ਇੰਡਸਟਰੀ ਵਿੱਚ ਚਰਚਾ ਸੀ ਕਿ ਸੈਫ ਅਲੀ ਖਾਨ ਦੀ ਅਗਲੀ ਫਿਲਮ ‘ਜਵਾਨੀ ਜਾਨੇਮਨ’ ਵਿੱਚ ਉਹ ਆਪਣੀ ਬੇਟੀ ਸਾਰਾ ਦੇ ਨਾਲ ਨਜ਼ਰ ਆਉਣਗੇ, ਪਰ ਅਜਿਹਾ ਹੋਇਆ ਨਹੀਂ ਅਤੇ ਐਨ ਮੌਕੇ 'ਤੇ ਸਾਰਾ ਨੇ ਇਸ ਵਿੱਚ ਕੰਮ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਇਸ ਦੇ ਬਾਅਦ ਫਿਲਮ ਵਿੱਚ ਪੂਜਾ ਦੀ ਬੇਟੀ ਆਲੀਆ ਫਰਨੀਚਰਵਾਲਾ ਨੂੰ ਕਾਸਟ ਕੀਤਾ ਗਿਆ ਅਤੇ ਇਹ ਉਸ ਦੀ ਡੈਬਿਊ ਫਿਲਮ ਹੋਵੇਗੀ। ਸਾਰੇ ਇਹ ਜਾਨਣ ਲਈ ਬੇਤਾਬ ਹਨ ਕਿ ਸਾਰਾ ਨੇ ਇਸ ਫਿਲਮ ਦੇ ਲਈ ਇਨਕਾਰ ਕਿਉਂ ਕੀਤਾ।
ਇਸ ਦੀ ਵਜ੍ਹਾ ਦੱਸਦੇ ਹੋਏ ਸੈਫ ਨੇ ਕਿਹਾ, ‘ਆਲੀਆ ਇਸ ਰੋਲ ਲਈ ਇਕਦਮ ਪ੍ਰਫੈਕਟ ਹੈ। ਮੈਂ ਸਾਰਾ ਨਾਲ ਵੀ ਕੰਮ ਕਰਨਾ ਪਸੰਦ ਕਰਾਂਗਾ, ਪਰ ਅਸੀਂ ਇਸ ਪ੍ਰੋਜੈਕਟ ਲਈ ਇੱਕ ਅਜਿਹੀ ਲੜਕੀ ਦੀ ਤਲਾਸ਼ ਕਰ ਰਹੇ ਸੀ, ਜਿਸ ਨੇ ਫਿਲਮਾਂ ਵਿੱਚ ਕੰਮ ਨਾ ਕੀਤਾ ਹੋਵੇ। ਜੇ ਅਸੀਂ ਸਾਰਾ ਨੂੰ ਇਸ ਦੇ ਲਈ ਸਾਈਨ ਕਰਦੇ ਤਾਂ ਉਸ ਨੂੰ ਉਹ ਸਾਰੀਆਂ ਫਿਲਮਾਂ ਛੱਡਣੀਆਂ ਪੈਂਦੀਆਂ, ਜੋ ਉਹ ਕਰ ਰਹੀ ਹੈ। ਮੇਰੇ ਅਨੁਸਾਰ ਸਾਰਾ ਜੋ ਕੰਮ ਕਰ ਰਹੀ ਹੈ, ਉਹ ਉਸ ਲਈ ਇਕਦਮ ਸਹੀ ਹੈ ਅਤੇ ਉਸ ਦਾ ਕਰੀਅਰ ਚੰਗਾ ਚੱਲ ਰਿਹਾ ਹੈ।”