Welcome to Canadian Punjabi Post
Follow us on

22

May 2019
ਕੈਨੇਡਾ

ਆਂਗ ਸਾਨ ਸੂ ਕੀ ਹੁਣ ਨਹੀਂ ਰਹੀ ਕੈਨੇਡਾ ਦੀ ਆਨਰੇਰੀ ਸਿਟੀਜ਼ਨ

October 03, 2018 08:28 AM

ਓਟਵਾ, 2 ਅਕਤੂਬਰ (ਪੋਸਟ ਬਿਊਰੋ) : ਕੈਨੇਡਾ ਦੀ ਪਾਰਲੀਆਮੈਂਟ ਦੀਆਂ ਨਜ਼ਰਾਂ ਵਿੱਚ ਮਿਆਂਮਾਰ ਦੀ ਆਗੂ ਆਂਗ ਸਾਨ ਸੂ ਕੀ ਹੁਣ ਕੈਨੇਡਾ ਦੀ ਆਨਰੇਰੀ ਸਿਟੀਜ਼ਨ ਨਹੀਂ ਰਹੀ। ਮੰਗਲਵਾਰ ਨੂੰ ਸੈਨੇਟ ਨੇ ਵੀ ਉਸ ਮਤੇ ਉੱਤੇ ਮੋਹਰ ਲਾ ਦਿੱਤੀ ਜਿਸ ਨੂੰ ਪਿਛਲੇ ਹਫਤੇ ਐਮਪੀਜ਼ ਵੱਲੋਂ ਵੋਟ ਕਰਕੇ ਭੇਜਿਆ ਗਿਆ ਸੀ। ਜਿ਼ਕਰਯੋਗ ਹੈ ਕਿ ਪਿਛਲੇ ਹਫਤੇ ਐਮਪੀਜ਼ ਨੇ ਰੋਹਿੰਗਿਆ ਸੰਕਟ ਦੇ ਮੁੱਦੇ ਉੱਤੇ ਸੂ ਕੀ ਦੀ ਆਨਰੇਰੀ ਕੈਨੇਡੀਅਨ ਸਿਟੀਜ਼ਨਸਿ਼ਪ ਰੱਦ ਕਰਨ ਦਾ ਮਤਾ ਪੁਗਾਇਆ ਸੀ। ਅਜ਼ਾਦ ਸੈਨੇਟਰ ਰਤਨਾ ਓਮੀਦਵਾਰ ਨੇ ਮਤਾ ਲਿਆ ਕੇ ਸੈਨੇਟ ਤੋਂ ਵੀ ਹਾਊਸ ਆਫ ਕਾਮਨਜ਼ ਦਾ ਇਸ ਮਾਮਲੇ ਵਿੱਚ ਸਾਥ ਦੇਣ ਦੀ ਅਪੀਲ ਕੀਤੀ। ਇਸ ਮਤੇ ਵਿੱਚ ਮਿਆਂਮਾਰ ਵਿੱਚ ਰੋਹਿੰਗਿਆ ਮੁਸਲਮਾਨਾਂ ਨਾਲ ਸਥਾਨਕ ਫੌਜ ਵੱਲੋਂ ਕੀਤੇ ਜਾ ਰਹੇ ਵਿਵਹਾਰ ਨੂੰ ਨਸਲਕੁਸ਼ੀ ਦੱਸਿਆ ਗਿਆ।
ਕੌਮਾਂਤਰੀ ਦਬਾਅ ਦੇ ਬਾਵਜੂਦ ਸੂ ਕੀ ਰੋਹਿੰਗਿਆ ਮੁਸਲਮਾਨਾਂ ਦੀ ਆਬਾਦੀ ਨਾਲ ਮਿਆਂਮਾਰ ਵਿੱਚ ਹੋ ਰਹੇ ਸਲੂਕ ਤੇ ਵਧੀਕੀਆਂ ਦੀ ਨਿਖੇਧੀ ਕਰਨ ਵਿੱਚ ਅਸਫਲ ਰਹੀ। ਹੁਣ ਤੱਕ ਘੱਟੋ ਘੱਟ 10,000 ਮੁਸਲਮਾਨ ਮਾਰੇ ਜਾ ਚੁੱਕੇ ਹਨ। ਇਹ ਸੰਯੁਕਤ ਰਾਸ਼ਟਰ ਦਾ ਅੰਦਾਜ਼ਾ ਹੈ। ਇਸ ਤੋਂ ਇਲਾਵਾ 700,000 ਤੋਂ ਵੱਧ ਗੁਆਂਢੀ ਮੁਲਕ ਬੰਗਲਾਦੇਸ਼ ਕੂਚ ਕਰਨ ਲਈ ਮਜਬੂਰ ਹੋਏ। ਸੂ ਕੀ ਨੇ ਇਸ ਸਮੱਸਿਆ ਬਾਰੇ ਸਿਰਫ ਇਹੋ ਆਖਿਆ ਹੈ ਕਿ ਇਸ ਨੂੰ ਹੋਰ ਚੰਗੀ ਤਰ੍ਹਾਂ ਸਾਂਭਿਆ ਜਾ ਸਕਦਾ ਸੀ।
ਪਿਛਲੇ ਹਫਤੇ ਐਮਪੀਜ਼ ਨੇ ਸਰਬਸੰਮਤੀ ਨਾਲ ਸੂ ਕੀ ਨੂੰ ਇਸ ਖਿਤਾਬ ਤੋਂ ਵਾਂਝਾ ਕਰਨ ਦਾ ਫੈਸਲਾ ਕੀਤਾ। ਅਜਿਹਾ ਪਹਿਲੀ ਵਾਰੀ ਹੋਇਆ ਹੈ ਕਿ ਕਿਸੇ ਸ਼ਖਸ ਤੋਂ ਆਨਰੇਰੀ ਨਾਗਰਿਕਤਾ ਵਾਪਿਸ ਲਈ ਗਈ ਹੋਵੇ। ਮਿਆਂਮਾਰ ਵਿੱਚ ਜਮਹੂਰੀਅਤ ਲਈ ਦਹਾਕਿਆਂ ਤੱਕ ਕੀਤੇ ਗਏ ਸੰਘਰਸ਼ ਸਦਕਾ ਸੂ ਕੀ ਨੂੰ 2012 ਵਿੱਚ ਕੈਨੇਡਾ ਵੱਲੋਂ ਆਨਰੇਰੀ ਨਾਗਰਿਕਤਾ ਦਿੱਤੀ ਗਈ ਸੀ।

