Welcome to Canadian Punjabi Post
Follow us on

05

June 2020
ਭਾਰਤ

ਪਾਰਲੀਮੈਂਟ ਮੈਂਬਰਾਂ ਦੇ ਤਨਖਾਹ-ਭੱਤਿਆਂ ਦਾ 4 ਸਾਲ ਦਾ 1997 ਕਰੋੜ ਰੁਪਏ ਖਰਚ

October 03, 2018 07:42 AM

ਨਵੀਂ ਦਿੱਲੀ, 2 ਅਕਤੂਬਰ (ਪੋਸਟ ਬਿਊਰੋ)- ਸੂਚਨਾ ਦੇ ਅਧਿਕਾਰ ਤੋਂ ਪਤਾ ਲੱਗਾ ਹੈ ਕਿ ਪਿਛਲੇ 4 ਵਿੱਤੀ ਸਾਲਾਂ ਵਿੱਚ ਲੋਕ ਸਭਾ ਅਤੇ ਰਾਜ ਸਭਾ ਦੇ ਪਾਰਲੀਮੈਂਟ ਮੈਂਬਰਾਂ ਦੇ ਵੇਤਨ-ਭੱਤਿਆਂ ਉੱਤੇ ਸਰਕਾਰੀ ਖਜਾਨੇ ਤੋਂ ਕੁੱਲ 1997 ਕਰੋੜ ਰੁਪਏ ਦੀ ਰਕਮ ਖਰਚ ਹੋਈ ਹੈ। ਇਸ ਭੁਗਤਾਨ ਦਾ ਹਿਸਾਬ ਲਾਉਣ ਨਾਲ ਪਤਾ ਚਲਦਾ ਹੈ ਕਿ ਇਸ ਸਮੇਂ ਵਿੱਚ ਹਰ ਲੋਕ ਸਭਾ ਮੈਂਬਰ ਨੇ ਹਰ ਸਾਲ ਔਸਤਨ 71.29 ਲੱਖ ਰੁਪਏ ਦੇ ਤਨਖਾਹ-ਭੱਤੇ ਹਾਸਲ ਕੀਤੇ ਹਨ, ਜਦ ਕਿ ਰਾਜ ਸਭਾ ਦੇ ਹਰ ਮੈਂਬਰ ਨੂੰ ਇਸ ਦੌਰਾਨ ਹਰ ਸਾਲ ਔਸਤਨ 44.33 ਲੱਖ ਰੁਪਏ ਦੀ ਅਦਾਇਗੀ ਕੀਤੀ ਗਈ ਸੀ।
ਮੱਧ ਪ੍ਰਦੇਸ਼ ਦੇ ਨੀਮਚ ਦੇ ਵਾਸੀ ਆਰ ਟੀ ਆਈ ਵਰਕਰ ਚੰਦਰ ਸ਼ੇਖਰ ਗੌੜ ਨੇ ਦੱਸਿਆ ਕਿ ਲੰਬੀ ਕੋਸਿ਼ਸ਼ ਤੋਂ ਬਾਅਦ ਉਨ੍ਹਾਂ ਨੂੰ ਸੂਚਨਾ ਦੇ ਅਧਿਕਾਰ ਹੇਠ ਵੱਖ-ਵੱਖ ਅਰਜੀਆਂ `ਤੇ ਇਹ ਖਾਸ ਜਾਣਕਾਰੀ ਮਿਲੀ ਹੈ। ਆਰ ਟੀ ਆਈ ਅਰਜ਼ੀ ਉੱਤੇ ਲੋਕ ਸਭਾ ਸਕੱਤਰੇਤ ਵੱਲੋਂ ਗੌੜ ਨੂੰ ਦਿੱਤੇ ਅੰਕੜਿਆਂ ਮੁਤਾਬਕ ਸਾਲ 2014-15 ਤੋਂ ਸਾਲ 2017-18 ਤੱਕ ਪਾਰਲੀਮੈਂਟ ਦੇ ਹੇਠਲੇ ਸਦਨ ਦੇ ਮੈਂਬਰਾਂ ਦੇ ਤਨਖਾਹ ਅਤੇ ਭੱਤਿਆਂ ਦੀ ਅਦਾਇਗੀ ਲਈ 15,54,20,71,416, ਰੁਪਏ ਖਰਚ ਕੀਤੇ ਗਏ। ਲੋਕ ਸਭਾ ਦੀਆਂ 545 ਸੀਟਾਂ ਵਿੱਚੋਂ 543 ਚੁਣੇ ਹੋੲੋੇ ਮੈਂਬਰ ਅਤੇ ਦੋ ਐਂਗਲੋ-ਇੰਡੀਅਨ ਫਿਰਕੇ ਦੇ 2 ਨਾਮਜ਼ਦ ਮੈਂਬਰ ਹੁੰਦੇ ਹਨ) ਦੀ ਗਿਣਤੀ ਮੁਤਾਬਕ ਪਤਾ ਚਲਦਾ ਹੈ ਕਿ ਇਸ ਸਮੇਂ ਦੌਰਾਨ ਹਰ ਸਾਲ ਲੋਕ ਸਭਾ ਮੈਂਬਰ ਨੂੰ ਤਨਖਾਹ-ਭੱਤਿਆਂ ਦੇ ਰੂਪ `ਚ ਔਸਤਨ 71,29,390 ਰੁਪਏ ਭੁਗਤਾਨ ਕੀਤਾ ਗਿਆ।
ਰਾਜ ਸਭਾ ਸਕੱਤਰੇਤ ਨੇ ਗੌੜ ਨੂੰ ਉਨ੍ਹਾਂ ਦੀ ਅਰਜੀ ਉਤੇ ਦੱਸਿਆ ਕਿ ਸਾਲ 2014-15 ਤੋਂ ਸਾਲ 2017-18 ਤੱਕ ਇਸ ਸਦਨ ਦੇ ਮੈਂਬਰਾਂ ਨੂੰ ਤਨਖਾਹ ਅਤੇ ਭੱਤਿਆਂ ਦੇ ਰੂਪ ਵਿੱਚ ਕੁੱਲ 4,43,36,82,937 ਰੁਪਏ ਭੁਗਤਾਨ ਕੀਤਾ ਗਿਆ। ਰਾਜ ਸਭਾ ਦੀ 250 ਦੀ ਮੈਂਬਰ ਗਿਣਤੀ ਦਾ ਹਿਸਾਬ ਲਾਉਣ `ਤੇ ਪਤਾ ਲੱਗਾ ਕਿ ਇਸ ਸਮੇਂ ਦੌਰਾਨ ਹਰ ਮੈਂਬਰ ਦੇ ਤਨਖਾਹ-ਭੱਤਿਆਂ `ਤੇ ਹਰ ਸਾਲ ਔਸਤਨ 44,33,682 ਰੁਪਏ ਖਰਚ ਕੀਤੇ ਗਏ।
ਸਿਆਸੀ ਅਤੇ ਚੋਣਾਂ `ਚ ਸੁਧਾਰਾਂ ਦਾ ਕੰਮ ਕਰਨ ਵਾਲੇ ਗੈਰ-ਸਰਕਾਰੀ ਸੰਗਠਨ ਐਸੋਸੀਏਸ਼ਨ ਫਾਰ ਡੈਮੋਕ੍ਰੇਟਿਕ ਰਿਫਾਰਮਸ ਦੇ ਮੋਢੀ ਮੈਂਬਰ ਜਗਦੀਪ ਛੋਕਰ ਨੇ ਮੰਗ ਕੀਤੀ ਕਿ ਜਿਸ ਤਰ੍ਹਾਂ ਕਾਰਪੋਰੇਟ ਖੇਤਰ ਵਿੱਚ ਕਰਮਚਾਰੀਆਂ ਦੇ ਤਨਖਾਹ-ਭੱਤਿਆਂ ਬਾਰੇ ਕਾਸਟ ਟੂ ਕੰਪਨੀ ਤੈਅ ਕੀਤੀ ਜਾਂਦੀ ਹੈ, ਉਸੇ ਤਰ੍ਹਾਂ ਪਾਰਲੀਮੈਂਟ ਮੈਂਬਰਾਂ ਦੇ ਤਨਖਾਹ-ਭੱਤਿਆਂ ਬਾਰੇ ਵੀ ਪਾਰਦਰਸ਼ੀ ਤਰੀਕਿਆਂ ਨਾਲ ਕਾਸਟ ਟੂ ਕੰਟ੍ਰੀ ਤੈਅ ਹੋਣੀ ਚਾਹੀਦੀ ਹੈ। ਇਸ ਪੈਕੇਜ `ਚ ਪਾਰਲੀਮੈਂਟ ਮੈਂਬਰਾਂ ਨੂੰ ਹਰ ਮਦ `ਚ ਕੀਤੇ ਜਾਣ ਵਾਲੇ ਭੁਗਤਾਨ ਦੀ ਰਕਮ ਪਹਿਲਾਂ ਤੋਂ ਤੈਅ ਹੋਣੀ ਚਾਹੀਦੀ ਹੈ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਤਬਲੀਗੀ ਜਮਾਤ ਦੇ 2200 ਵਿਦੇਸ਼ੀ ਮੈਂਬਰ ਭਾਰਤ ਨੇ 10 ਸਾਲਾਂ ਲਈ ਬਲੈਕਲਿਸਟ ਕੀਤੇ
ਅੱਠ ਜੂਨ ਤੋਂ ਭਾਰਤ ਵਿੱਚ ਧਾਰਮਿਕ ਸਥਾਨ ਅਤੇ ਸ਼ਾਪਿੰਗ ਮਾਲ ਖੁੱਲ੍ਹਣਗੇ
ਕੋਰੋਨਾ ਲਾਕਡਾਊਨ: ਕਰਜ਼ਾ ਕਿਸ਼ਤਾਂ ਛੱਡਣ, ਪਰ ਵਿਆਜ ਲੈਣ ਦੇ ਫੈਸਲੇ ਤੋਂ ਸੁਪਰੀਮ ਕੋਰਟ ਨਾਰਾਜ਼
ਜੈਸ਼ੇ ਮੁਹੰਮਦ ਦੇ ਆਈ ਈ ਡੀ ਮਾਹਿਰ ‘ਫ਼ੌਜੀ ਭਾਈ’ ਸਮੇਤ ਤਿੰਨ ਅੱਤਵਾਦੀ ਹਲਾਕ
ਗੈਸ ਲੀਕੇਜ ਕਾਂਡ: ਮੌਤਾਂ ਅਤੇ ਸਿਹਤ ਨੂੰ ਖਤਰੇ ਲਈ ਐਲ ਜੀ ਪੌਲੀਮਰਜ਼ ਜਵਾਬਦੇਹ: ਐਨ ਜੀ ਟੀ
ਇੰਡੀਆ ਜਾਂ ਭਾਰਤ ਨਾਂਅ ਦੀ ਪਟੀਸ਼ਨ ਨੂੰ ਵਿਚਾਰਨ ਤੋਂ ਸੁਪਰੀਮ ਕੋਰਟ ਦਾ ਇਨਕਾਰ
ਭਾਰਤ-ਚੀਨ ਦੇ ਫ਼ੌਜ ਅਧਿਕਾਰੀ ਲੱਦਾਖ ਵਿਚਲੇ ਤਣਾਅ ਬਾਰੇ ਉੱਚ ਪੱਧਰੀ ਗੱਲਬਾਤ ਕਰਨਗੇ
ਭਾਰਤ ਸਰਕਾਰ ਦਾ ਅਹਿਮ ਫੈਸਲਾ: ਕਿਸਾਨਾਂ ਲਈ ‘ਇੱਕ ਦੇਸ਼ ਇੱਕ ਬਾਜ਼ਾਰ` ਸਕੀਮ ਲਾਗੂ
ਮਨੋਜ ਤਿਵਾੜੀ ਤੋਂ ਦਿੱਲੀ ਭਾਜਪਾ ਦੀ ਪ੍ਰਧਾਨਗੀ ਖੋਹ ਕੇ ਆਦੇਸ਼ ਨੂੰ ਦਿੱਤੀ ਗਈ
ਇੰਡੀਗੋ ਕੰਪਨੀ ਲਾਗਤ ਘਟਾਉਣ ਲਈ ਪੁਰਾਣੇ ਜਹਾਜ਼ ਵਾਪਸ ਕਰ ਦੇਵੇਗੀ