੱਚ ਭਗਵਾਨ ਸਨ? ਅਤੇ ਜੇ ਉਹ ਭਗਵਾਨ ਸਨ ਤਾਂ ਕਿਵੇਂ ਸਨ? ਬੇਨਤੀ ਇਹ ਕੀਤੀ ਗਈ ਹੈ ਕਿ ਕ੍ਰਿਸ਼ਨ ਜੀ ਦੇ ਭਗਵਾਨ ਹੋਣ ਦਾ ਸਰਟੀਫਿਕੇਟ ਵੀ ਦਿੱਤਾ ਜਾਵੇ। ਇਹੀ ਨਹੀਂ, ਉਸ ਵਿਅਕਤੀ ਨੇ ਇਹ ਵੀ ਪੁੱਛਿਆ ਹੈ ਕਿ ਭਗਵਾਨ ਕ੍ਰਿਸ਼ਨ ਦਾ ਪਿੰਡ ਕਿਹੜਾ ਸੀ ਅਤੇ ਉਨ੍ਹਾਂ ਨੇ ਕਿਹੜੀਆਂ ਕਿਹੜੀਆਂ ਲੀਲਾ ਕੀਤੀਆਂ?
ਇਨ੍ਹਾਂ ਸਵਾਲਾਂ ਨਾਲ ਸ਼ਸ਼ੋਪੰਜ ਵਿਚ ਪਏ ਅਧਿਕਾਰੀ ਰਮੇਸ਼ ਚੰਦਰ ਦਾ ਕਹਿਣਾ ਹੈ ਕਿ ਹਿੰਦੂ ਧਰਮ ਦੇ ਸਾਰੇ ਗ੍ਰੰਥਾਂ, ਪੁਸਤਕਾਂ ਵਿੱਚ ਇਸ ਤਰ੍ਹਾਂ ਦੇ ਵੇਰਵੇ ਮੌਜੂਦ ਹਨ ਕਿ ਭਗਵਾਨ ਕ੍ਰਿਸ਼ਨ ਦਾ ਜਨਮ ਦੁਆਪਰ ਯੁੱਗ ਵੇਲੇ ਦੇ ਸੌਰਸੇਨ, ਜਿਸ ਨੂੰ ਅੱਜ ਕੱਲ੍ਹ ਮਥੁਰਾ ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ, ਵਿੱਚ ਹੋਇਆ ਸੀ ਅਤੇ ਉਨ੍ਹਾਂ ਨੇ ਇਥੇ ਕਈ ਲੀਲਾਵਾਂ ਕੀਤੀਆਂ ਸਨ। ਉਨ੍ਹਾਂ ਕਿਹਾ ਕਿ ਨਿੱਜੀ ਸ਼ਰਧਾ ਨਾਲ ਜੁੜੇ ਸਵਾਲਾਂ ਦਾ ਕੀ ਜਵਾਬ ਦਿੱਤਾ ਜਾਵੇ, ਇਸ 'ਤੇ ਵਿਚਾਰ ਕੀਤਾ ਜਾਵੇਗਾ।

 

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਤਬਲੀਗੀ ਜਮਾਤ ਦੇ 2200 ਵਿਦੇਸ਼ੀ ਮੈਂਬਰ ਭਾਰਤ ਨੇ 10 ਸਾਲਾਂ ਲਈ ਬਲੈਕਲਿਸਟ ਕੀਤੇ
ਅੱਠ ਜੂਨ ਤੋਂ ਭਾਰਤ ਵਿੱਚ ਧਾਰਮਿਕ ਸਥਾਨ ਅਤੇ ਸ਼ਾਪਿੰਗ ਮਾਲ ਖੁੱਲ੍ਹਣਗੇ
ਕੋਰੋਨਾ ਲਾਕਡਾਊਨ: ਕਰਜ਼ਾ ਕਿਸ਼ਤਾਂ ਛੱਡਣ, ਪਰ ਵਿਆਜ ਲੈਣ ਦੇ ਫੈਸਲੇ ਤੋਂ ਸੁਪਰੀਮ ਕੋਰਟ ਨਾਰਾਜ਼
ਜੈਸ਼ੇ ਮੁਹੰਮਦ ਦੇ ਆਈ ਈ ਡੀ ਮਾਹਿਰ ‘ਫ਼ੌਜੀ ਭਾਈ’ ਸਮੇਤ ਤਿੰਨ ਅੱਤਵਾਦੀ ਹਲਾਕ
ਗੈਸ ਲੀਕੇਜ ਕਾਂਡ: ਮੌਤਾਂ ਅਤੇ ਸਿਹਤ ਨੂੰ ਖਤਰੇ ਲਈ ਐਲ ਜੀ ਪੌਲੀਮਰਜ਼ ਜਵਾਬਦੇਹ: ਐਨ ਜੀ ਟੀ
ਇੰਡੀਆ ਜਾਂ ਭਾਰਤ ਨਾਂਅ ਦੀ ਪਟੀਸ਼ਨ ਨੂੰ ਵਿਚਾਰਨ ਤੋਂ ਸੁਪਰੀਮ ਕੋਰਟ ਦਾ ਇਨਕਾਰ
ਭਾਰਤ-ਚੀਨ ਦੇ ਫ਼ੌਜ ਅਧਿਕਾਰੀ ਲੱਦਾਖ ਵਿਚਲੇ ਤਣਾਅ ਬਾਰੇ ਉੱਚ ਪੱਧਰੀ ਗੱਲਬਾਤ ਕਰਨਗੇ
ਭਾਰਤ ਸਰਕਾਰ ਦਾ ਅਹਿਮ ਫੈਸਲਾ: ਕਿਸਾਨਾਂ ਲਈ ‘ਇੱਕ ਦੇਸ਼ ਇੱਕ ਬਾਜ਼ਾਰ` ਸਕੀਮ ਲਾਗੂ
ਮਨੋਜ ਤਿਵਾੜੀ ਤੋਂ ਦਿੱਲੀ ਭਾਜਪਾ ਦੀ ਪ੍ਰਧਾਨਗੀ ਖੋਹ ਕੇ ਆਦੇਸ਼ ਨੂੰ ਦਿੱਤੀ ਗਈ
ਇੰਡੀਗੋ ਕੰਪਨੀ ਲਾਗਤ ਘਟਾਉਣ ਲਈ ਪੁਰਾਣੇ ਜਹਾਜ਼ ਵਾਪਸ ਕਰ ਦੇਵੇਗੀ