ਇਰਫਾਨ ਖਾਨ ਇੱਕ ਸਾਲ ਦੇ ਗੈਪ ਦੇ ਬਾਅਦ ਇਨ੍ਹੀਂ ਦਿਨੀਂ ਉਦੈਪੁਰ ਵਿੱਚ ਫਿਲਮ ‘ਅੰਗਰੇਜ਼ੀ ਮੀਡੀਅਮ’ ਦੀ ਸ਼ੂਟਿੰਗ ਕਰ ਰਹੇ ਹਨ, ਜੋ ਉਨ੍ਹਾਂ ਦੀ ਹਿੱਟ ਫਿਲਮ ‘ਹਿੰਦੀ ਮੀਡੀਅਮ’ ਦੀ ਸੀਕਵਲ ਹੈ। ਫਿਲਮ ਦੇ ਸੈੱਟ ਤੋਂ ਇਰਫਾਨ ਨੇ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, ‘‘ਘਸੀਟੇਰਾਮ ਮਿਸ਼ਠਾਨ ਭੰਡਾਰ 1900 ਤੋਂ ਸੇਵਾ ਕਰ ਰਿਹਾ ਹੈ। ਬਹੁਤ ਮਜ਼ਾ ਆਏਗਾ ਤੁਹਾਨੂੰ ਨਵੀਂ ਕਹਾਣੀ ਸੁਣਾਉਣ ਵਿੱਚ। ‘ਅੰਗਰੇਜ਼ੀ ਮੀਡੀਅਮ’ ਜਲਦੀ ਆਉਣ ਵਾਲੀ ਹੈ। ਮਿਸਟਰ ਚੰਪਕ ਜੀ ਦੇ ਨਾਲ ਆ ਰਿਹਾ ਹਾਂ ਫਿਰ ਇੰਟਰਟੇਨ ਕਰਨ।” ਇਰਫਾਨ ਦਾ ਕੈਪਸ਼ਨ ਗਵਾਹੀ ਦੇ ਰਿਹਾ ਹੈ ਕਿ ਉਹ ਫਿਰ ਕੰਮ ਕਰਨ ਲਈ ਕਿੰਨੇ ਬੇਸਬਰ ਸਨ। ਇਸ ਫਿਲਮ ਨੂੰ ਹੋਮੀ ਅਦਜਾਨੀਆ ਡਾਇਰੈਕਟ ਕਰ ਰਹੇ ਹਨ ਅਤੇ ਇਸ ਵਿੱਚ ਕਰੀਨਾ ਕਪੂਰ ਦੇ ਨਾਲ ਰਾਧਿਕਾ ਮਦਾਨ ਵੀ ਨਜ਼ਰ ਆਏਗੀ। ਦੀਪਕ ਡੋਬਰੀਆਲ ਵੀ ਖਾਸ ਰੋਲ ਵਿੱਚ ਹੋਣਗੇ।