 

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਪ੍ਰਾਈਵੇਸੀ ਵਾਚਡੌਗ ਨੂੰ ਵਧੇਰੇ ਸ਼ਕਤੀਆਂ ਦੇਣ ਬਾਰੇ ਵਿਚਾਰ ਕਰ ਰਹੀ ਹੈ ਫੈਡਰਲ ਸਰਕਾਰ
ਕੈਨੇਡਾ ਵਿੱਚ ਪੈਰ ਪਸਾਰ ਰਿਹਾ ਹੈ ਫੰਗਲ ਸੁਪਰਬੱਗ
ਅੱਧੇ ਤੋਂ ਵੱਧ ਓਨਟਾਰੀਓ ਵਾਸੀਆਂ ਦਾ ਮੰਨਣਾ ਹੈ ਕਿ ਗਲਤ ਰਾਹ ਉੱਤੇ ਤੁਰ ਰਹੀ ਹੈ ਫੋਰਡ ਸਰਕਾਰ
ਅਮਰੀਕਾ ਨੇ ਕੈਨੇਡਾ ਉੱਤੇ ਲਾਏ ਸਟੀਲ ਤੇ ਐਲੂਮੀਨੀਅਮ ਟੈਰਿਫ ਹਟਾਏ
ਇਮੀਗ੍ਰੇਸ਼ਨ ਕਾਰਨ ਹੀ ਕੈਨੇਡਾ ਦਾ ਤਕਨਾਲੋਜੀ ਖੇਤਰ ਵੱਧ ਫੁੱਲ ਰਿਹਾ ਹੈ : ਟਰੂਡੋ
ਬੀਸੀ ਦੀ ਪਹਾੜੀ ਉੱਤੇ ਰਾਤ ਭਰ ਫਸੇ ਰਹਿਣ ਤੋਂ ਬਾਅਦ ਬੱਚਿਆਂ ਨੂੰ ਬਚਾਇਆ ਗਿਆ
1.6 ਮਿਲੀਅਨ ਡਾਲਰ ਦੀ ਮਦਦ ਨਾਲ ਕੀਤਾ ਜਾਵੇਗਾ ਓਨਟਾਰੀਓ ਦੇ ਹਿੰਦੂ ਕਲਚਰਲ ਸੈਂਟਰ ਦਾ ਪਸਾਰ
ਨੌਰਮਨ ਮਾਮਲੇ ਵਿੱਚ ਵਿਰੋਧੀ ਧਿਰ ਦੀ ਮੰਗ ਸਿਰੇ ਨਾ ਚੜ੍ਹੀ
ਹੁਆਵੇਈ ਦੀ ਐਗਜ਼ੈਕਟਿਵ ਨੂੰ ਬਚਾਉਣ ਲਈ ਚੀਨ ਖੁੱਲ੍ਹ ਕੇ ਸਾਹਮਣੇ ਆਇਆ
ਬੀਸੀ ਦੇ ਹੋਟਲਾਂ ਵਿੱਚ ਨੋਰੋਵਾਇਰਸ ਆਊਟਬ੍ਰੇਕ ਕਾਰਨ 100 ਤੋਂ ਵੱਧ ਲੋਕ ਬਿਮਾਰ ਪਏ