ਨਵੀਂ ਦਿੱਲੀ, 6 ਮਈ (ਪੋਸਟ ਬਿਊਰੋ): ਈਡੀ ਨੇ ਸੋਮਵਾਰ ਨੂੰ ਰਾਂਚੀ 'ਚ 9 ਟਿਕਾਣਿਆਂ 'ਤੇ ਛਾਪੇਮਾਰੀ ਕੀਤੀ ਹੈ। ਇਸ ਵਿੱਚ ਇੰਜੀਨੀਅਰਾਂ ਅਤੇ ਸਿਆਸਤਦਾਨਾਂ ਦੇ ਘਰ ਵੀ ਸ਼ਾਮਿਲ ਹਨ। ਝਾਰਖੰਡ ਸਰਕਾਰ ਦੇ ਪੇਂਡੂ ਵਿਕਾਸ ਮੰਤਰੀ ਆਲਮਗੀਰ ਆਲਮ ਦੇ ਨਿੱਜੀ ਸਕੱਤਰ ਸੰਜੀਵ ਲਾਲ ਦੇ ਨੌਕਰ ਦੇ ਘਰੋਂ 20 ਕਰੋੜ ਰੁਪਏ ਤੋਂ ਵੱਧ ਦੀ ਨਕਦੀ ਮਿਲੀ ਹੈ।
ਨੋਟਾਂ ਦੀ ਗਿਣਤੀ ਜਾਰੀ ਹੈ। ਨੋਟਾਂ ਦੇ ਇਹ ਬੰਡਲ ਵੱਡੇ-ਵੱਡੇ ਬੈਗਾਂ ਵਿੱਚ ਰੱਖੇ ਹੋਏ ਸਨ। ਪੀਐੱਸ ਜਹਾਂਗੀਰ ਸੰਜੀਵ ਲਾਲ ਦਾ ਨੌਕਰ ਹੈ, ਜਿਸ ਦੇ ਘਰੋਂ ਨਕਦੀ ਮਿਲੀ ਹੈ।
ਈਡੀ ਨੇ ਵਰਿੰਦਰ ਰਾਮ ਮਾਮਲੇ ਨੂੰ ਲੈ ਕੇ ਹੀ ਕਾਰਵਾਈ ਕੀਤੀ ਹੈ। ਰਾਂਚੀ ਦੇ ਸੇਲ ਸਿਟੀ 'ਚ ਸੜਕ ਨਿਰਮਾਣ ਵਿਭਾਗ ਦੇ ਇੰਜੀਨੀਅਰ ਵਿਕਾਸ ਕੁਮਾਰ ਦੇ ਘਰ 'ਤੇ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।
ਦੋ ਇਲਾਕਿਆਂ ਦੇ ਨਾਮ ਸਾਹਮਣੇ ਆਏ ਹਨ ਜਿੱਥੇ ਛਾਪੇਮਾਰੀ ਚੱਲ ਰਹੀ ਹੈ। ਇਹ ਧੁਰਵਾ ਅਤੇ ਬੋਡੀਆ ਮੋਰਹਾਬਾਦੀ ਰੋਡ ਦੇ ਸੈੱਲ ਸਿਟੀ ਖੇਤਰ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਅੱਜ ਜਿਨ੍ਹਾਂ ਲੋਕਾਂ ਦੇ ਘਰਾਂ 'ਤੇ ਈਡੀ ਵੱਲੋਂ ਛਾਪੇਮਾਰੀ ਕੀਤੀ ਜਾ ਰਹੀ ਹੈ, ਉਹ ਸਾਰੇ ਸਾਬਕਾ ਚੀਫ ਇੰਜੀਨੀਅਰ ਵਰਿੰਦਰ ਰਾਮ ਨਾਲ ਜੁੜੇ ਹੋਏ ਹਨ।