Welcome to Canadian Punjabi Post
Follow us on

02

June 2020
ਭਾਰਤ

ਹਰਿਆਣੇ ਵਿੱਚ ਜੱਜ ਬਣਨ ਲਈ ਇਕ ਕਰੋੜ ਦੇਣ ਦਾ ਹੋਇਆ ਸੀ ਸੌਦਾ

October 03, 2018 07:40 AM

ਚੰਡੀਗੜ੍ਹ, 2 ਅਕਤੂਬਰ (ਪੋਸਟ ਬਿਊਰੋ)- ਹਰਿਆਣਾ ਸਿਵਲ ਸਰਵਿਸਿਜ਼ (ਜੁਡੀਸ਼ਲ) ਪ੍ਰਾਇਮਰੀ ਟੈਸਟ ਪੇਪਰ ਲੀਕ ਕੇਸ ਵਿੱਚ ਗ੍ਰਿਫਤਾਰ ਸੈਕਿੰਡ ਟਾਪਰ ਤੇਜਿੰਦਰ ਬਿਸ਼ਨੋਈ ਨੂੰ ਕੱਲ੍ਹ ਵਿਸ਼ੇਸ਼ ਜਾਂਚ ਟੀਮ (ਐਸ ਆਈ ਟੀ) ਨੇ ਅਦਾਲਤ ਵਿੱਚ ਪੇਸ਼ ਕੀਤਾ ਤਾਂ ਅਦਾਲਤ ਨੇ ਦੋਸ਼ੀ ਨੂੰ ਦੋ ਦਿਨਾਂ ਦੇ ਰਿਮਾਂਡ 'ਤੇ ਪੁਲਸ ਨੂੰ ਸੌਂਪ ਦਿੱਤਾ ਹੈ।
ਇਸ ਕੇਸ ਦੇ ਦੋਸ਼ੀ ਨੇ ਦੱਸਿਆ ਕਿ ਉਸ ਨੇ ਸੱਤ ਲੱਖ ਰੁਪਏ ਐਡਵਾਂਸ ਦਿੱਤੇ ਸਨ ਅਤੇ ਕੰਮ ਪੂਰਾ ਹੋ ਕੇ ਜੱਜ ਬਣਨ 'ਤੇ ਇਕ ਕਰੋੜ ਹੋਰ ਦੇਣ ਦਾ ਸਮਝੌਤਾ ਕੀਤਾ ਗਿਆ ਸੀ। ਐਸ ਆਈ ਟੀ ਇਸ ਦੋਸ਼ੀ ਤੇਜਿੰਦਰ ਬਿਸ਼ਨੋਈ ਨੂੰ ਦੋ ਦਿਨ ਪਹਿਲਾਂ ਗ੍ਰਿਫਤਾਰ ਕੀਤੇ ਸੁਭਾਸ਼ ਗੋਦਾਰਾ ਅਤੇ ਸੁਸ਼ੀਲ ਭਾਦੂ ਦੇ ਨਾਲ ਜ਼ਿਲਾ ਅਦਾਲਤ ਵਿੱਚ ਪੇਸ਼ ਕਰਕੇ ਹੋਰ ਵੀ ਰਿਮਾਂਡ ਦੀ ਮੰਗ ਕਰ ਸਕਦੀ ਹੈ। ਕੇਸ ਦੀ ਮੁੱਖ ਦੋਸ਼ੀ ਆਯੁਸ਼ੀ ਗੋਦਾਰਾ ਦੇ ਮਾਮਾ ਅਤੇ ਪਿਤਾ ਨੂੰ ਬੀਤੇ ਸ਼ੁੱਕਰਵਾਰ ਦੇਰ ਰਾਤ ਐਸ ਆਈ ਟੀ ਨੇ ਗ੍ਰਿਫਤਾਰ ਕੀਤਾ ਸੀ ਤੇ ਅਦਾਲਤ ਨੇ ਦੋਵਾਂ ਨੂੰ ਚਾਰ ਦਿਨਾਂ ਦੇ ਰਿਮਾਂਡ 'ਤੇ ਭੇਜ ਦਿੱਤਾ ਸੀ। ਉਨ੍ਹਾਂ ਦੀ ਨਿਸ਼ਾਨਦੇਹੀ ਉੱਤੇ ਸੈਕਿੰਡ ਟਾਪਰ ਦੀ ਗ੍ਰਿਫਤਾਰੀ ਕੀਤੀ ਗਈ ਸੀ। ਪਿੰਜੌਰ ਦੀ ਵਾਸੀ ਸੁਮਨ ਨੇ ਅਰਜ਼ੀ ਦਾਇਰ ਕਰ ਕੇ ਕਿਹਾ ਸੀ ਕਿ ਹਰਿਆਣਾ ਸਰਕਾਰ ਨੇ ਐਚ ਸੀ ਐਸ ਜੁਡੀਸ਼ੀਅਲ ਦੀਆਂ 109 ਅਸਾਮੀਆਂ ਲਈ ਅਰਜ਼ੀਆਂ ਮੰਗੀਆਂ ਸਨ, ਜਿਸ ਪਿੱਛੋਂ ਉਸ ਨੇ ਪੇਪਰ ਦੀ ਤਿਆਰੀ ਲਈ ਇਕ ਕੋਚਿੰਗ ਸੈਂਟਰ ਜਾਣਾ ਸ਼ੁਰੂ ਕੀਤਾ ਸੀ। ਇਸ ਦੌਰਾਨ ਉਸ ਦੀ ਦੋਸਤੀ ਸੁਸ਼ੀਲਾ ਨਾਲ ਹੋ ਗਈ, ਜਿਸ ਪਿੱਛੋਂ ਗਲਤੀ ਨਾਲ ਉਸ ਨੇ ਇਕ ਇਹੋ ਜਿਹੀ ਆਡੀਓ ਰਿਕਾਰਡਿੰਗ ਭੇਜ ਦਿੱਤੀ, ਜਿਸ ਵਿੱਚ ਉਹ ਹੋਰ ਲੜਕੀ ਨਾਲ ਡੇਢ ਕਰੋੜ 'ਚ ਨਿਯੁਕਤੀ ਕਰਾਉਣ ਦੀ ਗੱਲ ਕਰ ਰਹੀ ਸੀ। ਪੁੱਛਣ ਉਤੇ ਪੇਪਰ ਲੀਕ ਹੋਣ ਦਾ ਖੁਲਾਸਾ ਹੋਇਆ ਸੀ। ਇਸ ਪਿੱਛੋਂ ਹਾਈ ਕੋਰਟ ਦੇ ਆਦੇਸ਼ ਉਤੇ ਪੁਲਸ ਨੇ 19 ਸਤੰਬਰ ਨੂੰ ਭਿ੍ਰਸ਼ਟਾਚਾਰ ਐਕਟ ਹੇਠ ਸੈਕਟਰ ਤਿੰਨ ਦੇ ਥਾਣੇ ਵਿੱਚ ਕੇਸ ਦਰਜ ਕੀਤਾ ਸੀ। ਹਾਈ ਕੋਰਟ ਦੇ ਆਦੇਸ਼ 'ਤੇ ਇਹ ਕੇਸ ਸਪੈਸ਼ਲ ਜਾਂਚ ਟੀਮ (ਐਸ ਆਈ ਟੀ) ਨੂੰ ਸੌਂਪ ਦਿੱਤਾ ਗਿਆ ਸੀ, ਜਿਸ ਵਿੱਚ ਐਸ ਪੀ ਰਵੀ ਕੁਮਾਰ ਸਿੰਘ, ਡੀ ਐਸ ਪੀ ਕ੍ਰਿਸ਼ਨ ਕੁਮਾਰ ਅਤੇ ਇੰਸਪੈਕਟਰ ਪੂਨਮ ਦਿਲਾਵਰੀ ਨੂੰ ਸ਼ਾਮਲ ਕੀਤਾ ਗਿਆ ਸੀ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਦਿੱਲੀ ਵਿੱਚ ਇੱਕੋ ਦਿਨ 1295 ਨਵੇਂ ਕੋਰੋਨਾ ਕੇਸਾਂ ਨਾਲ ਪਿਛਲਾ ਰਿਕਾਰਡ ਟੁੱਟਾ
ਮਾਹਿਰਾਂ ਦੀ ਰਿਪੋਰਟ: ਭਾਰਤ ਵਿੱਚ ਵੇਲੇ ਸਿਰ ਪ੍ਰਵਾਸੀ ਮਜ਼ਦੂਰ ਵਾਪਸ ਜਾਣ ਦਿੱਤੇ ਜਾਂਦੇ ਤਾਂ ਨੁਕਸਾਨ ਘੱਟ ਹੁੰਦਾ
ਦਿੱਲੀ ਵਿੱਚ ਪਾਕਿਸਤਾਨੀ ਹਾਈ ਕਮਿਸ਼ਨ ਦੇ ਦੋ ਵੀਜ਼ਾ ਸਹਾਇਕ ਜਾਸੂਸੀ ਕਰਦੇ ਫੜੇ ਗਏ
ਪਾਇਲਟ ਨੂੰ ਕੋਰੋਨਾ ਵਾਇਰਸ ਦੀ ਪੁਸ਼ਟੀ ਮਗਰੋਂ ਏਅਰ ਇੰਡੀਆ ਦਾ ਜਹਾਜ਼ ਵਾਪਸ ਮੁੜਿਆ
ਆਗਰਾ ਵਿੱਚ ਤੂਫਾਨ ਨਾਲ ਤਾਜ ਮਹਿਲ ਨੂੰ ਭਾਰੀ ਨੁਕਸਾਨ
ਭਾਰਤ ਵਿੱਚ ਕੋਰੋਨਾ ਦੇ ਕਾਰਨ ਮੌਤਾਂ ਦੀ ਗਿਣਤੀ ਪੰਜ ਹਜ਼ਾਰ ਨੇੜੇ ਪੁੱਜੀ
ਭਾਰਤ ਵਿੱਚ ਲਾਕਡਾਊਨ 30 ਜੂਨ ਤੱਕ ਵਧਿਆ, ਗ੍ਰਹਿ ਮੰਤਰਾਲੇ ਵੱਲੋਂ ਗਾਈਡ ਲਾਈਨਾਂ ਜਾਰੀ
ਕੋਰੋਨਾ ਨਾਲ ਇੱਕੋ ਦਿਨ ਭਾਰਤ ਵਿੱਚ 194 ਮੌਤਾਂ
ਸੁਪਰੀਮ ਕੋਰਟ ਦਾ ਹੁਕਮ: ਘਰੀਂ ਮੁੜਦੇ ਮਜ਼ਦੂਰਾਂ ਦਾ ਕਿਰਾਇਆ-ਖਾਣਾ ਰਾਜ ਸਰਕਾਰਾਂ ਦੇਣ
ਸੁਪਰੀਮ ਕੋਰਟ ਨੇ ਪੁੱਛਿਆ: ਮੁਫਤ ਜ਼ਮੀਨ ਲੈ ਚੁੱਕੇ ਹਸਪਤਾਲ ਮੁਫਤ ਇਲਾਜ ਕਿਉਂ ਨਹੀਂ ਕਰ ਸਕਦੇ