ਤਾਪਸੀ ਪੰਨੂ ਦਾ ਕਹਿਣਾ ਹੈ ਕਿ ਰਿਪਲੇਸਮੈਂਟ ਹਰ ਫੀਲਡ ਵਿੱਚ ਹਰ ਕਿਸੇ ਦੇ ਨਾਲ ਹੁੰਦੀ ਹੈ ਹੈ। ਕਿਉਂਕਿ ਸਾਡਾ ਪ੍ਰੋਫੈਸ਼ਨ ਕੈਮਰੇ ਦੇ ਅੱਗੇ ਹੈ, ਇਸ ਲਈ ਸਾਰਿਆਂ ਨੂੰ ਇਹ ਜ਼ਿਆਦਾ ਨਜ਼ਰ ਆਉਂਦਾ ਹੈ। ਚਾਹੇ ਤੁਸੀਂ ਚੰਗਾ ਕੰਮ ਕਰੋ ਜਾਂ ਕਿਸੇ ਵੀ ਲੈਵਲ 'ਤੇ ਪਹੁੰਚ ਜਾਓ। ਭਾਵੇਂ ਸੁਪਰ ਸਟਾਰ ਕਿਉਂ ਨਾ ਹੋਵੇ, ਪਰ ਲਾਈਫ ਵਿੱਚ ਇੱਕ ਸਮਾਂ ਅਜਿਹਾ ਆਏਗਾ, ਜਦ ਤੁਹਾਨੂੰ ਕਿਸੇ ਨਾਲ ਰਿਪਲੇਸ ਕਰ ਦਿੱਤਾ ਜਾਏਗਾ, ਕਿਉਂਕਿ ਇਹ ਜ਼ਿੰਦਗੀ ਦਾ ਹਿੱਸਾ ਹੈ। ਉਨ੍ਹਾਂ ਨੇ ਕਿਹਾ, ਮੈਂ ਕਈ ਰਿਜੈਕਸ਼ਨ ਅਤੇ ਰਿਪਲੇਸਮੈਂਟ ਝੱਲਣ ਦੇ ਬਾਅਦ ਗੋਲ ਬਣਾ ਲਿਆ ਹੈ ਕਿ ਅਜਿਹੀ ਪੁਜੀਸ਼ਨ ਅਚੀਵ ਕਰਾਂਗੀ, ਜਿੱਥੋਂ ਮੈਨੂੰ ਰਿਪਲੇਸ ਨਾ ਕੀਤਾ ਜਾ ਸਕੇ।
ਅੱਜ ਕੱਲ੍ਹ ਆਪਣੀ ਹਰ ਫਿਲਮ ਦੇ ਨਾਲ ਮੈਂ ਇਹੀ ਅਚੀਵ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹਾਂ ਅਤੇ ਜਿਸ ਤਰ੍ਹਾਂ ਮੈਨੂੰ ਸਕਸੈਸ ਮਿਲ ਰਹੀ ਹੈ, ਮੈਨੂੰ ਲੱਗਦਾ ਹੈ ਕਿ ਮੈਂ ਸਹੀ ਟਰੈਕ ਉਤੇ ਹਾਂ, ਪਰ ਇਸ ਨਾਲ ਮੈਂ ਅੱਗੇ ਲਈ ਤਿਆਰ ਵੀ ਹਾਂ, ਕਿਉਂਕਿ ਰਿਜੈਕਸ਼ਨ ਅਤੇ ਰਿਪਲੇਸਮੈਂਟ ਤਾਂ ਹੁੰਦੇ ਰਹਿਣਗੇ। ਹਰ ਰੋਜ਼ ਦਾ ਸੰਘਰਸ਼ ਜ਼ਰੂਰ ਇਸ ਪ੍ਰੋਫੈਸ਼ਨ ਵਿੱਚ ਬਣਿਆ ਰਹਿੰਦਾ ਹੈ। ਕਦੀ ਪਤਾ ਨਹੀਂ ਹੁੰਦਾ ਕਿ ਅਗਲੀ ਫਿਲਮ ਮਿਲੇਗੀ ਜਾਂ ਨਹੀਂ।