Welcome to Canadian Punjabi Post
Follow us on

22

October 2018
ਬ੍ਰੈਕਿੰਗ ਖ਼ਬਰਾਂ :
ਅੰਤਰਰਾਸ਼ਟਰੀ

ਅਰਬਾਂ ਡਾਲਰ ਦੇ ਘਪਲੇ ਵਿੱਚ ਸਾਬਕਾ ਪ੍ਰਧਾਨ ਮੰਤਰੀ ਦੀ ਪਤਨੀ ਗ੍ਰਿਫਤਾਰ

October 04, 2018 08:21 AM

ਕੁਆਲਾਲੰਪੁਰ, 3 ਅਕਤੂਬਰ (ਪੋਸਟ ਬਿਊਰੋ)- ਮਲੇਸ਼ੀਆ ਦੇ ਸਾਬਕਾ ਪ੍ਰਧਾਨ ਮੰਤਰੀ ਦੀ ਪਤਨੀ ਰੋਸਮਾ ਮੰਸੂਰ ਨੂੰ ਅੱਜ ਅਰਬਾਂ ਡਾਲਰ ਦੇ ਘਪਲੇ ਦੇ ਕੇਸ ਵਿਚ ਭ੍ਰਿਸ਼ਟਾਚਾਰ ਰੋਕੂ ਕਮਿਸ਼ਨ ਨੇ ਗ੍ਰਿਫਤਾਰ ਕਰ ਲਿਆ। ਇਸ ਘਪਲੇ ਕਾਰਨ ਹੀ ਪਿਛਲੀ ਸਰਕਾਰ ਨੂੰ ਸੱਤਾ ਤੋਂ ਹੱਥ ਧੋਣੇ ਪਏ ਸਨ।
ਕੌਮਾਂਤਰੀ ਧੋਖਾਧੜੀ ਵਿਰੋਧੀ ਗਰੁੱਪ ਵਲੋਂ ਸਰਕਾਰੀ ਫੰਡ ਦੀ ਜਾਂਚ ਵਿਚ ਉਨ੍ਹਾਂ ਦੇ ਪਤੀ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਨਜੀਬ ਰੱਜ਼ਾਕ ਘੇਰੇ ਵਿਚ ਆਏ ਅਤੇ ਉਨ੍ਹਾਂ `ਤੇ ਭ੍ਰਿਸ਼ਟਾਚਾਰ ਅਤੇ ਮਨੀ ਲਾਂਡਰਿੰਗ ਸਮੇਤ ਦੋ ਦਰਜਨ ਤੋਂ ਵੱਧ ਦੋਸ਼ ਲੱਗੇ ਸਨ। ਇਸ ਵੇਲੇ ਉਹ ਜ਼ਮਾਨਤ `ਤੇ ਹਨ। ਰੋਸਮਾ ਮੰਸੂਰ ਦੇ ਵਕੀਲ ਕੇ. ਕੁਮਾਰੇਂਦ੍ਰਨ ਨੇ ਦੱਸਿਆ ਕਿ ਰੋਸਮਾ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਉਨ੍ਹਾਂ ਨੂੰ ਗ੍ਰਿਫਤਾਰ ਕਰਨ ਤੋਂ ਪਹਿਲਾਂ ਅੱਜ ਮਲੇਸ਼ੀਆ ਦੇ ਭ੍ਰਿਸ਼ਟਾਚਾਰ ਰੋਕੂ ਕਮਿਸ਼ਨ ਨੇ ਕਈ ਘੰਟੇ ਲੰਬੀ ਪੁੱਛ-ਗਿੱਛ ਕੀਤੀ ਸੀ। ਭ੍ਰਿਸ਼ਟਾਚਾਰ ਰੋਕੂ ਕਮਿਸ਼ਨ ਨੇ ਕਿਹਾ ਕਿ ਜੇ ਮੰਸੂਰ ਹਰੇਕ ਦੋਸ਼ ਵਿੱਚ ਦੋਸ਼ੀ ਠਹਿਰਾਈ ਜਾਂਦੀ ਹੈ ਤਾਂ ਉਨ੍ਹਾਂ ਨੂੰ 15 ਸਾਲ ਤਕ ਸਜ਼ਾ ਹੋ ਸਕਦੀ ਹੈ। ਰੋਸਮਾ ਮੰਸੂਰ ਕੁਆਲਾਲੰਪੁਰ ਦੇ ਬਾਹਰ ਮਲੇਸ਼ੀਆ ਦੀ ਪ੍ਰਸ਼ਾਸਕੀ ਰਾਜਧਾਨੀ ਪੁੱਤਰਜਯਾ ਵਿਚ ਕਮਿਸ਼ਨ ਦੇ ਮੁੱਖ ਦਫਤਰ ਵਿਚ ਰਹੇਗੀ। ਦੋ ਕਾਰਾਂ ਦੇ ਕਾਫਲੇ ਵਿਚ ਬੁੱਧਵਾਰ ਸਵੇਰੇ ਮੰਸੂਰ ਜਦੋਂ ਕਮਿਸ਼ਨ ਦੇ ਹੈੱਡ ਕੁਆਰਟਰ ਪੁੱਜੀ ਤਾਂ ਪੱਤਰਕਾਰਾਂ ਨੂੰ ਦੇਖ ਕੇ ਮੁਸਕਰਾਈ, ਪਰ ਉਨ੍ਹਾਂ ਨਾਲ ਗੱਲ ਨਹੀਂ ਕੀਤੀ। ਓਦੋਂ ਉਸ ਤੋਂ ਤੀਜੀ ਵਾਰ ਪੁੱਛ-ਗਿੱਛ ਕੀਤੀ ਗਈ, ਜਿਸ ਪਿੱਛੋਂ ਉਨ੍ਹਾਂ ਨੂੰ ਗ੍ਰਿ੍ਰਫਤਾਰ ਕਰ ਲਿਆ ਗਿਆ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਦੋ ਮਹੀਨੇ `ਚ ਕਰਜ਼ਾ ਨਾ ਮਿਲਿਆ ਤਾਂ ਪਾਕਿਸਤਾਨ ਸੰਕਟ ਵਿੱਚ ਫਸ ਜਾਵੇਗਾ: ਇਮਰਾਨ ਖਾਨ
ਇਰਾਕ ਵਿੱਚ ਪ੍ਰਸਿੱਧੀ ਵਾਲੀਆਂ ਔਰਤਾਂ ਦੇ ਕਤਲਾਂ ਨਾਲ ਦਹਿਸ਼ਤ
ਚੀਨ-ਹਾਂਗਕਾਂਗ ਦਰਮਿਆਨ ਬਣਿਆ ਸਭ ਤੋਂ ਲੰਮਾ ਪੁਲ ਬੁੱਧਵਾਰ ਨੂੰ ਖੁੱਲ੍ਹੇਗਾ
ਪਾਕਿਸਤਾਨ ਦੇ ਅੱਤਵਾਦ ਵਿਰੋਧੀ ਦਾਅਵੇ ਬਾਰੇ ਐੱਫ ਏ ਟੀ ਐੱਫ ਖੁਸ਼ ਨਹੀਂ
ਅਫਗਾਨਿਸਤਾਨ ਵਿੱਚ ਪਾਰਲੀਮੈਂਟਰੀ ਚੋਣਾਂ ਦੌਰਾਨ ਧਮਾਕੇ, 130 ਦੇ ਕਰੀਬ ਮੌਤਾਂ
ਸਾਊਦੀ ਅਰਬ ਨੇ ਆਪਣੇ ਕੌਂਸਲੇਟ ਵਿੱਚ ਪੱਤਰਕਾਰ ਖਾਸ਼ੋਗ਼ੀ ਦੀ ਮੌਤ ਹੋਈ ਮੰਨ ਲਈ
ਮੀਨਲ ਪਟੇਲ ਨੂੰ ਅਮਰੀਕਾ ਵਿੱਚ ਰਾਸ਼ਟਰਪਤੀ ਪੁਰਸਕਾਰ
ਇਟਲੀ ਵਿੱਚ ਦੋ ਸਿੱਖ ਨੌਜਵਾਨਾਂ ਨੂੰ ਸ੍ਰੀ ਸਾਹਿਬ ਪਹਿਨਣ ਉੱਤੇ ਮੋਟਾ ਜੁਰਮਾਨਾ
ਤਿੰਨ ਭਾਰਤੀ ਵਿਦਿਆਰਥੀ ਬ੍ਰੇਕ ਥਰੂ ਜੂਨੀਅਰ ਚੈਲਿੰਜ ਦੇ ਅੰਤਲੇ ਗੇੜ ਵਿੱਚ
ਟਰੰਪ ਦੇ ਮੁਰੀਦਾਂ ਲਈ ਬਣੇ ਡੇਟਿੰਗ ਐਪ ਵਿੱਚੋਂ ਪਹਿਲੇ ਦਿਨ ਹੀ ਡਾਟਾ ਲੀਕ