ਪਿੱਛੇ ਜਿਹੇ ਖਬਰ ਆਈ ਸੀ ਕਿ ਫਰਹਾਨ ਅਖਤਰ ਦੀ ਫਿਲਮ ‘ਡਾਨ 3’ ਵਿੱਚ ਸ਼ਾਹਰੁਖ ਖਾਨ ਨੂੰ ਰਣਵੀਰ ਸਿੰਘ ਰਿਪਲੇਸ ਕਰ ਸਕਦੇ ਹਨ। ਤਾਜ਼ਾ ਖਬਰ ਹੈ ਕਿ ਫਰਹਾਨ ਅਖਤਰ ਅਤੇ ਜ਼ੋਇਆ ਨੇ ਇਸ ਚਰਚਾ ਨੂੰ ਅਫਵਾਹ ਕਿਹਾ ਹੈ। ਫਰਹਾਨ ਨੇ ਕਿਹਾ, ‘‘ਪਤਾ ਨਹੀਂ ਇਹ ਖਬਰਾਂ ਕਿੱਥੋਂ ਆਉਂਦੀਆਂ ਹਨ। ਸ਼ਾਹਰੁਖ ਇਸ ਫਰੈਂਚਾਈਜ਼ੀ ਦਾ ਚਿਹਰਾ ਹਨ ਤੇ ਬ੍ਰੈਂਡ ਅੰਬੈਸਡਰ ਵੀ ਹਨ। ਉਨ੍ਹਾਂ ਦੇ ਬਿਨਾਂ ਅਸੀਂ ਇਸ ਫਿਲਮ ਨੂੰ ਨਹੀਂ ਬਣਾ ਸਕਦੇ।”
ਜ਼ੋਇਆ ਤੋਂ ਇਸ ਬਾਰੇ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ ਕਿ ਨਾ ਮੈਂ ਫਰਹਾਨ ਅਖਤਰ ਹਾਂ, ਨਾ ਸ਼ਾਹਰੁਖ ਖਾਨ ਜਾਂ ਰਿਤੇਸ਼ ਸਿਧਵਾਨੀ ਹਨ। ਇਨ੍ਹਾਂ ਕੁਮੈਂਟਸ ਤੋਂ ਸਾਫ ਹੈ ਕਿ ਸ਼ਾਹਰੁਖ ਹੀ ‘ਡਾਨ 3’ ਦਾ ਹਿੱਸਾ ਰਹਿਣਗੇ। ਸ਼ਾਹਰੁਖ ਨੇ ਹਾਲ ਹੀ ਵਿੱਚ ਸੰਕੇਤ ਦਿੱਤਾ ਹੈ ਕਿ ਉਨ੍ਹਾਂ ਦਾ ਅਗਲਾ ਰੋਲ ਸ਼ਾਨਦਾਰ ਹੋਵੇਗਾ। ਚਰਚਾ ਹੈ ਕਿ ਉਨ੍ਹਾਂ ਨੂੰ ਮਧੁਰਾ ਭੰਡਰਾਕਰ ਦੀ ‘ਇੰਸਪੈਕਟਰ ਗਾਲਿਬ' ਲਈ ਆਫਰ ਕੀਤਾ ਗਿਆ ਹੈ। ਇਸ ਦੇ ਇਲਾਵਾ ਉਨ੍ਹਾਂ ਨੂੰ ਇੱਕ ਤਮਿਲ ਫਿਲਮ ‘ਮਰਸਲ’ ਦੇ ਰੀਮੇਕ ਦੀ ਪੇਸ਼ਕਸ਼ ਵੀ ਕੀਤੀ ਗਈ ਸੀ। ਹਾਲਾਂਕਿ ਸ਼ਾਹਰੁਖ ਇਸ ਨੂੰ ਕਰਨ ਦੇ ਲਈ ਉਤਸੁਕ ਨਹੀਂ ਹਨ।